1. Humbai hurungan ni dousakin,
roh au Bamu, roh au Bamu.
Hu haluahon bai daroh-Mu
Jesus, au roh Bamu
Ganup uhurhu malum hape,
gabe bayak ?ge masombuh pe.
Humbai dousangku, roh au Bamu,
Jesus au roh Bamu.

2. Maila au butak uhurhin
roh au Bamu, roh au Bamu.
Gabe borsih ma ?ge uhurhin,
Jesus, au roh Bamu.
Humbai holsohku bai sonang-Mu,
humbai doyukku bai damei-Mu
Humbai horungku bai holong-Mu,
Jesus, au roh Bamu .

3. Ganggu ni uhur tading ma in,
Jesus , au roh, roh hu Bamu,
Sai haposanku ma hata-Mu,
Jesus , au roh Bamu.
?Ge pandoleian ni uhurhin ,
sai huayubkon bai holong-Mu .
Gabe martuah megah ma au,
Jesus, au roh Bamu


1. Roh do au nuan marsombah hu Bamu Tuhan
Mansopotkon ganup dousa na borat tumang
Sai holong ma Ham sasap Ham ma in
Holong Mu tumang pahampungkon in
Ase ulang au boratan ibaen dousangkin
Ase au hinsah mardalan hulambungMu

2.Gatinan do au manlembang humbai dalanMu
Ge domma buei ijin hujalo holongMu
Sai holong ma Ham sasap Ham ma in
Ase ulang au boratan ibaen dousangkin
HolongMu tumang pahampungkon
Ase au hinsahmardalan hu lambungMu in

3. Na talup do hinan do ahu sigilaanMu
Ai gati lansei uhurhu bai aturanMu
Sai holong ma Ham sasap Ham ma in
Ase ulang au boratan ibaen dousangkin
holongMu tumang pahampungkon in
ase au hinsah mardalan hu lambungMu in.



1. Roh ma ham na loja na ngayotan
Na mamorsan silang in
Jalo ma Tonduy sipangurupi
Ulih sipasuang gogoh in
Tonduy Napansing mambere gogoh
Lao mangkorjahon Hatani Tuhanta in
Ulang magang ulang sangsi
Jolom ma poltik ulihta in

2. Roh ma ham na loja na ngayotan
Binahen ni dousa in
Jalo ma Ambilan na madear
Ulih sipamalas uhur in
In ma Hatani Tuhanta Jesus
Mambere buah in ma goluh na lihar
Ulang magang ulang sangsi
Jolom ma poltik ulihta in

3. Roh ma ham na loja na ngayotan
Binahen ni horja in
Jalo ma Tuhanta siparmonang
Ase ipasonang ham ijin
Ipasirsir do haluahonta
Na dob itobus hita humbai dousa in
Ulang magang ulang sangsi
Jolom ma poltik ulihta in


1. Sihol do uhur nami Tuhan.
Pajumpah bohi pakonni Ham.
Sai roh ma Ham sonari Tuhan!
Podahi Ham hanami.

2. Sipangindoan nami nuan.
Sorapi uhur nami Tuhan.
Sai roh ma Ham sonari Tuhan!
Podahi Ham hanami.

3. Ai Ham do na margogoh tongon.
Lao patorsahon hanami on.
Sai roh ma Ham sonari Tuhan!
Podahi Ham hanami.

4. Halani ai sai ondos Bamu.
Baen Ham hanami susianMu.
Sai roh ma Ham sonari Tuhan!
Podahi Ham hanami.

5. Uhur sipambalosi Bamu.
Lao mangidangi KuriaMu.
Sai roh ma Ham sonari Tuhan!
Podahi Ham hanami.