1. Megah tumang uhurhu, roh ahu sogot on.
Mamuji Naibatangku, si jaga goluhkon.
Ham do bai hatak in tong do sol pujionku,
Janah pasangaponku marhitei Jesus in.

2. Sagala habiaran na bajan haganup,
Daoh do in na borngin ibehen holongMu.
Mangindo au nuan: Sai sasap ham dousangku,
Ganupan parlahouhu, sogam ni uhurMu.

3. Parorot Ham ma ahu age sadari on,
Sibaen hasunsahanku padaoh Ham tongtong.
Iankon Ham au on, patorsa Ham langkahku,
Padaoh Ham sosakku, Bamu ma hosahkon.

4. Tonduyhu, pamatangku rap ampa uhurhon.
Ampakon hasomanku na i dunia on,
Sai ondos ma Bamu sagala na dong bangku;
Ganupan sinaringku, sibere-bereMu.

5. Hatahon Ham malekat, tongtong i lambungkon,
Ai ningun hupabulat Bsmu pa tonduyhon.
Ai tong sibolis in roh manggompangi au,
Ase ihutkononku mambahen dousa in.

6. Marguru bai Tuhanku ma au bai haganup.
Itogu Naibatangku ma au bai na talup.
Sai pasu-pasu Ham binahen ni tanganku,
Ganup hinorjahonku o Tuhan Naibata.

7. Sonari ningku: Amen, tenger ma uhurhin,
Tuhanku mamberehon, na hupindohon in.
Lao misir au nuan hubani lahoanku,
Sai Jesus hasomanku, sonang do au ibaen.


1. Sai orod bai silangmu Jesus iananku,
bah tubuh mabaor ijin in ma inumonku.
Silangni Tuhankin in ma pujionku,
anggo das magira au in dodingkononku.

2. Lao ma au bai silangMu in haporusanku,
sai idop mauhurMu ulang tulak ahu.
Silangni Tuhankin in ma pujionku,
anggo das magira au in dodingkononku.

3. Domu au bai silangMu in ma jolomonku,
ase ulang kahou au Ham ihutkononku.
Silangni Tuhankin in ma pujionku,
anggo das magira au in dodingkononku.

4. Sai hujolom silangMu Ham paimaonku,
jaloonku surga in, in ma iananku.
Silangni Tuhankin in ma pujionku,
anggo das magira au in dodingkononku.



1. Sai jolom Ham tanganku, sai togu au;
Ronsi rotap hosahku, parorot au;
Na dong au ra mardalan, sahalak au.
Sai Ham ma, ale Tuhan, manogu au.

2. Baluti Ham uhurhu na horu in.
Bai holong na tarsulur, na banggal in.
Sai sasap Ham dousangku, ale Tuhan.
Sai gok Bamu uhurhu hunjon hujan.

3. Ai anggo hasunsahan, buei do in;
Sonai pe pangahapan, sonang do in.
Age golap huidah I tanoh on,
Torang do marpangidah bai uhurhon.

4. Bai jampalMu, oTuhan, i lobeiMu.
Paturut Ham masaran jabolonMu.
Pitpit hubaen matangku manjolom Ham.
Ai sonang do uhurhu na rongkon Ham.

5. Sai jolom Ham tanganku, sai togu au.
Ronsi rotap hosahku jagai Ham au.
Patorang Ham langkahku hu surga in.
Ham ma patunggungonku tontong ijin.


1. Au sol dohor Bamu Ham Naibata.
?Ge pe manaron au huporsan ma.
mandoding do au on mamuji Ham tongtong.
Lambin dohor Bamu dohor Bamu.

2. Bai pardalanankin bod ari in,
?ge bai na golap in pos uhurhin.
Sanggah mardalan au ulang tadingkon au,
ase dohor Bamu, dohor Bamu.

3. Tungkis pe dalan in bolusankin,
pitah tanganMu in manogu au.
Nini suruhanMu ningon dohor Bamu,
ningon dohor Bamu, dohor Bamu.

4. Bani na puho au hubotoh ma,
i lambungMu do au Ham Naibata.
Sai tong ma sonang au asal dohor Bamu,
asal dohor Bamu, dohor Bamu.