1. Dong do bah dear in, bai na mardousa in;
Jenges tumang bah tubuh in, pasonang uhurhin.

2. Bah tubuh na mapansing in, in ma Jesusta in;
Isasap do siningta in, ibuat horungkin.

3. Ai darohni Tuhanta in, in do bah tubuh in,
Durus i Golgata do in, manghopkop hita on.

4. Ai ma tongon, ai dihut au gabe pansing homa,
Ai holongMu berean au, ampa na roh homa.

5. Parjahat i siamunMu, i dolog Golgat,
Mintor i golom HataMu, ibaen porsaya da.

6. Jadi torus maluah in humbai pangagou in,
Halani tenger uhurniin, Bamu Rajani in.

7. Sai dihut au paluah Ham, padaoh na bursik in;
Bannami sai patongtong Ham, haporsayaon in.

8. Ai na margogoh do tongtong darohMu na durus,
Pansing ibaen in uhurhon, buat janah torus.

9. Halani ai pujionkin ma lalap GoranMu;
Sai in magira dodingkin, dob das hu lambungMu.


1. Tentera ni Jesus maju ma torus,
porsan ma silangNi ase monang ham.
Ia puanglima sai ihutkon ma,
masuk ham marporang lawan munsuhmin.
Tentera ni Jesus maju ma torus
sai ajamkon Jesus ase monang ham.

2. ?Ge buei na masa salpu do ganup,
Kuriani Tuhan sai totap toguh.
Hita soridadu na pinilihNiin,
bai dalan ni Tuhan maju ma torus.
Tentera ni Jesus maju ma torus
sai ajamkon Jesus ase monang ham.

3. Ai sada do hita angkulaNi in,
Ia do ulunta sibalosan in.
sada haholongan na porsaya in,
ronsi pangarapan hasadaon in.
Tentera ni Jesus maju ma torus
sai ajamkon Jesus ase monang ham.

4. Tentera ni Jesus sai marmegah ma,
ganup mandodingkon puji Naibata.
Rap pakon malekat ni Tuhanta in,
pasangapkon Kristus Siparmonang in,
Tentera ni Jesus maju ma torus
sai ajamkon Jesus ase monang ham.


1. Pitah Ham Tuhan, hatundalan na toguh.
Humbai ganup parutolan na i tanoh on.
Bani haganup pardalanan, pitah Ham panjaga na gogoh.
Ondoskon ma Tuhan, hanai on nuan, se torsa sadokah goluh on.
2. Tonduy Napansing, bere Ham bannami on.
Sai useihon Ham bai uhur nami se sintong.
Ase dong pargogoh manlawan, kuasa ni dunia na bajan.
Ondos ma Tuhan, hanai on nuan, se torsa sadokah goluh on.

3. Bohi pe minar, megah tong halani Ham.
Ge gilumbang roh mandorap goluh nami on.
Bani haganup parsahitan, HataMu do tambar na gogoh.
Ondos ma Tuhan, hanai on nuan, se torsa sadokah goluh on.


1. Seng adong na dos songon Ham o Tuhan
na sai sirsir mangkasomani hanai on
Pitah Ham tongon Naibata na sintong
ganup pambaenanMu gok halongangan do
Sagala bangsa do na jinadihon MU
Marsombah roh hulobeiMu
Pasangapkon Ham ronsi sadokah niin
timbul janah pasing do goranMu ijin.

2. sai ajarhon Ham dalanMu bangku on
Ase mardalan au bai hasintonganMu
Sai baluti Ham uhurhon sai tongtong
Ase marhabiaran bani GoranMu
Ai pitah Ham Tuhan na boi haposankin
bai goluh sidalanankin
bokasMu nuan si irikkononkin
na gabe suluh bani pardalanankin.