Home

Details

Hits: 1721

1. Jahowa Tuhankin, bah tubuh si jengesan
Si tompa ganup in, si bere hagoluhan
Hupindo hu Bamu, angkula na jorgit
Age uhurhu pe, ase tongtong borsih

2. Ham mangajari au bai sihatahononku
Dear marsahap au na sambor horomonku
Sai bahen Ham au on parhata na mantin
Margogoh ma tongon ganupan hatangkin

3. Sanggah tarsosak au daoh na pandoleian
Na borit in ganup sai boi ma in hu porsan
Pamonang Ham au on, palamlam uhurhin
Paruhur na holong, baen Ham hasomankin

4. Padamei Ham ma au, marsaor bani hasoman
Ai in do na talup bai HataMu o Tuhan
Anggo mararta au ibaen holongMu in
Ulang be saor au bai na masambor in

5. Parorot Ham au on sadokah au manggoluh
Matua pe au on palamlam Ham uhurhu
Ulang tarikkad au halani gabeihin
Ronsi ubanon au sai hot ma sangapkin

6. Bai na lao matei au bai ujung ni goluhku
Paingat Ham ma au ijin ale Tuhanku
Bai hasonangan in sai togu tonduyhin
Ge orbuk dagingkin, sai jaga Ham ma in

7. Bani parrohMu in bai ari parpuhoon
Papuho au ijin, na lao marhasangapon
Padomu Ham ma au hu bai hasomankin
Ganup tinobusMu humbani dousa in

8. Sai pujionku Ham o Nibata Bapangku
Hupuji ampa Ham o Jesuskin Tuhanku
Tonduy Napansing in, pujian pakon in
Sitolu sada in Bamu ma dodingkin

Details

Hits: 1721

1.Satahun use ma surutni, surut homa ma umur hin.
Naha do au na sain dokahni, margagan do parlahouhin?
Ganda do haporsayaonku, `ge holong ni ateihu pe,
Bai Jesus pakon Naibatangku, `pa bai hasomankin ale?

2.Ambit jabapon Naibatangku, tarbador do au ra ijin,
Mardingat lanjur ni uhurhu pakon ganupan gabeihin.
Ai dousa do ijamah tangan, gok dousa `pa uhurhu pe.
Naheihu, mata `pa pamangan, ganup marpipot do hape.

3.Porini matei au sonari, huja ma nani tonduyhin?
Bai hasonangan holi nani rap pakon na mapansing in?
Mamuji Naibata do ahu, ibaen holong ni ateiNi in.
Atap na hona uhum ahu bai apuy na son miloh in?

4.Dousangku seng tarbilangi, hubaen sain dokahni in.
Na dong tarhira be layak ni Tuhanta Jesus na dob in.
Seng ibalaskon Ham, Tuhanku, hu bangku songon dousangkin.
Lumbang do uhurMu hubangku paidah-idah gabeihin.

5.Halani ai ma`se hupuji layakMu in sadari on.
Ai na patibal rujiruji, sai na tarlobih do in tong.
O Jesus, na marholong atei! Ningon hupuji GoranMu.
Ai Ham do hapeni na pandei mambere bangku layakMu.

6.Holong ma ateiMu hubangku, mangkasomani au ijon.
Paondos Ham hu surga ahu bai parrotap ni hosahkon.
Na ra do ahu mangihutkon HataMu, `sai manggoluh au.
Malas uhurhu pararathon baritaMu ronsi daoh.

Details

Hits: 1721

1. Humbai hurungan ni dousakin,
roh au Bamu, roh au Bamu.
Hu haluahon bai daroh-Mu
Jesus, au roh Bamu
Ganup uhurhu malum hape,
gabe bayak ?ge masombuh pe.
Humbai dousangku, roh au Bamu,
Jesus au roh Bamu.

2. Maila au butak uhurhin
roh au Bamu, roh au Bamu.
Gabe borsih ma ?ge uhurhin,
Jesus, au roh Bamu.
Humbai holsohku bai sonang-Mu,
humbai doyukku bai damei-Mu
Humbai horungku bai holong-Mu,
Jesus, au roh Bamu .

3. Ganggu ni uhur tading ma in,
Jesus , au roh, roh hu Bamu,
Sai haposanku ma hata-Mu,
Jesus , au roh Bamu.
?Ge pandoleian ni uhurhin ,
sai huayubkon bai holong-Mu .
Gabe martuah megah ma au,
Jesus, au roh Bamu

Details

Hits: 1721

1. Na loja ho bai golihmin,
i bahen hasunsahan in.
Sirsir do parsaranan in,
kawahkon Tuhan Jesus in.
Sai sip, ungut-ungutmin pasoh,
sai sip ungut-ungutmin pasoh,
sai sip ma ho, kawahkon Jesus in.

2. Tungkis do sidalananmin,
borat tumang do silangmin.
kawahkon dompak babou in,
sai na podas do salpu in.
Sai sip, ungut-ungutmin pasoh,
sai sip ungut-ungutmin pasoh,
sai sip ma ho, kawahkon Jesus in.

3. Ai tongkin nari mando in,
na roh ma haluahonmin.
Dohor ma hasonangan,
padaoh ma holsoh-holsohmin.
Sai sip, ungut-ungutmin pasoh,
sai sip ungut-ungutmin pasoh,
sai sip ma ho, kawahkon Jesus in.