Sai parmudu Ham hanami, apoh Ham ma uhur name
Pasu Ham ma sipangananon, ase gabe hatoguhon
Janah gabe hagoluhan, bai angkula hagelekon
Ronsi ondos ?ge hanami, das hu surge, Bapa name.


1. Sai sogopi Ham au on Ham ale Tonduy Napansing
Sai ajari Ham tongtong baen sonang janah papansing
Sai martonggo bai Jahowa, na tong manangihon hata

2. Tonduy Hasangapon in sai iankon uhurnami
Tumpak Ham hanami bei lao manlawan munsuhnami
?Se maluah ma hanami humbai hadousaonnami

3. Jolma manisia da, sai sondangi Ham ganupan
Ase roh ganup homa hubai Jesus Kristus Tuhan
Rarat ma HarajaonNi bai ganup manisiaNi


1. Damei do niMu bereon, Jesus bani bangsaMu.
TonduyMu do pasaudkon, hata bai jabolonMu.
Na doyuk janah masombuh, au seng patut rongkon Ham,
Tonduy Napansing ma suruh ?se gogoh manombah Ham.

2. Ale Tonduy Sipardamei sai masuki hanai on.
Sai pasada uhur name, ?se marbuah ganup on.
Sai tangi pinggolnami lao manangar ojurMu;
Ase tambah ringgasnami pararatkon HataMu.

3. Sada horjaonkonnami, ipindo uhurMu in;
Ningon holong ateinami, bai hasomannami in.
Ase roh ma gogohnami, mangkorjahon HataMu;
Mangkahulhon dirinami bsi hasoman ?pa Bamu.


1. Doding ni malekat in,
pasangapkon Tuhan in.
Namambere hasonangan,
Raja na dob tubuh in.
Haganupan bangsa-bangsa,
sai mamuji bani Tuhan
Jesus na hun surga in
tubuh i Betlehem in,
Doding ni malekat in pasangapkon Tuhan in.

2. Ganup na i surga in, sai manombah Tuhan in.
Tuhan Jesus jadi jolma, roh bai hajolmaon in.
lao mamboban haluahon, ganup dousa isalpuhon.
GoranNiin immanuel, rapkon hita Tuhan in.
Doding ni malekat in pasangapkon Tuhan in.

3. Raja Sipaluah in, marsinalsal do tongtong.
Domma poltak sinondangNi, lao pasonang hita on.
Ipalumei do diriNi, ase toguonNi hita.
Turun di Tuhanta in, paluahkon jolma in.
Doding ni malekat in pasangapkon Tuhan in.