Home

Details

Hits: 1597

1. Sai horahan Jesus gepe Ia bona ni bahtubuh in hinan
HorahNiin ganup ningon itahan bai hayu parsilang na hinan

2. Haganupan gabeiMU, o Jesus, ise ma na boi mangagak in?
paruntolonMu do na manobus, na magou halani dousa in

3. Mase sai horahan Ham, o Jesus, sanggah na sonin masahit Ham?
Halani pangkopkopMu tumang do, bai jolma pardousa ganupan

4. Tor tarbaen au jongjong i lambungMu, hobal janah hengkeng uhurhin?
Lang sonai! Tong do parsintaonku, Ham o Jesus hatuahonkin

5. Dihut au orahan, ai dokah do, hupindahi hasonangan in,
Loja au sadokah lang hubotoh, Jesus do tongon Bah Tubuh in

6. Holong ateiMu, ale Tuhanku, sai pasombuh Ham ma horahkin
Uras Ham ma au, ale Tuhanku, ase saud maggoluh tonduyhin

Details

Hits: 1597

1. Roh ham bai Jesus, roh ham botul, tangar hata-Ni jalo bujur.
Na roh do Jesus pagoluh ham, asal porsaya ham.
Malas do uhurta in use, ai borsih hun bani dousa pe;
Sai roh ma hita hu surga in, ai sonang do ijin.

2. Roh ham bai Jesus, akuhon ma, pambahenanmu na so tama;
Sai sasapon-Ni dousamu in, ibaen daroh-Ni in;
Malas do uhurta in use, ai borsih hun bani dousa pe;
Sai roh ma hita hu surga in, ai sonang do ijin.

3. Roh ham bai Jesus, papodas ma, ai seng ra Ia manulak ham;
Parholong atei do Jesus in, tenger ma uhurmu;
Malas do uhurta in use, ai borsih hun bani dousa pe;
Sai roh ma hita hu surga in, ai sonang do ijin.

4. Roh ham bai Jesus, ai holong do, uhur-Ni bani halak na roh ;
Ai ipaluah tonduyta in, ulang be magou in.
Malas do uhurta in use, ai borsih hun bani dousa pe;
Sai roh ma hita hu surga in, ai sonang do ijin.

Details

Hits: 1597

1. Tong do pangajaman Tuhan Jesus in
Ai domma iporsan ganup dousa in
Hata ?ge damei-Ni hagoluhan ni ganup
Na porsaya bai Hata-Ni in
Hata ?ge damei-Ni hagoluhan ni ganup
Na porsaya bai Hata-Ni in

2. Sai ihasomani na porsaya in
Janah ari-ari roh layak-Ni in
Bai na so ra sangsi bai gogoh-Ni in
Nini do: Tuhanku na jenges botul
Bai na so ra sangsi bai gogoh-Ni in
Nini do: Tuhanku na jenges botul

3. Guru bani tangan-Ni sab dunia on
Ai sintong Hata-Ni na hubanta on
Idop ni uhur-Ni na tarsulur in
In do ipatudu bai rosuh-Ni in
Idop ni uhur-Ni na tarsulur in
In do ipatudu bai rosuh-Ni in

4. Ham, o Tuhannami sai sondangi Ham
Ganup huannami i Sumatra
Nai hasoman Kristen Indonesia
Ase gabe saksi na bujur, bonar
Nai hasoman Kristen Indonesia
Ase gabe saksi na bujur, bonar

5. Nai ganupan jolma na i Asia
Ronsi na i dipar pakon Afrika
Jesuskin, Panondang sai sondangi Ham
Ase roh marsombah hu Bamu, Tuhan
Jesuskin, Panondang sai sondangi Ham
Ase roh marsombah hu Bamu, Tuhan

Details

Hits: 1598

1. Lang bulih ham mardalan sahalak Ham tongon
Sai dilo ma Tuhanta hasomanmu tongtong
Tor boi ma ham hu surga, bai pardousaonmin?
Sai jolom Tuhan Jesus si porsan dousamin

2. Lang bulih Ham holsohan bai sitarononmin
Bai Tuhanmin ompaskon na hinoruhonmin
Ai Ia pambobai sijolom tanganmin
Jenges pangarahkonNi bai naporsaya in

3. Lang bulih ham mangkawah, lao dompak pudi in
Mardamei ma uhurmu marhitei Jesus in
Ai Jesus napasirsir parsarananta in
I lambung ni BapaNi ibaen holongNi in

4. Lang bulih be ham sangsi bai parmateimu in
Ai seng agouhononNi na hinopkopNi in
Asal totap Tuhanta hasomanmin tongtong
Sai ondos ham hu surga bai ujungniin tong