Home

Details

Hits: 1816

1. Jesus Panondang i dunia on.
Mulani na torang tangar hatangkon.
Sai holog ateiMu bai pardousa on.
Ham ma mangapohi na marhoru on.

2. Sasap Ham dousangku ale Tuhankin,
Halani darohMu na madurus in.
Ulang lang uhurhu lanjar soh Bamu,
Halani sahitMu pakon darohMu.

3. Tonduy, daging uhur, ampa gogoh niin,
Ulang bai na sambor, sai Bamu ma in!
Ningon gok Bamu ma au hinopkopMu,
Ase saud martuah au jabolonMu.

Details

Hits: 1817

1.Sai pasada Ham ma Tuhan ,haganup kuriaMU.
ase tong i rahut bani holongMu.janah si pangihut bai aturanMu

2.Seng dong gogoh nami Tuhan,na galek do haganupan.
togu ham hanami,bani goluh on.ase ulang kahou, langkah nami on

3. Pitah kuasaMu do Tuhan, batar batar nami nuan.
gabe pangajaman,panungkunan rup. gogoh lao manlawan,dousa haganup

4.Ham do pangamudi Tuhan, pambobai na gogoh tumang.
na gabe haposan, tiang na gogoh ,sonang au mardalan ge gilumbang roh

Details

Hits: 1818

Sai parmudu Ham hanami, apoh Ham ma uhur name
Pasu Ham ma sipangananon, ase gabe hatoguhon
Janah gabe hagoluhan, bai angkula hagelekon
Ronsi ondos ?ge hanami, das hu surge, Bapa name.

Details

Hits: 1818

1. Huhamegahkon do in tongtong;
Jesus Tuhanku rupeihu tongon;
Au parsimada tinobusNiin
napinabayu ni Tonduy in.
Marmegah megah mandoding au
mamuji Jesus parholong in.
Maemegah megah manoding au,
mamuji Jesus parholong in.

2. Ondos ganupan na dear in,
pasu-pasuNi na manggoki au.
Songon doding ni malekat in,
holong mamitah rap pakon au.
Marmegah megah mandoding au
mamuji Jesus parholong in.
Maemegah megah manoding au,
mamuji Jesus parholong in.

3. Sai huondoskon ma diringkon,
ibagas Tuhan sonang uhurhon.
Mangalo-alo parrohNi in,
gok bai holongNi do goluhkin.
Marmegah megah mandoding au
mamuji Jesus parholong in.
Maemegah megah manoding au,
mamuji Jesus parholong in.