1. Ondoskon haganupan, haruni uhurmin
Bai Naibata Jahowa, sidear gabei in.
Ai guru bai Tuhanta, do tanoh ampa laut;
Buei sinta ni jolma uhurni do na saud.

2. Ningon tenger uhurmu mardingat Tuhan in,
Ijin ma jaloonmu, napinarsintamin.
Ai lang adong gunani, age marhoru ho;
Tonggomu do dalanni ase jumpahan ho.

3. Ibotoh Naibatanta na porlu banta bei,
Nadear roh hubanta mambahen sirsir bei
Na dear ipatudu tongtong hubanta on.
Na dorsa ipadaoh manjaga hita on

4. Sai tong tenger uhurmu mardingat Tuhan in;
Lupahon ma uhurmu bai pandolean in;
Ai anggo itahankon horu ni uhurmin.
Tarolos do Tuhanta mambuat horumin.

5. Paturut Naibatanta patorsa langkahmin;
Napandei do Tuhanta, ganup pasirsir in.
?Tor sungkod pingkiranNi lao paluahkon ho?
GogohNi ituduhon, ase ididah ho.

6. Ai pe, o Tuhannami, taluhon hajojor
Pusok ni uhurnami sagala na sambor.
Hu surga in sai bolas ma tonduy nami rup
Hu tanganMu ma ondos hanami on ganup.









1. Sanggah manabad ma mata ni ari, soluk do roh panorang borngin in.
Sonin ma moru goluh ari-ari, lambin dohor ajalta in.
Adong do goluh na lang marpunsa bai hita na porsaya in.
Hasonanganta ibaen Tuhanta, domma sirsir i surga in.

2. I tanoh on seng jumpah hasonangan, ngayot marhoih loja tumang ijin
Seng do na hot na boi gabe haposan, sittib do panorang ijin.
Adong do goluh na lang marpunsa, bai hita na porsaya in
Hasonanganta ibaen Tuhanta, domma sirsir i surga in.

3. Marhitei goluh na marpangarapan, pindahi ma sortalimin ijin.
Ai tanoh on lao salpu do ganupan, lupahon ma, tundalhon in!
Adong do goluh na lang marpunsa, bai hita na porsaya in
Hasonanganta ibaen Tuhanta, domma sirsir i surga in.


1. Seng adong na dos songon Ham o Tuhan
na sai sirsir mangkasomani hanai on
Pitah Ham tongon Naibata na sintong
ganup pambaenanMu gok halongangan do
Sagala bangsa do na jinadihon MU
Marsombah roh hulobeiMu
Pasangapkon Ham ronsi sadokah niin
timbul janah pasing do goranMu ijin.

2. sai ajarhon Ham dalanMu bangku on
Ase mardalan au bai hasintonganMu
Sai baluti Ham uhurhon sai tongtong
Ase marhabiaran bani GoranMu
Ai pitah Ham Tuhan na boi haposankin
bai goluh sidalanankin
bokasMu nuan si irikkononkin
na gabe suluh bani pardalanankin.



1. Holong ni Jesus manggomgom ganup Kuria
Na patotapkon hasadaonta in
Damei ni in ma manrahut paruhuranta
Idop uhurNi batar-batarta in
Damei Ni in ma manrahut paruhuranta
Idop uhurNi batar-batarta in

2. Riap ma hita sauhur martangkap tangan
Ibagas damei na humbai Tuhan in
Marpangarapan tongtong bai horja ni Tuhan
Hataridahan ni hasintonganNin
Marpangarapan tongtong bai horja ni Tuhan
Hataridahan ni hasintonganNin

3. Porsaya ma hita bai tonahni Ambilan
In ma HataNi Tuhanta Jesus in
Na sai mangarap bai Tuhan simada tuah
Jumpahan damei sonang totap ijin
Na sai mangarap bai Tuhan simada tuah
Jumpahan damei sonang totap ijin