Home

Details

Hits: 2197

1. Sihol do uhur hu, patimbulhon Ham Jahowa,
napagoluhkon au pardousa.
Sanggah na hudilo, GoranMu lao mangurupi,
sirsir do Ham roh mambalosi.
Itogu Ham do, au humbai lombang bagas,
in ma ianan hagolapan.
Sai boban Ham ma au hu nagoriatas,
ase tontong marhasonangan.

2. Ganupan munsuhku, seng ilopas Ham marmengah,
Manangkut au baen jabolonni.
Ipatudu Ham do, au bai dalan na gok tuah,
Tontong do Ham mangkasomani.
Itogu Ham do, au humbai lombang bagas,
in ma ianan hagolapan.
Sai boban Ham ma au hu nagoriatas,
ase tontong marhasonangan.

3. Ham do patorsahan, pardalanan ni goluhku,
Ase ulang ahu tarbador.
Ham do parlingodan, dolok batu baen gantarhu,
Ase boi au marmalas uhur.
Itogu Ham do, au humbai lombang bagas,
in ma ianan hagolapan.
Sai boban Ham ma au hu nagoriatas,
ase tontong marhasonangan.

Details

Hits: 2198

1. Pitah Ham Tuhan, hatundalan na toguh.
Humbai ganup parutolan na i tanoh on.
Bani haganup pardalanan, pitah Ham panjaga na gogoh.
Ondoskon ma Tuhan, hanai on nuan, se torsa sadokah goluh on.
2. Tonduy Napansing, bere Ham bannami on.
Sai useihon Ham bai uhur nami se sintong.
Ase dong pargogoh manlawan, kuasa ni dunia na bajan.
Ondos ma Tuhan, hanai on nuan, se torsa sadokah goluh on.

3. Bohi pe minar, megah tong halani Ham.
Ge gilumbang roh mandorap goluh nami on.
Bani haganup parsahitan, HataMu do tambar na gogoh.
Ondos ma Tuhan, hanai on nuan, se torsa sadokah goluh on.

Details

Hits: 2226

1. Nini Titah palimahon Titahni Naibatanta
Maningon pasangaponmu do na matorasmu
Ase martuah ho anjaha dokah ho manggoluh
Bani tanoh nabinerehon ni Naibata hubam
Ase martuah ho anjaha dokah ho manggoluh
Bani tanoh nabinerehon ni Naibata hubam

Details

Hits: 2257

1. Na martuah nini Jesus, na sombuh tonduyni in;
Ai langkahni do na torus hu nagori atas in.
Sai na sonang uhurni na manggolom Hata in.

2. Na marhoru pe tarbahen gabe sonang uhurnin;
Ai horuni in mabahen roh na mangapohi in.
Sai na sonang uhurni ganup na iapoh in.

3. Na martuah hataonkon na lamlam maruhur in;
Ai sidea do manean ganup na i tanoh in.
Sai na sonang uhur ni na mangampog ringis in.

4. Barang ise na horahan bani hapintoron in,
na martuah do sidea, ai tongon do jumpah in.
Sai na sonang uhur ni na marhapintoron in.

5. Ise na marholong atei, nin Tuhan Jesus in.
Na sonin do na marrupei balos ni holongni in.
Sai na sonang uhur ni na maridop uhur in.

6. Halak paruhur na pitah, na so saor bai dousa in.
In do tarbaen mangidah Bapa na Mapansing in.
Sai na sonang uhur ni, sisimbili dousa in.

7. Halak na manuan damei, in ihira Naibata.
Gabe anak do sidea sada pakon Naibata.
Sai na sonang uhur ni, na mambahen damei in.

8. Pakon halak na binuru iben hapintoron in.
Sipujion, ai marguru bai doyukni upahniin.
I nagori atas in mulgap ma tuahni in.