1. Megah megah hape langit ampa bunga-bunga pe,
Nin homa do manuk manuk Naibata ipuji bei

2. ?Ge harangan pakon dolog sai maratah-ratah bei,
Ganup jolma pe marolob , Naibata ipuji bei

3. Manuk manuk natarhurung bai borgoh ni ari in,
Garian sonin namurhurung jolma na irumah ni in

4. Laho hita rap mardalan hujumanta, sabah pe,
Pardiatei na sinuan marmalas ni uhur bei

1. O. Tuhan tiap jam, au marmoluhon Ham.
Ai Ham tumang na boi pasonang uhur hin.
Bai haganup ianan, Ham do hupindahi.
Na roh do au sonari, holong ma Ham.

2. O, Tuhan tiap jam, sai hasomani au.
Ai anggo rapkon Ham, sibolis in pe lao.
Bai haganup ianan, Ham do hupindahi.
Na roh do au sonari, holong ma Ham.

3. O, Tuhan tiap jam, Bamu ma goluhkin.
Anggo daoh do Ham, soya do ganup in.
Bai haganupan ianan, Ham do hupindahi.
Na roh do au sonari, holong ma Ham.

4. O, Tuhan tiap jam, ajari Ham ma au.
Ai ningon do totap, hudingat padanMu.
Bai haganup ianan, Ham do hupindahi.
Na roh do au sonari, holong ma Ham.

5. O, Tuhan tiap jam, hupuji GoranMu.
Ai napansing do Ham, sai hot ma au Bamu.
Bai haganup ianan, Ham do hupindahi.
Na roh do au sonari, holong ma Ham.


1. Silang na mapansing in Ham tongtong baen gantarhin
Lao manlawan dousa in pakon pandoleian in
Bani sitaronon in Ham tongtong baen gantarhin

2. Haganupan horjangkin, seng boi sonang au ijin
Ge porlu pe uhurhin, pala roh do iluhkin
Pitah holongMu tumang pangurupi, Ham Tuhan

3. Roh do au nuan Bamu, sai lumbang ma uhurMu
Domma pala matei Ham ibaen holongMu tumang
Jalo Ham na sombuh on, parhioui tonduyhon

4. Dousa patundukkon au, Ham ma paluahkon au
Na butak tumang do au, darohMu manguras au
Na sombuh, doyuk au on, Ham ma artangkin tongtong

5. Silang na mapansing in, Ham tongtong baen gantarhin
Anggo roh hadogaskin sanggah rotap hosahkin
Bani sitaronon in, Ham tongtong baen gantarhin


1. Ho tinobus ni TuhanMu,ai dohor Naibatamin
Sai pasada pingkiranmu, ase sabou uhurmin
Sai patorus ma langkahmu bai Tuhanmu uhurmin

2. Sai pahusor bai uhurmu, pangkopkop ni jesus in
Pitah halani dousamu do tarsilang Tuhanmin
Se maluah, se martuah, hita na mardousa in

3. Tarkawahkon ho Tuhanmu sanggah na tarsilang in?
Lang taruhir bai uhurmu, borit ni tinaronNiin?
Sai gogohi mambalosi holong ni uhurNi in

4. Sihol ma huruhononmu haganupan dousamin
Ase hagoluhononmu tinaron ni Tuhanmin
sai porluhon mansopotkon haganupan dousamin

5. Ingatonku tinaronMu, hutadingkon dousamin
Ase hagoluhononmu tinaron ni Tuhanmin
Sai porluhon mansopotkon haganupan dousamin

6. Na so bulih nunutonku mangkorjahon dousa in
Na so bulih horuanku Ham, o Jesus Tuhankin
Sai rosuh ma Ham, Tuhanku dompak au hinopkopMu

7. Ge borat pe siporsanon, tong do au i lambungMu
Halamlamon, hapormanon, isuankon silangMu
Ham Rajangku, o Tuhanku das bani na matei au

8. Pangkopkopon ni Tuhanku, in do sijolomankin
Pitah in pasaud langkahku, marayakkon surga in
Lao mardomu, lao manggoluh ampa Jesus Tuhankin