1. Dong sapuluh halak na gadamon Hupamalum.
Tapi pitah sada do na roh dob Hupa......malum
Ija na siah nari, dob malum Hutambari?
Hatani Jesus do on bai jolma in.
Bai na lang ra martarima kasih.

2. Sahalak tumang do pasangapkon Naibatanta.
Manrogop bai Jesus nini do diatei tupa.
Nini Jesus hubani, dob malum itambari.
Jongjong ma ham janah misir ma ham lao,
haporsayaonmu do paluahkon.

3. Humbai na sapuluh halak in ise ma hita?
Na dob mangahapkon ipamalum maboritta.
Roh ma bani Tuhanta, hatahon diatei tupa.
Ulang namin halani domma jorgit, lupa hita martarima kasih.


1.Jahowa Naibata do tongon haluahon in
Sigomgom haganup tanoh on, puji ma In.

2.Sai ambilankon ma Hata on, ai sintong do in
Ase ganupan dunia on, manjalo in.

3.ipargogohi do hita on, mangkorjahon in
Asal mardalan hita sintong, bai rosuhNiin

4.goluhta pe ijaga do tong, as bai ujungniin
Ronsi ondos ganup hita on , hu surga in.


1. Nasiam ganup hasoman puji hita Naibata
Na pasirsirhon haluahon banta
Pasangap ma goranNi rap mandoding homa
Ai isarihon do pargoluhonta

2. Taurhon ma HataNi ronsi ujung tanoh on
Pararat ma ambilan pasal Jesus
Tuhanta siparholong bai ganup jolma on
Na dob manobus hita ulang magou

3. Ulang sonto idalan ?ge mahol pe dalan in
Sai parhanalom Jesus mangurupi
Maningon monang do na bujur uhur ijin
Na tong totap mandalankon HataNi


1. Sada ma ganup na tardilo rup
Manjalo Tuhan in
Mandoding rumbuk Marmegah pe rup Mamuji GoranNiin
Mandoding rumbuk Marmegah pe rup Mamuji GoranNiin

2. Suankon ma da bai uhurta rup hasadaonta in
Sauyun homa manlangkah riap ibagas Tuhan in
Sauyun homa manlangkah riap ibagas Tuhan in

3. Sauhur ganup na porsaya in ibagas Tuhan in
Lurlur do ijin pandodingni in mamuji GoranNiin
Lurlur do ijin pandodingni in mamuji GoranNiin

4. Totap ma Tuhan baen Ham hanai on sada ampakon Ham
Sai Ham ma tongtong Parmahan tongon manjaga hanai on
Sai Ham ma tongtong Parmahan tongon manjaga hanai on