Home

Details

Hits: 1954

1. Jahowa sihol pujionku, ai Ham do Naibata sitompa au.
Sai suruh TonduyMu hubangku, mangajar au mamuji GoranMu.
Marhitei -hitei Jesus AnakMu, ase dear dodingku hu Bamu.

2. Bai anakMu bobahon ahu, ase Bamu iboban au homa.
Sorapkon TonduyMu hubangku, manogu au bai dalan na torsa.
Ase tongtong gok damei uhurhin, janah mesek mamuji GoranMu.

3. Sai holong ateiMu , Jahowa! Papandei au mamuji GoranMu.
Sai ulang asal puas hata, ningon botul mamuji hu Bamu.
Ham Bapa, Anak pakon TonduyMu, doskon na jongjong au i lobeiMu.

4. Tonggokku na lang tarpajojor, Tonduy Napansing patalarhon in.
Au gabe anakMu goranon, Tonduy homa do mangkatahon in.
Ase ibagas Kristus AnakMu boi au mardilo Bapa hu Bamu.

5. Ai TonduyMu do mangajarhon martonggo au domu bai rosuhMu.
Sir-sir do tong Ham manangihon tonggokku marhiteihon AnakMu.
Ibagas Jesus jaloonku do, mardapot ? dapot pasu ? pasuMu.

6. Sonin ma au marolob ? olob , marhamegahon malas uhurhin.
Ai ra do Ham mapparuhurhon, na husuhutkon hu Bamu ijin.
Pasu ? pasuMu sai sirnip do in, lobih humbani panagamankin.

7. Ibagas Kristus au manean, ai pitah Ia hasiholankin.
Marhitei Jesus saud ma Amen, na hupindohon rapkonTonduy in.
Hupuji Ham ronsi sadokahniin, ai Ham tumang do hamegahonkin.

Details

Hits: 1955

1. Na masihol do uhurhu, bani Jesus Tuhankin.
Ai isasap do dousangku, iurasi uhurhin
Ge ibagas sitaronon, marsigantung au Bamu.
Ra do ahu mangirikkon, panogunoguonMu

2 Sai paluah Ham uhurhu, humbai na i tanoh on;
Ase Ham hagoluhanku, hasonagankin tongtong
Eta ma mangayakSi, lao manangar HataNiin;
Ai holong do tong uhurNi, patut balosanta in.

3. Sura-sura ni uhurta, pangarapan na talup
Ronsi ganup pingkiranta, bai Tuhanta in ganup;
Sai pararat ma HataNi, bai na porsaya in.
Atap ra ope mardamei, ganup na martengkar in

4. Sai tenger tong uhurmu, bai Tuhanta Jesus in
Sai na jumpah janah saud, ganup sura-suramin;
Ham tongtong janah saud, ase saud hu surge in;
Haganupan do tong Bani, dihut Ham manean in.

Details

Hits: 1959

1. Boru Sion megah ho,
megah ho Jerusalem.
Ai na roh do Rajamin,
siboan damei Rajamin.

2. Hosianna Anak Daud,
sai paluah bangsaMu.
Sai martuah bangsaMu,
damei nirajaanMu.
Hosianna Anak Daud,
sai paluah bangsaMu.

3. Hosianna Anak Daud,
bere Ham ma dameiMu.
Padeoh Ham sinjata in,
bai ganupan bangsaMu.
Hosianna Anak Daud,
bere Ham ma dameiMu.

4. Hosianna anak Daud,
bere na sonang totap.
paringoran subil pe,
sai daoh ma in ganup.
Hosianna anak Daud,
bere na sonang totap.

Details

Hits: 1964

1. Martuah do namarhaposan, bai Naibata Bapanta in
Ai in do nadapot pangapohon, bai ganup sitaronon in
Seng borsik be onjolan in, na mangkaposi Tuhan in

2. Ai anggo sai holsohan hita ai aha ma guna ni in?
Anggo borat tongtong uhurta mardingat sitaronon in
Tor in ma mangkurangi in? Sai tambah do pangkorhonniin

3. Halani ai, pasoh ma lobei janah palamlam uhurmin
Manonggor atap ra ham holi mangunduk bai Naibatamin
Ai Ia do mamilih ham, ibotoh do naporlu bam

4. Ibotoh Jesus adangan ni, mambaen hamegahonta in
Asal ganup hita haposan, ulang marladung be ijin
Itongos do na jenges in, na so agak ni uhur in

5. Ulang uhurmu mangagakkon, ham itadingkon Naibata
Janah na so marsitaronon in do iabing Naibata
Barang sintong pikiranmin, ujungni patandahon in

6. Urah do anggo bai Tuhanta, marguru bai rosuhNi in
Na bayak boi pasombuhonNi, janah byak na sombuh in
Longang magira uhurmin, mangidah pambaenanNi in

7. In pe haporsayai ma Tuhan, bujur horjahon rupeimin
Sai Ia ma tongtong irikkon, ajamkon panumpakNi in
Na mangajamkon Tuhan in, seng anjai boi tartadin in