Home

Details

Hits: 1568

1. Marhitei lima ruti, dua dengke, i tamu Jesus do ganupan na roh in.
Dob itonggohon ipartopik use, lanjar ibagihon bai sidea in.
Bosur mangan lima ribu halak , anjaha dong ope sulei ni.
Dob ipatumpu ganup teba-teba, dong ope sapuluh dua bantei in.

2. Usih sonindo hita tinobusNi, na dob porsaya bani Tuhan Jesus in.
Jumpahan goluh na marlobih-lobih, asal ma tongtong hita bujur ijin.
Roh ma hita! Irikkon Tuhanta, Ia ma tong sibalosanta.
Seng ipaturut hita on gayuran, tong do iparorot ase sai sonang.

Details

Hits: 1568

1. Roh do hanai manrogop Tuhan mansopotkon dousa nami
Holong ma Ham bennami Tuhan sasap Ham ma in sonari
Ulang hanai boratan Tuhan uhur pe urah mandolei

2. Ham hansa pangurupi Tuhan age aha pe namasa
Na gabe panungkunan Tuhan Pasaudkon ganup horja
Ase ulang tartolsu Tuhan bai horja na lang marguna

3. Patoguh uhur nami Tuhan ase hot haporsayaon
Ulang lopas hanami Tuhan simbeei bai sirpang ni dalan
Ase ulang tarlambat Tuhan das hanami bai tujuan.

Details

Hits: 1568

1. Roh ham bai Jesus, roh ham botul, tangar hata-Ni jalo bujur.
Na roh do Jesus pagoluh ham, asal porsaya ham.
Malas do uhurta in use, ai borsih hun bani dousa pe;
Sai roh ma hita hu surga in, ai sonang do ijin.

2. Roh ham bai Jesus, akuhon ma, pambahenanmu na so tama;
Sai sasapon-Ni dousamu in, ibaen daroh-Ni in;
Malas do uhurta in use, ai borsih hun bani dousa pe;
Sai roh ma hita hu surga in, ai sonang do ijin.

3. Roh ham bai Jesus, papodas ma, ai seng ra Ia manulak ham;
Parholong atei do Jesus in, tenger ma uhurmu;
Malas do uhurta in use, ai borsih hun bani dousa pe;
Sai roh ma hita hu surga in, ai sonang do ijin.

4. Roh ham bai Jesus, ai holong do, uhur-Ni bani halak na roh ;
Ai ipaluah tonduyta in, ulang be magou in.
Malas do uhurta in use, ai borsih hun bani dousa pe;
Sai roh ma hita hu surga in, ai sonang do ijin.

Details

Hits: 1569

1. Jesus sai Ham ma pamonang hanami,
Tatap ma gogoh ni na golap in
Na so marsaran mangonggop hanami,
Sol bondutonni ganup hanaion
Sai ipingkiri sibolis dalanni,
ase marhoru tongtong baenon in

2. Pamonang Ham ma au, Ham Sipartobus
Janah simada au on do tongtong
Pitah Bamu mando ahu marporus
Ibaen pangagou ni dunia on
Anggo maruntol parah bai uhurhu
Ulang tadingkon Ham au, o Tuhanku!

3. Pamonang Ham ma au, ai huahapkon,
Borat ni dousa ganup na hubaen
Sai tong mardingat au bai panlanggaron
Sanggah bai haposoonku hubaen.
Baen Ham ma in patoruhkon uhurhu
darohMu in ma paingatkon ahu

4. Pamonang Ham ma au, intopi Ham ma
Apuy ni hisap ni angkulakon;
Ambati Ham ma au laho mardalan,
Anggo hu sura na jahat tongtong;
Ham ma, o Jesus manggoki uhurhu,
Ase maluah au humbai dousangku

5. Pamonang Ham ma au, anggo marujung
Ari-aringku humbai tanohon;
Ham patalupkon au, ase iusung
suruhanMu hu lobeiMu au on;
Jesus, urupi Ham au ase monang,
Ase tongtong i lambungMu au sonang