Home

Details

Hits: 454

1. Ai domma jumpah au ondolan ni tonduyhin na magou on
Daroh ni Jesus do manahan sadokah ni dokah ni in.
Maseda pe dunia on, tongtong togap ondolan on.

2. Ai ipaherbang do tangan-Ni lao mangalehon jolma on.
Halani holongni atei-Ni bai hita sindudia on
Na roh ampakon na so roh, ganup sol toguon-Ni do.

3. Ulang maseda hajolmaon, ninuhur ni Jahowa in;
Isuruh do bai hajolamon, Anakni Sipagoluh in.
Sai ihartuki Hata-Niin do labah ni uhurta in.

4. Domma mogap ganup dousanta bai darohni Tuhanta in.
Ai anggo porsaya do hita seng bulih hona uhum in.
Ibaen hata ni daroh in na mangkahui jolma in.

5. Halani ai unobkonon ma dousangku bai paridian in.
Hupasasapkon ma dousangku bai Jesus Sipagoluh in.
Anggo manolsol diri au bai Jesuskin tongtong au lao.

6. Ondolan on ma iananku, sadokah au itanoh on.
Sai in ma hagoluhkononku paima rotap hosahkon.
Tongtong do sipujionkin Tuhanku, Sipagoluh in.

Details

Hits: 454

1. Ai ise suruhonku sai nini Tuhan in,
Na ra lao pararatkon harajaonNi in.
Buei do namangaku lao mangkorjahon in,
Garama anak boru ?ge bapa inang pe.

2. Tardidi di sidea ringgas marminggu bei.
Bujur ganup idahon uhur ni daoh bei.
Halani ai ganupan seng sasap dousangkin.
Tuhanni seng ijolom ?ge pangkopkopNi in

3. Ijon do au Tuhanku sai suruh Ham ma au
Mandilo ganup jolma bai harajaonMu
Hubere ma gogohku ?ge panorangku pe
Seng ra au marnaloja, paim aganup roh

4. Ibere Ham hosahMu mangkopkop hanai on,
Na patut ma hubere ganupan goluhkon.
Manogu ganup jolma na lang mananda Ham
Na sai tongtong manendel, na manundalhon Ham

Details

Hits: 455

1. Puji Jahowa na sangap anjaha mardohar.
Hita ganupan na ringgas na megah maruhur.
Martumpu rup, marolob ? olob ganup haganupan manisia

2. Puji Jahowa Naibata sigomgom ganupan.
Na mambobai ho songon tinogu ni tangan.
Hosahmu pe, sai iparorot hape, songon pinindomu Bani.

3. Puji Jahowa na sirsir manompa dagingmu.
Janah tongtong do manumpak jorgit pamatangmu.
Gati tumang roh partolongNi hubam sanggah roh ni hasosakan.

4. Puji Jahowa situmpak haganup horjamu.
Ai itumpakhon hubam tongtong hagoluhanmu.
Ingat ma ai, hinalayakNi do ai, holong ateiNi tumang do.

5. Puji Jahowa tonduyhu pasangap GoranNi.
Pakon ganup na marhosah mamuji hu Bani.
Ai do talup baenon ni hita ganup, dodingkon hita ma Amen.

Details

Hits: 456

1. Ulang ma tangiskon parhoruonmin,
Bai Jesus aduhon gok ni borgokmin.
?Gepe sai maringgot lutu pe ganup,
Anggo na mardingat sonang haganup.

2. Ai ibotoh Jesus parhoruonmin;
Ingat ma lah Jesus, jorei langkahmin.
Soh ijin pe hita ?ge hu surga in,
Sai marolob hita ai sonang do in.

3. Dong do na marhoru halak songon ho,
Patugah bai Jesus na mangapoh ho.
Rap hanima sonang ampa halak in,
Asal ipatapang manonggohon in.