1. On do hata otul Jesus in do na bujur
Magou pe dunia on, sai hu Bani uhurhon.

2. Jesus do siharganan, ai domma itobus au.
Ai munsuhNi au hinan, patut magou au namin.

3. Pitah Ham ale Tuhan, na paposkon uhurhon.
lang be magou au tongon, na mardingat Ham tongtong.

4. Ge sonaha pe na roh, asal ma Bamu au soh.
Buat humbai uhurhin, na so harosuhMu in.

5. Amen on ma na sintong, malas ni uhurhu tong.
Jesus pangapitingkin, Jesus hagoluhankin.



1. Na laho ma au bai na sonang i surga,
i surga tongon sai na sonang ma au.
O hasomankin na gok dousa gok holsoh,
sai dihut ma ho sai hu surga ho lao.
Sai dihut ma ho, dihut ho dihut ho.
Sai dihut ma ho, sai hu surga ho lao.

2. I surga tongon seng adong be naborit,
Ai sonang tumang sadokah-dokah niin.
O hasomankin na sai pusokan uhur,
sai dihut ma ho sai hu surga ho lao.
Sai dihut ma ho, dihut ho dihut ho.
Sai dihut ma ho, sai hu surga ho lao.

3. I surga tongon seng adong be na sombuh,
Bayak do ijin, ai sonai pakon au.
O hasomankin na boratan na marsik,
sai dihut ma ho sai hu surga ho lao.
Sai dihut ma ho, dihut ho dihut ho.
Sai dihut ma ho, sai hu surga ho lao.

4. I surga tongon ipasirsir aianan
Na sonang tumang, sai hijun ma au lao.
O hasomankin iananmu i surga,
sai dihut ma ho sai hu surga ho lao.
Sai dihut ma ho, dihut ho dihut ho.
Sai dihut ma ho, sai hu surga ho lao.

1. Sanggah na marparau, ganup susian in.
Roh logou na mamurpur, ampa gilumbang in.
Tuhanta ipuhoi, manorgang logou in, sinok ma laut in

2. Gilumbang ni dunia on, sai tong manosak roh
Ise ma dong humbanta, naboi mambahen soh?
Pitah Jesus Tuhanta, parkuasa na gogoh, hujin ma hita roh

3. Ham Jesus sipargogoh, sai roh ma Ham tongon
Bai rundut paruhuran, na idunia on
Ham hansa parsuhuta, lao patorsahon on, ondos Bamu au on

1. Hupuji hupasangap Ham, Bapa pardear layak.
Ganupan ijadihon Ham, sonai age na masa.
Itompa Ham ganup hape, dagingku pakon tonduy pe.
Napuji ma Goran-Mu.

2. Ganupan tinompa-Mu in, sol sonang bahenon-Mu.
Arian pakon borngin in, sai Ham do na marmudu.
?Ge uhum bai gomgoman-Mu, pintor janah sintong ganup.
Na puji ma Goran-Mu.

3. Seng ongga tading bangsa-Mu, ganup na pinilih-Mu.
Ganup mangihut hu Bamu, pasaudkon rosuh-Mu.
Itogu Ham do haganup, ase hu hagoluhkon rup.
Na puji ma Goran-Mu.

4. Tongtong pasangaponku Ham, sadokah au manggoluh.
Paratah-ratahonku ma, barita ni Goran-Mu.
Angkula tonduy pe homa, ningon mamuji sangap-Mu.
Na puji ma Goran-Mu.

5. Antong roh bei ma hita le, ganupan na porsaya.
Marolob-olob hita bei, mamuji Naibatanta.
Dear tumang ganup hape, na binahen ni Naibata.
Na puji ma Goran-Ni.