Home

Details

Hits: 1886

1. Tongah borngin marnipi au, bai nipingku roh Tuhanta in.
Tor tarsonggot mabiar au, saud ma hape na tarsurat in.
Tuhan roh gok bai hasangapon-Ni, bani ari paruhuman in.
Marhasoman sora ni tarompit, rap ampakon malekat-Ni in.

2. Hitir ma parjahat ijin, i lobei ni paruhuman in.
Mangonai ma bani ijin, panlanggaron na binaen ni in.
Seng adong ijin be panorangni, manolsoli ganup dousa in.
Hamarsikon do ijin rupeini, na ibagas paruhuman in.

3. Tapi anggo parpintor in, sai marmegah, sonang do ijin.
In ma na totap tong sirsir, paima parroh ni Tuhan in.
Hagoluhan do ijin rupeini, pinasirsir ni Tuhanta in.
Sai mandoding rap mamuji-muji, hapansingon ni Goran-Ni in.

Details

Hits: 1887

1. Megah tumang uhurhu, roh ahu sogot on.
Mamuji Naibatangku, si jaga goluhkon.
Ham do bai hatak in tong do sol pujionku,
Janah pasangaponku marhitei Jesus in.

2. Sagala habiaran na bajan haganup,
Daoh do in na borngin ibehen holongMu.
Mangindo au nuan: Sai sasap ham dousangku,
Ganupan parlahouhu, sogam ni uhurMu.

3. Parorot Ham ma ahu age sadari on,
Sibaen hasunsahanku padaoh Ham tongtong.
Iankon Ham au on, patorsa Ham langkahku,
Padaoh Ham sosakku, Bamu ma hosahkon.

4. Tonduyhu, pamatangku rap ampa uhurhon.
Ampakon hasomanku na i dunia on,
Sai ondos ma Bamu sagala na dong bangku;
Ganupan sinaringku, sibere-bereMu.

5. Hatahon Ham malekat, tongtong i lambungkon,
Ai ningun hupabulat Bsmu pa tonduyhon.
Ai tong sibolis in roh manggompangi au,
Ase ihutkononku mambahen dousa in.

6. Marguru bai Tuhanku ma au bai haganup.
Itogu Naibatangku ma au bai na talup.
Sai pasu-pasu Ham binahen ni tanganku,
Ganup hinorjahonku o Tuhan Naibata.

7. Sonari ningku: Amen, tenger ma uhurhin,
Tuhanku mamberehon, na hupindohon in.
Lao misir au nuan hubani lahoanku,
Sai Jesus hasomanku, sonang do au ibaen.

Details

Hits: 1888

1. Ia bah santektek, na otik do in
Anggo sai manektek, sai sirnip do in

2. Tanoh, laut, ?ge hosah, na buei do in,
Anggo gok ma dousa na bajan do in

3. Ise do mamorsan dousamin hape?
Ise do paluahkon tonduymin use

4. In ma Tuhan Jesus Siparholong in
Domma ham itobus humbai dousamin

5. Sombah ma lah Ia Sipagoluh in
Ia do na manasap ganup dousamin

6. Haholongi Jesus, lawan dousamin
ase ipatorus ganup langkahmin

7. Dihut ipabongkot ham hu surge in
Sonang ham marolob sadokahni in

Details

Hits: 1893

1. Jesus Ham do bah tubuhku
Sipagoluh tonduyhin
Ai ibunuh Ham musuhku in ma hamateian in
Ham manaron hamagouan Pasirsirhon hagoluhan
Halaniin hupuji Ham sai maribu hali tong

2. Habileion, apas-apas, lansat ampa tijur pe
Tali pakon tompas-tompas itarokon ham hape
Paluahkon au na sombuh humbai tangan ni sibolis
Halaniin hupuji Ham sai maribu hali tong

3. Bai gurungMu in do ugah sanggah hona lonsing in
Parmalum ni ganup ugah na bai uhurhin do in
Ham do jadi binuraan, au dapotan hagoluhan
Halaniin hupuji Ham sai maribu hali tong

4. Ranting duri igotongkon bani simanjujungMu
Janah tolong ilipatkon lao pamarsik uluMu
In itaron Ham Tuhanku marhalahon ni dousangku
Halaniin hupuji Ham sai maribu hali tong

5. Tangan ampakon naheiMu itolpusi paku in
Jadi tiris ma darohMu roh humbai parsilang in
In bah tubuh paridian bangku jolma na boritan
Halaniin hupuji Ham sai maribu hali tong

6. GoranMu ma sai hupuji halani boritni in
DarohMu pe huhargai na binerehonMu in
Pasalosei dousa nami, ulang magou be hanami
Ham hupuji halaniin sadohkah-dokahni in