Home

Details

Hits: 1560

1. Pitah Ham Tuhan, hatundalan na toguh.
Humbai ganup parutolan na i tanoh on.
Bani haganup pardalanan, pitah Ham panjaga na gogoh.
Ondoskon ma Tuhan, hanai on nuan, se torsa sadokah goluh on.
2. Tonduy Napansing, bere Ham bannami on.
Sai useihon Ham bai uhur nami se sintong.
Ase dong pargogoh manlawan, kuasa ni dunia na bajan.
Ondos ma Tuhan, hanai on nuan, se torsa sadokah goluh on.

3. Bohi pe minar, megah tong halani Ham.
Ge gilumbang roh mandorap goluh nami on.
Bani haganup parsahitan, HataMu do tambar na gogoh.
Ondos ma Tuhan, hanai on nuan, se torsa sadokah goluh on.

Details

Hits: 1570

1. Jahowa sihol pujionku, ai Ham do Naibata sitompa au.
Sai suruh TonduyMu hubangku, mangajar au mamuji GoranMu.
Marhitei -hitei Jesus AnakMu, ase dear dodingku hu Bamu.

2. Bai anakMu bobahon ahu, ase Bamu iboban au homa.
Sorapkon TonduyMu hubangku, manogu au bai dalan na torsa.
Ase tongtong gok damei uhurhin, janah mesek mamuji GoranMu.

3. Sai holong ateiMu , Jahowa! Papandei au mamuji GoranMu.
Sai ulang asal puas hata, ningon botul mamuji hu Bamu.
Ham Bapa, Anak pakon TonduyMu, doskon na jongjong au i lobeiMu.

4. Tonggokku na lang tarpajojor, Tonduy Napansing patalarhon in.
Au gabe anakMu goranon, Tonduy homa do mangkatahon in.
Ase ibagas Kristus AnakMu boi au mardilo Bapa hu Bamu.

5. Ai TonduyMu do mangajarhon martonggo au domu bai rosuhMu.
Sir-sir do tong Ham manangihon tonggokku marhiteihon AnakMu.
Ibagas Jesus jaloonku do, mardapot ? dapot pasu ? pasuMu.

6. Sonin ma au marolob ? olob , marhamegahon malas uhurhin.
Ai ra do Ham mapparuhurhon, na husuhutkon hu Bamu ijin.
Pasu ? pasuMu sai sirnip do in, lobih humbani panagamankin.

7. Ibagas Kristus au manean, ai pitah Ia hasiholankin.
Marhitei Jesus saud ma Amen, na hupindohon rapkonTonduy in.
Hupuji Ham ronsi sadokahniin, ai Ham tumang do hamegahonkin.

Details

Hits: 1572

1. Ari na marhasonangan in ma ari Minggu in
Ari in do parsaranan bai ganup parhorja in
Sai martuah halakin na ringgas marminggu in

2. Ai sonaha pakeianku marayakkon Naibata?
Unduk, toruh ni uhurhu, ai do hiou na tama
Anggo domma dong sonin, boi ma ahu bai Tuhankin

3. Ham , o Tuhan sai pagoluh, sai ajari Ham au on
Anggo bungbang, sai patoguh janah apoh Ham au on
hataMU patorang Ham, sai tongtong bai uhurhon

4. Pasaud Ham ma pangajaran na nidok hataMU
Ham patoguh parpadanan bai ganup na roh Bamu
Sai totap urupi Ham na martonggo dompak Ham

Details

Hits: 1577

1. Holong ni Jesus manggomgom ganup Kuria
Na patotapkon hasadaonta in
Damei ni in ma manrahut paruhuranta
Idop uhurNi batar-batarta in
Damei Ni in ma manrahut paruhuranta
Idop uhurNi batar-batarta in

2. Riap ma hita sauhur martangkap tangan
Ibagas damei na humbai Tuhan in
Marpangarapan tongtong bai horja ni Tuhan
Hataridahan ni hasintonganNin
Marpangarapan tongtong bai horja ni Tuhan
Hataridahan ni hasintonganNin

3. Porsaya ma hita bai tonahni Ambilan
In ma HataNi Tuhanta Jesus in
Na sai mangarap bai Tuhan simada tuah
Jumpahan damei sonang totap ijin
Na sai mangarap bai Tuhan simada tuah
Jumpahan damei sonang totap ijin