1.Tutuho na martunas do bai si Jese in.
Tubuh na etek-etek na binagahkon in.
In ma Tuhanta in, sinuruh ni BapaNi, roh banta jolma on.

2.Tunas nahinatahonni si Jesayas in.
In do na tinubuhkonni si Maria in.
Na jumpah ma ijin na binagah-bagahkon ni Naibatanta in.

3.Jenges tumang rupaNi marsinalsal in,
?Ge pe masombuh Ia, na gabe jolma in.
Lihar ma baenon Niin uhurni hita jolma na bai nagolap in.

4.Napuji ma homani, ?par holong atei in;
Ibere do AnakNi hagoluhanta in.
Megah ma hita on mamuji Naibatanta ibaen layakNi in

5.O Jesus,Tuhannami naroh hu tanoh on,
Bai hasombuhannami i hasiangan on.
Holong ma ateiMu sai toguh tonduynami bai hasangaponMu!


1. Domma talu hamateian ibaen Tuhan Jesus in
Ai manggoluh use Tuhan songon hinatahon Niin
Haleluya, haleluya doma puho Jesus in
Haleluya, haleluya doma puho Jesus in

2. Roh manorih hu tanoman parinangon in hujin
Seng ijin be Jesus Tuhan, domma puho in hunjin
Haleluya, haleluya doma puho Jesus in
Haleluya, haleluya doma puho Jesus in

3. Sai marmegah-megah hita ibaen puho Jesus in
Ai maluah ganup hita humbai hamagouan in
Haleluya, haleluya doma puho Jesus in
Haleluya, haleluya doma puho Jesus in

4. Sai napuji ma Tuhanta na marholong atei in
Napasangap malah Ia namaridop uhur in
Haleluya, haleluya doma puho Jesus in
Haleluya, haleluya doma puho Jesus in


1. Jesus roh hanami on mangirikkon parentahMu
Roh na etek-etek on HataMu sol dalanonkon
Ningon hu Bamu bobanon lao manjalo parpadanan

2. Maraloling hata on tong ibagas uhurhon
Barang ise na ijon ningon tubuh dua hali
Tubuh ampakon hum babou ase ulang dong be magou

3. Halani in tarudu do parroh nami on o Tuhan
Ase ondos ma Bamu poso-poso on ganupan
Hagoluhan ma rupeini janah gok Bamu dirini

4. Burih Ham tonduyni in bani darohMu o Jesus
Baen pansing uhurni in sura-suraMu ma saud
HapintoronMu ma bani anakMu ia homani

5. Parmahani on tong-tong Ham parmahani kuria
Jalo Ham goriMu on baen susi pintori ia
Damei bere bai uhurni ronsi haporsayaonni

6. Ondos ma hu lobeiMu Jesus pangindoannami
Togu ma das huBamu haganup niombah nami
Ampa goranni in o Tuhan hubai buku hagoluhan


1. Pohu ho o tonduyhin, puho lao martonggo
Ase ulang munsuhmin, roh na so binotoh.
Akal ni setan in do manipu jolma, paruhur na bonar

2. Puho ho na modom in, na ibagas dousa;
Ase ulang halaniin ho marutang hosah;
Air sompong, tor julong, roh ma parlajouan bai na so marjaga

3. Puho, ai na so tarbaen tonduy ni Jahowa
Manorangi ho, mambaen sirang humbani dousa?
Ningon do puho ho, ase bereonNi dear ni layakNi

4. Puho, jaga uhurmin, ulang ikahouhon
Hisap ni uhurmu in, janah italuhon;
Gijang ni uhur ni gatian marhala pangalopan salah

5. Sai martonggo ho gogoh, ase sau maluah.
Humbai dousa haganup, ase ho martuah;
Jesus do na gogoh, na boi manaluhon haganup pangagou

6. Halaniin sai dilo ma Goran ni Tuhanta
Na binaen ni Naibata parsigantunganta
Teleng do dompak ho pinggol ni Jesusmu saud na pinindomu

7. Halaniin, totap ma da sai martonggo hita
Bai Bapanta Naibata I nagori atas
Lambin do sai dohor parroh ni Tuhanta manguhumi jolma