1. Hanima na porsayain, sai alo alo Jesus in,
Pahinsah uhur nima.
Dohor ma ari pesta ni ganupan Kuria Ni in
Bai ari partubuh Ni.
In pe laho ma hanima baen adatni manjalohon,
Namarayak hajolmaon.

2. Marmegah-megah uhur ma , sagala na bujur homa,
Lao mangirikkon Jesus.
In pe rombang patidak ma,megahmu bani Naibata,
Pasaud ma harosuhNi.
Puji, puji Jesus Kristus na manobus tonduynima,
Humbai hamagouannima.

3. Lungkari uhurnima bei, ingati dousanima bei,
Porluhon uhurnima.
Tarima Sipagoluh in, ai turun do hun surga in,
Manggalar utangnima.
Tanda hata hagoluhan na binoan ni Tuhanta,
Pasaloseihon dousanta.

4. Ai anggo lang iboban ho,dousamu bani Jesus roh,
Seng saud be ho maluah.
Tongtong ma sogop ringis ni Jahowa, Naibatanta in,
Hu bam na pag manahan.
Patut, ganup dousa pakon hinasambor ni uhurmu,
Pasasapkon bai Tuhanmu.

5. Jahowa, holong ateiMu, kawahkon ma kuriaMu,
Sai togu uhurnami.
Bai Jesus Kristus, Anak in, na roh hu manisia in,
Mambahen tuahnami.
Lanjar, bujur baen hanami mandalani bai na sonang,
Das bani nagori atas.


1.Satahun use ma surutni, surut homa ma umur hin.
Naha do au na sain dokahni, margagan do parlahouhin?
Ganda do haporsayaonku, `ge holong ni ateihu pe,
Bai Jesus pakon Naibatangku, `pa bai hasomankin ale?

2.Ambit jabapon Naibatangku, tarbador do au ra ijin,
Mardingat lanjur ni uhurhu pakon ganupan gabeihin.
Ai dousa do ijamah tangan, gok dousa `pa uhurhu pe.
Naheihu, mata `pa pamangan, ganup marpipot do hape.

3.Porini matei au sonari, huja ma nani tonduyhin?
Bai hasonangan holi nani rap pakon na mapansing in?
Mamuji Naibata do ahu, ibaen holong ni ateiNi in.
Atap na hona uhum ahu bai apuy na son miloh in?

4.Dousangku seng tarbilangi, hubaen sain dokahni in.
Na dong tarhira be layak ni Tuhanta Jesus na dob in.
Seng ibalaskon Ham, Tuhanku, hu bangku songon dousangkin.
Lumbang do uhurMu hubangku paidah-idah gabeihin.

5.Halani ai ma`se hupuji layakMu in sadari on.
Ai na patibal rujiruji, sai na tarlobih do in tong.
O Jesus, na marholong atei! Ningon hupuji GoranMu.
Ai Ham do hapeni na pandei mambere bangku layakMu.

6.Holong ma ateiMu hubangku, mangkasomani au ijon.
Paondos Ham hu surga ahu bai parrotap ni hosahkon.
Na ra do ahu mangihutkon HataMu, `sai manggoluh au.
Malas uhurhu pararathon baritaMu ronsi daoh.


1. Martumpu ma hita malas uhurta
laho ma hita hu Betlehem.
Tonggor malekat mamuji Tuhanta
sai sombah puji Ia, sai sombah puji Ia,
sai sombah puji Ia Rajanta in.

2. Mandoding ganupan malekat ni Tuhan,
rap pakon jolma mandoding ma.
Puji Tuhanta sipaluah hita,
sai sombah puji Ia, sai sombah puji Ia,
sai sombah puji Ia Rajanta in.

3. Tuhanta na sangap tubuh i dunia,
doskon songon hita jolma on.
Roh do Tuhanta sipaluah hita,
sai sombah puji Ia, sai sombah puji Ia,
sai sombah puji Ia Rajanta in.

4. Padan ni Tuhanta, domma saud igoki,
lao patalarhon holongNi in.
Ganup mandoding marmalas ni uhur,
sai sombah puji Ia, sai sombah puji Ia,
sai sombah puji Ia Rajanta in.



1. O Jesus Tuhankin, Ham Siparmonang in Raja tongtong
Ai seng margogoh au anggo lang rapkon Ham
Sai hasomani au i tanoh on

2. Ai roh sibolis in manarik uhurhin, daoh hun Bamu
Iankon Ham ma au ase sai sonang au
mintor maporus ma sibolis in

3. Anggo bujur au on, manjolom Ham tongtong bai goluhkon
Talu ma munsuhkin, seng be margogoh in
sai monang au tongtong tinobus-Mu

4. Ai seng margogoh be dousa bai tonduyhin, maluah au
Ham ihutkononkin, surga tujuankin
Ham ma tong rupeihin, sai sonang au