Home

Details

Hits: 1896

1. Poltak ma Ham sogod on, Ham Panondang ni Jahowa
Sai sondangi Ham au on, ase sirang humbai dousa
Na golap bai uhurhin, usir hin

2. Doskon namur layakMu manorapi uhur nami
Ai holong ni uhurMu padaohkon horunami
Apoh Ham hanami on, na ijon

3. Ai holongNi uhurMu mamuhoi tonduynami
Mangirikkon hataMu, lambin tambah holongnami
Hu Bamu sonai age, jolma pe

4. Daroh parpadanan in, in ma hapintorannami
Ganup uhur dousa in, sai daoh ma humbannami
Haganup naborit in, daoh ma in

5. Sondang na hun surga in, poltak bai tanomannami
Anggo jumpah ari in, puho ma angkulanami
Masuk bai ianan in, surga in

6. Jesus Ham Panondang in, Ham palihar langkahnami
Humbai partangisan in gabe hamegahonnami
Rupei na manantong in, surga in

Details

Hits: 1896

1. Haganupan na sa uhur, mangindahi damei in
Dompak Jesus na pabulus holongni uhurta in
Ai Tuhanta do ulunta, hita pagori Ni in
Tuhan Jesus do gurunta, hita susianNi in

2. Tonggor idop ni uhurNi, na bagas, na gijang in
Sai tandai ma holongNi, seng tarsibar ganup in
Iparorot Naibatanta, Bapa na tarsulur in
Pakon Jesus pe, Tuhanta, hita na porsaya in

3. Sai pasada Ham, o Tuuhan , ganup na porsaya in
Ase marsihaholongan, domu bai titahMu in
Marhiteion hasintongan, in do tong ipinndo Ham
Sai padomu Ham hasoman, na dob isondangi Ham

4. Sai pasada Ham hanami, doskon Ham bai Bapa in
Ase ulang humbannami lao bai hakahouon in
Ham do tong usihannami, bani horja in ganup
Ido tandani hanami, susianMu do ganup

Details

Hits: 1897

1. Ai dohor Tuhanta, unduk bei ma hita lao manombah Nabatanta.
Turun Naibatanta, hutongah-tongahta ningon siap ma ganup hita
Sombah ma Naibata na tang sitimbulan na so halompouan.

2. Ai dohor Tuhanta, suruh-suruhanNi sai marsombah i lobeiNi.
Ai hapansingonNi ipapuji-puji marhiteihon ni dodingNi.
Hit ape, hajojo, sai ringgas uhurta pasangap Tuhanta.

3. Ham Naibatanami! Tadingkonannami haganup dousanami;
Tonduy pakon daging, ondoskonnami hu Bamu, o Tuhannami.
Pitah Ham, o Tuhan sibalosannami, pasangaponnami.

4. Naibata na jombut na sangap, na bujur sai papansing Ham ma ahu,
Bere Ham ma gogohku ase balosanku Ham saporti suruhanMu
Rosuh ni uhurMu sihol pasaudonku, Ham haholonganku.

5. Baen pansing uhurhu sirang humbai dousa, sai mardamei janah sonang;
Ham pabontor ahu ase idahonku bohiMu use, Tuhanku.
Togu Ham o Tuhan hu Bamu uhurhu, Ham do balosanku.

6. Sai iankon ahu rumahMu uhurhu, pinapansingMu ma ahu
Masuk Ham hubangku ?se holong uhurhu hu Bamu o Naibatangku!
Soh pe au, barang lao Ham ma sai hutatap janah hupasangap.

Details

Hits: 1897

1. Tongah borngin marnipi au, bai nipingku roh Tuhanta in.
Tor tarsonggot mabiar au, saud ma hape na tarsurat in.
Tuhan roh gok bai hasangapon-Ni, bani ari paruhuman in.
Marhasoman sora ni tarompit, rap ampakon malekat-Ni in.

2. Hitir ma parjahat ijin, i lobei ni paruhuman in.
Mangonai ma bani ijin, panlanggaron na binaen ni in.
Seng adong ijin be panorangni, manolsoli ganup dousa in.
Hamarsikon do ijin rupeini, na ibagas paruhuman in.

3. Tapi anggo parpintor in, sai marmegah, sonang do ijin.
In ma na totap tong sirsir, paima parroh ni Tuhan in.
Hagoluhan do ijin rupeini, pinasirsir ni Tuhanta in.
Sai mandoding rap mamuji-muji, hapansingon ni Goran-Ni in.