Home

Details

Hits: 1845

1. Ham Tuhan Jesus, Ham Rajangku,
Tangihon Ham ma au tongtong
Dousangku sihol solsolanku Bamu,sigomgom tanohon
Ai sihol do manggoluh au marhitei hitei darohMu

2. Buei do dousa ni tanganku, uhurhu pe gok dousa do
Matangku ampa angkulaku, ganupan in gok dousa do
Sai sasap Ham ma dousangkin, mahitei hitei darohMu

3. O Jesus, Paruhur na Bonar, bai ganup na mardousa in;
Apiti Ham hanai, na jora, na mangkorjahon dousa in.
Sai sasap dousanami in, marhitei hitei darohMu
4. Sai bere Ham bai tonduynami, in ma Tonduy Napansing in,
Sai Ia mangajar hanami, lao mangkorjahon Titah in;
Papansing Ham hanami bei, marhitei hitei darohMu

5. Pasaor Ham hanai bai humpulan, ni halak na mapansing in,
Na sonang i nagori atas, mamuji muji goranMu
Pamasuk Ham hanami bei, mahitei hitei darohMu

Details

Hits: 1848

Sai torang ma langkahnima,
sai Naibata hasoman nima,
ampakon malekatNi pe.
Anggo iramoti Jesus,
hanima lang tarbaen lang bulus,
do langkah nima in hape.
Bulat Tuhan ta ma hasoman nima da,
Ganup ari; Hanami pe ingat homa
Tonggohon bani Naibata.

Details

Hits: 1850

1. Holong na hunbani Tuhan, na roh humbai Jesus in.
Sai totap do marsinondang holongni Tuhanta
Sai sondangkon ma holong-Ni das bai hagolapan in
Ase haganup pardousa ipaluah Naibata

2. Dousa pakon kuasani, ampa sipangagou in.
Sai marhoih do ganupan, bani paruntolon in.
Sai sondangkon ma holong-Ni, das bai hagolapan in.
Ase haganup pardousa, ipaluah Naibata.

3. Sai saksihon ma hata-Ni, bai na laho magou in.
Patuduhkon ma rosuh-Ni, ?se maluah ganup in.
Sai sondangkon ma holong-Ni, das bai hagolapan in.
Ase haganup pardousa, ipaluah Naibata.

Details

Hits: 1854

1. Na sonang au, dob marTuhan au bai Tuhan Jesus in.
Ai lang be dong dob jabolonNi au sihoruonkonkin.
Ai Ia mando huirikon, dunia on ma hutundalhon.
Sonang ma au! Sonang ma au!

2. Sonang ma au,ai mambur do hape pusokni uhurhin.
Megah ma au ronsi antigan pe iapoh Jesuskin.
Seng huhoruhon be goluhku,ganup do guru bai Bapangku.
Sonang ma au! Sonang ma au!

3. Sonang ma au! Bujur do Bapangkin na mansarihon au.
Janah layak; ganup na porlu in ibere do tong au.
Parbegu do na mangkolsohkon goluhni pakon sipanganon.
Au sonang do! Au sonang do!

4. Na sonang au! HarajaonNi in ampa ruhutNi in.
Ai ma tene na hudarami in, dapot ganup ijin.
Sai on gelah sura-surangku; Pasaudkon uhur ni Bapangku.
Sonang ma au! Sonang ma au!

5. Sonang ma au, anggo marsaran au,bai abinganNi in.
Naparngit in ?tor itadingkon au, dob ondos au hujin.
Nuan na porlu bai uhurhu; Sai surga in ma bongkotanku.
Martuah au! Martuah au!