1. Ge daoh ponop openi ujungni dalanankin
Tuhan do manogu ahu bani pardalanankin.
Bahen Ham au pambalosi bani ganup rosuhMu.
Lang be sangsi janah gobir sai totap porsaya au.

2. Tuhan ulang au paturut manontuhon langkahkin.
Pitah Ham ma huangihon bai ganupan goluh on.
Bai ganup hahuranganku pakon pardousaonkin.
Togu-togu Ham ma ahu das hubani ujungnin.

3. Rapkon Bapa in do ahu, ?ge mamolus na golap.
Pitah Ia hubalosi halani holongNi in.
Ge pe lang huidah nuan gok ni malas uhur in.
Pos uhurhu bani Tuhan jaloonku use in.



1. Hupaima do Tuhanku, sai masihol uhurhin,
bai parroh ni Tuhan Jesus, songon binagahkon Niin.
Marhasoman olob-olob, hanai on managam Ham.
Maranata roh ma Tuhan, amen sai podas Ham roh.

2. Malas uhur na tarlobih do manggoki uhurhon.
Dob hubogei in soraNi, bai parroh ni Tuhan in.
Marhasoman olob-olob, hanai on managam Ham.
Maranata roh ma Tuhan, amen sai podas Ham roh.

3. Sai sirsir ma ho tonduyhu, paimahon parroh Niin.
Sai itogu-togu Jesus do ham das hu surga in.
Marhasoman olob-olob, hanai on managam Ham.
Maranata roh ma Tuhan, amen sai podas Ham roh.

4. Ai tumaram domma baingkat, Ham Tuhan hun surga in?
Ulang lalab au tarpodom, bani pardousaonkin.
Marhasoman olob-olob, hanai on managam Ham.
Maranata roh ma Tuhan, amen sai podas Ham roh.


1. Batu gingging Ham tongon, huondoskon tonduyhon
Burihan ni darohMu, na roh humbai lambungMu
Ai paluah ai do in, humbai pardousaonkin

2. Na ni dok ni titah in, mahol mandalankon in
Halak na ringgas botul, pala tangis sol bujur
Na dong sasap dousa in, halani pitah sonin

3. In pe misir mando au, lao hu dolog Golgota
Bani hayu silangMu, ale Jesus Tuhankin
Ulang tulak Ham hunjin, au na pusok uhur in

4. Ai sadokah au ijon, barang rotap hosahkon
Lao dohor pe ajalhin, bani paruhuman in
Batu gingging Ham tongon, sai Bamu ma tonduyhon


1. Sonang ni, bornginni in, sanggah roh Jesus in;
Sonang modom do halak ganup dua mando na puho in rup.
Mangoromi AnakNi Jesus Tuhanta in.

2. Dear ni bornginni in, sanggah roh Jesus in
Bai parmahan i Betlehem in, ipatugah na hun surga in;
Domma roh Sipagoluh, Jesus, Tuhanta in.

3. Buei ni tuah ijin, sanggah roh Jesus in.
Tor maluah pardousa use, humbai hamagouan Ni hape.
Ben na roh Sipagoluh, Jesus, Tuhanta in.