1. Sai paingat Ham sonari atap na bujur au on
Janah tuduh Ham ganup na hubaen na so talup
Ase sasap ma dosangku janah sonang ma uhurhu

2.Ai buei do parlahouhu seng harosuhMu hape
Ai gok dousa do uhurhu salah do hatangku pe
Ganup tongkin au pandur lang mardingat be bujur
Pasal TitahMu hubangku ibaen banggal ni dousangku

3.Sai holong ma Ham Tuhanku sai palumbang uhurMu
Ai borat tumang uhurhu ibaen dousangkin Bamu
Sai patidak layakMu pakon holong ateiMu
Ase tambah ma ringgasku bai ganupan parentahMu

4.Sai papansing Ham uhurhu ampa sanggah modom au
LayakMu baen Ham sabingku suruh na manjaga au
Ham pamiloh apuy in pa manjaga rumah in
Ulang tangis da hanami patar dob puho hanami

5.Ham ma tong na manundati anggo roh parjahat in
Ulang be pajalangonni akal ni uhurni in
Hubannami anakMu na hinaholonganMu
Ham manampar humbannami na ra mangagou hanami

6.Seng na sinok hape Tuhan ge ibagas borngin in
Jesus Ham do Siparmahan na madear uhur in
Borngin ge arian pe iramoti Ham hape
Tong iankon Ham hanami ase sinok matanami

7.Sai jorgit puhoi hanami bani panorangni in
Manumpahkon horja nami ase saud ganupan in
Anggo sol aloponMu borngin on au, o Tuhan
Hubai tanganMu ma ahu ?ge pamatang ?pa tonduyhu


1. Sol modom ma ganupan, na loja na ngayotan, i dunia on.
Ham da ale tonduy hu pasangap ma Tuhanmu na manarihon ham tongtong

2. Ale mata ni ari huja do ho sonari iayak borngin ho
Golap pe haganupan ididah mata nuan, bai Naibatanta lihar do

3. Age pe golap ari dong ope sada nari napasiangkon au
In ma Jesus Tuhanku marian bai uhurhu lang be tadingkonon Ni au

4. Ai salpu ma na siang lihar do ganup bintang I awang-awang in
Usih sonin ma ahu I lambung ni Tuhanku dob hutadingkon tanoh on

5. Lau modom au sonari hiouhu hugantihi huingat ma ijin
Lau salpu do goluhku hiuohu jaloonku pinasirsirni Jesus in

6. Ham ma paherbang tangan Ham Jesus hamegahku ondingi hanai on
Roh setan lau mamorang malekatMu manorgang seng bulih dohoranni au

1. Tonah ni Jesus do ijia in, Horja Banggal Na Mapansing.
Ai dob sirsir i baen i meja in, nini do, ?Tarima kasih!
Jalo ma ruti na pansing in! Parhiteian ni daging-Ni.
Nai homa anggur na pansing in! Parhiteian ni daroh-Ni.

2. Harga do hita on ganup ijin, na hinopkop ni Tuhanta.
Itaron do ganup na parngit in, na sombuh ronsi marmara.
Jalo ma ruti na pansing in! Parhiteian ni daging-Ni.
Nai homa anggur na pansing in! Parhiteian ni daroh-Ni.

3. Madurus do daroh ni Jesus in, bahen tobus ni dousanta.
Manobus hita sipardousa in, ulang magou age sada.
Jalo ma ruti na pansing in! Parhiteian ni daging-Ni.
Nai homa anggur na pansing in! Parhiteian ni daroh-Ni.

4. Ai halongangan do hapeni in, parpadanan na mapansing.
Ai malum do ganup naborit in, hamegahon pangkorhonni.
Jalo ma ruti na pansing in! Parhiteian ni daging-Ni.
Nai homa anggur na pansing in! Parhiteian ni daroh-Ni.

1. Sadiha dokah nari Ham Naibatangku,
Layur manipat ari sunsah do au
Sadiha dokah nari paimaonku,
pangkawah-Mu hubangku siholan au
Kawahkon Ham ma ahu Ham Naibatangku,
ulang tarpunjung ahu hun lambung-Mu.
Ganup munsuhkin manidingi au
ai seng adong na mangurupi au.

2. Sadiha dokah nari Ham Naibatangku,
munsuh pagijang diri mangodoh au.
Sai ihatahon bangku hagogohan ni,
sol bondutonni ahu ninuhurnin.
Idop uhur-Mu pangajamankin,
ai pitah Ham do haporusankin.
Urupi Ham ma ahu Ham Naibatangku,
ase ganup munsuhku tunduk Bamu.