1.Ai halonganan do hape, holong ni Tuhan in.
Itobus Kristus au hape pardousa na doyuk.
Tapi hubotoh janah porsaya, bani gogoh-Ni pakon kuasa-Ni,
ai iparorot do tong goluhku, das bai parujungan in.

2. Marhitei idop uhur in, porsaya au tongon, janah gogoh ni Hata-Nin pasonang uhurhon
Tapi hubotoh janah porsaya, bani gogoh-Ni pakon kuasa-Ni,
ai iparorot do tong goluhku, das bai parujungan in.

3. Marhitei Tonduy Napansing, hubotoh dousangkin,
hutanda do Sitobus au, marhitei hata-Nin.
Tapi hubotoh janah porsaya, bani gogoh-Ni pakon kuasa-Ni,
ai iparorot do tong goluhku, das bai parujungan in.

4. Ganupan pardalankin, rusia do tongtong,
paima jumpah ajalhin, mangidah bohi-Mu.
Tapi hubotoh janah porsaya, bani gogoh-Ni pakon kuasa-Ni,
ai iparorot do tong goluhku, das bai parujungan in.

5. Seng na hubotoh ari ni parroh-Mu in use,
na dob marujung au ijin atap manggoluh pe
Tapi hubotoh janah porsaya, bani gogoh-Ni pakon kuasa-Ni,
ai iparorot do tong goluhku, das bai parujungan in.

1. Sai puji ma goran ni Tuhanta,
Na sai sirsir marmudu goluhta
Sai horas ma hita ibagas tahun on.
Dear marjabat tangan ma hita,
Selamat Tahun Baru ma banta.
Sai horas ma hita ibagas tahun on.

2. Sabou ma ganup na lobih hurang,
marhitei uhur marsidungdungan.
Sai horas ma hita ibagas tahun on.
Ai do tandani na saodoran,
na mangirikhon Jesus parmonang.
Sai horas ma hita ibagas tahun on.

3. Jumpahan tuah ganjang ni umur,
janah tongtong marmalas ni uhur.
Sai horas ma luta ibagas tahun on.
Bai na margantih soluk pe tahun,
Tuhanta do tongtong marmuduhon.
Sai horas ma hita ibagas tahun on.

4. Age boi das goluhta sonari,
sedo halani gogoh sandiri.
Sai horas ma hita ibagas tahun on.
Tuhanta ma tongtong sai na puji,
ai Ia do na mangkasomani.
Sai horas ma hita ibagas tahun on.



1. Anggo sihol ho hu atas sai papodas mangayaki in hujin
Tuhan Jesus do mangungkab i patalag labah na i atas in

2. Lao ma au marayakkon haliharon i nagori atas in
Rap ma ahu pa malekat mandodingkon tunggung ni Tuhanta in

3. Jesus na parlobei laho togu Ham ma au bai parsaranan Ni
Biri-biri tinobusan na binoban humbai hasombuhan in

4. Seng be au ra jamaan ni ganupan arta na itanoh in
Soh au bani halimisan seng ra ahu lao ma au hu surga in

5. Bere Ham haporsayaon hagogohon mamingkirhon pasal in
Ai masihol do uhurhu bai Tuhanku pakon iananNi in

6. Ai podas do tarpatupa Ham Jahowa hamegahonkin ijin
Humbai babah ni tanoman tararahkon Ham do tonduy nami in

7. Jesus Ham do na mamorsan sitaronon, uhum bani dousangkin
Seng be pala habiaran pananoman, puho use au hujin

8. Bani surga ge bai tanoh Ham pargogoh pujionku sai tongtong
Jesus Ham hagoluhanku hu lambungMu alop ma jabolonMu


1. Ija parsaranan na gok sonang in harohanni tonduy
Ija nani in tor dong parsarananni tonduy ijon
Bai tanoh ni jolma na mardousa on?
Seng dong, seng dong i tanoh on, Ai hususuranta i surga tongon
Seng dong, seng dong i tanoh on, Ai hususuranta i surga tongon

2. Tadingkon ma ruhut ni dunia on, se sonang ho use hu surga tongon
Ihutkon ma Jesus, pambobai in, bai ganup na sihol itogu hujin
Nai ma, nai ma, nai ma tongon, ihutkon ma Jesus, irikkon tongon
Nai ma, nai ma, nai ma tongon ,ihutkon ma Jesus, irikkon tongon

3. Ganup na porsaya bai Tuhanta in, dapotan ianan na daer ijin
Tongtong do mandoding na ondos hujin, ibaen hamegahon na masa ijin
Amen, amen, haleluya, na puji ma Jesus ampa Naibata
Amen, amen, haleluya, na puji ma Jesus ampa Naibata