Home
- Details
- Hits: 632
1. Puji ma Naibatanta bai ianan Na PansingNi in, Bai paratas hamuliaonNi in
Haleluya, Haleluya Puji ma Naibata.
Pasangap ma goranNi halani pambahenanNi in, Ampakon hagogohonNi in
Haleluya, Haleluya pasangap Naibata
Pahata ma tarompit ge arbab pe, irandu pakon gondrang husapi pe
Irik homa sarunei ge sordam pe, sonai ampakon ogung marolol bei
Puji ma rumbuk ma baen parhata ni parugas in
Sombah ma marhiteihonni doding na lurlur ijin
2. Puji ma Naibatanta Sipargogoh na tarsulur in, Parsimada harajaon in
Haleluya, Haleluya Puji ma Naibata
Pasangap ma goranNi, ale ganup na marhosah in, Ningon rup ma mamuji ijin
Haleluya, Haleluya Pasangap Naibata
Pahata ma tarompit ge arbab pe, irandu pakon gondrang husapi pe
Irik homa sarunei ge sordam pe, sonai ampakon ogung marolol bei
Puji ma rumbuk ma baen parhata ni parugas in
Sombah ma marhiteihonni doding na lurlur ijin
- Details
- Hits: 635
1. Marujung ma nuan saminggu parlayakMu na dong sonin
Songon binereMu hubangku pasuMu in bai uhurhin
Sonin ma ge hulobei on, sai Ham manongos in tongtong
2. Hupuji Ham o Naibatangku tarima kasih ma Bamu
Ibaen pambereMu ganupan hubangku ai hubotoh do
Megah do Ham bai dodingkin marhitei-hitei Jesus in
3. Tongon sai dong pe na hutaron ilopas Ham saminggu on
Itumpak Ham do au manaron ase bai hadearon on
Ihorhon na hutaron in sai GoranMu pujionkin
4. Nuan adong pangindoanku na porlu sibereonMu
Sai ulang dingat Ham dousangku, holong ma Ham manguras au
Marhitei-hitei daroh in na dob manggalar utangkin
5. Seng mubah hataMu hubangku totap do bagah-bagahMu
Ai pagoluhonMu pardousa anggo marhoru uhurniin
Janah iboan dousa in bai Jesus Sipaluah in
6. In ma ginolom ni uhurhu bani haporsayaonkin
Ase malas nuan uhurhu lao paujungkon minggu in
Ai domma sonang uhurhin ibaen pangarapanni in
7. Lambin martambah ma umurhu lambin madohor ma homa
Arini lao tadingkononku dunia on marayak Ham
Tagam hinan baen tonduyhin, marayak hasonangan in
8. Anggo dob puho ahu sogod bai ari Minggu na roh in
Megah uhurhu laho bongkot hubagas parmingguan in
Ai jaloonku ma ijin Ambilan na mapansing in
9. Dob-dob hinan ma lah hupuji na sihol bereonkonMu
Hubotoh do pangkaholongi ni Ham age hupudi on
Hu Surga au itogu Ham, sonin ipingkir Ham hinan
- Details
- Hits: 636
1. Ai domma jumpah au ondolan ni tonduyhin na magou on
Daroh ni Jesus do manahan sadokah ni dokah ni in.
Maseda pe dunia on, tongtong togap ondolan on.
2. Ai ipaherbang do tangan-Ni lao mangalehon jolma on.
Halani holongni atei-Ni bai hita sindudia on
Na roh ampakon na so roh, ganup sol toguon-Ni do.
3. Ulang maseda hajolmaon, ninuhur ni Jahowa in;
Isuruh do bai hajolamon, Anakni Sipagoluh in.
Sai ihartuki Hata-Niin do labah ni uhurta in.
4. Domma mogap ganup dousanta bai darohni Tuhanta in.
Ai anggo porsaya do hita seng bulih hona uhum in.
Ibaen hata ni daroh in na mangkahui jolma in.
5. Halani ai unobkonon ma dousangku bai paridian in.
Hupasasapkon ma dousangku bai Jesus Sipagoluh in.
Anggo manolsol diri au bai Jesuskin tongtong au lao.
6. Ondolan on ma iananku, sadokah au itanoh on.
Sai in ma hagoluhkononku paima rotap hosahkon.
Tongtong do sipujionkin Tuhanku, Sipagoluh in.
- Details
- Hits: 638
1. Puji Jahowa na sangap anjaha mardohar.
Hita ganupan na ringgas na megah maruhur.
Martumpu rup, marolob ? olob ganup haganupan manisia
2. Puji Jahowa Naibata sigomgom ganupan.
Na mambobai ho songon tinogu ni tangan.
Hosahmu pe, sai iparorot hape, songon pinindomu Bani.
3. Puji Jahowa na sirsir manompa dagingmu.
Janah tongtong do manumpak jorgit pamatangmu.
Gati tumang roh partolongNi hubam sanggah roh ni hasosakan.
4. Puji Jahowa situmpak haganup horjamu.
Ai itumpakhon hubam tongtong hagoluhanmu.
Ingat ma ai, hinalayakNi do ai, holong ateiNi tumang do.
5. Puji Jahowa tonduyhu pasangap GoranNi.
Pakon ganup na marhosah mamuji hu Bani.
Ai do talup baenon ni hita ganup, dodingkon hita ma Amen.