Home

Details

Hits: 1567

1. Sadiha dokah nari Ham Naibatangku,
Layur manipat ari sunsah do au
Sadiha dokah nari paimaonku,
pangkawah-Mu hubangku siholan au
Kawahkon Ham ma ahu Ham Naibatangku,
ulang tarpunjung ahu hun lambung-Mu.
Ganup munsuhkin manidingi au
ai seng adong na mangurupi au.

2. Sadiha dokah nari Ham Naibatangku,
munsuh pagijang diri mangodoh au.
Sai ihatahon bangku hagogohan ni,
sol bondutonni ahu ninuhurnin.
Idop uhur-Mu pangajamankin,
ai pitah Ham do haporusankin.
Urupi Ham ma ahu Ham Naibatangku,
ase ganup munsuhku tunduk Bamu.

Details

Hits: 1567

1. On panorang hasonangan anggo Ham Jesuskin
Na pahusor bai pingkiran idop ni uhurMu in
Anggo Jesus pinindahan, pitah Jesus na surahon
Ari na jenges ma in na pasonang uhurhin

2. Sai ibere Ham hubangku Jesus, hinalayakMu
Sai ringgas do ham manohu na sihol bai hataMu
Gok bah tubuh hagoluhan dapot do Bamu, o Tuhan
Sai dapotan do bujur haganup na roh Bamu

3. Halaniin, o Tuhannami, tohu Ham Kuria on
Pasu-pasu Ham hamani se bosur hanami on
Si maria usihanku, na horahan bai podahMu
Sai sonai hanami bei, ase sai marulih bei

Details

Hits: 1567

1. Ai domma gorsing omei i juma, barah ma pariama
I dilo Tuhan Jesus do hita, ase dihut marhorja.
Riap ma hita sauhur mangidangi, bai horja ni Tuhanta.
Sir sir do Tuhanta Jesus mambohali, irikhon malah Ia

2. Humpulan naporsaya do juma, hulanan ni Tuhanta.
In ma na sihol arahkonta, sada bai pangarapan.
Riap ma hita sauhur mangidangi, bai horja ni Tuhanta.
Sirsir do Tuhanta Jesus mambohali, irikhon malah Ia.

3. Kuria na tong mahasadaon, harosuh ni Tuhanta
Namangahapkon sada tujuan, sonai ge sura-sura
Riap ma hita sauhur mangidangi, bai horja ni Tuhanta.
Sirsir do Tuhanta Jesus mambohali, irikhon malah Ia.

4. Halani in pahoskos pamonting, gombas marbois gogoh.
Ulang adong be omei na tading, humpul ma baen hu hobon.
Riap ma hita sauhur mangidangi, bai horja ni Tuhanta.
Sirsir do Tuhanta Jesus mambohali, irikhon malah Ia.

Details

Hits: 1567

1. Jesusku na manobus ahu sai sol haholonganku Ham
Hu dolog Golgata ham laho, i ojur holong ateiMu
Hu puji idop uhurMu tarlobih holong ateiMu

2. Sai tong manosal do uhurhu, mangidah marsikMu ijin
Mardingat haganup dousangku, ai in do tinaronMu in
Hupuji idop uhurMU tarlobih holong ateiMu

3. Gati huparnalang, o Tuhan, Ham na pagoluh tonduyhon
Mabiar au lao manaksihon Ham na mangkopkop au tongon
Hupuji idop uhurMu tarlobih holong ateiMu

4. Uhirhon Ham ma bai uhurhu, tinoronMu mangkopkop au
Hujin sai togu Ham uhurhu, sai tong guru Bamu ma au
Hupuji idop uhurMu tarlobih holong ateiMu