Home

Details

Hits: 577

1. Tongah borngin marnipi au, bai nipingku roh Tuhanta in.
Tor tarsonggot mabiar au, saud ma hape na tarsurat in.
Tuhan roh gok bai hasangapon-Ni, bani ari paruhuman in.
Marhasoman sora ni tarompit, rap ampakon malekat-Ni in.

2. Hitir ma parjahat ijin, i lobei ni paruhuman in.
Mangonai ma bani ijin, panlanggaron na binaen ni in.
Seng adong ijin be panorangni, manolsoli ganup dousa in.
Hamarsikon do ijin rupeini, na ibagas paruhuman in.

3. Tapi anggo parpintor in, sai marmegah, sonang do ijin.
In ma na totap tong sirsir, paima parroh ni Tuhan in.
Hagoluhan do ijin rupeini, pinasirsir ni Tuhanta in.
Sai mandoding rap mamuji-muji, hapansingon ni Goran-Ni in.

Details

Hits: 577

1. Ai na bolag tumang do,
dalan hu hamagouan.
Tapi sompit do anggo,
dalan hu hagoluhan.
Dalan na ijahanin do,
sidalananta?

2. Dear simbili hita,
dalan na mambaen kahou.
Age bolag naidah,
in do mambahen magou
Ai seng ijin dalanta,
nini Tuhanta.

3. Age sompit horbangan,
janah mahol bolusan.
Hunjin hita mardalan,
Tuhanta hasomanta.
In do dalan hu surga,
bai na porsaya.

Details

Hits: 577

1. Panorang olob-olob sai roh ma hita ganupan
Riap ma mangolobkon Ambilan na ondos banta
Domma lihar nuan ganup ikehen in ?ge i huluan
In ma kuasani HataNi Tuhan in, mandilo hita

2. Hata ni Naibatanta do mambaen mangasup hita
Bani sagala horja na dear bani Tuhanta
Domma lihar nuan ganup ikehen in ?ge i huluan
In ma kuasani HataNi Tuhan in, mandilo hita

3. Pasuang hosah loja jalo ma Hata ni Tuhan
Pasiang paruhuran sai totap marpangarapan
Domma lihar nuan ganup i kehen in ?ge ihuluan
In ma kuasani HataNi Tuhan in, mandilo hita

4. Pongkut ma manangihon hata ni siparambilan
Usihan ni suruhan mambobai ganup hulanan
Domma lihar nuan ganup i kehen in ?ge ihuluan
In ma kuasani HataNi Tuhan in, mandilo hita

Details

Hits: 577

1. Sada ma ganup na tardilo rup
Manjalo Tuhan in
Mandoding rumbuk Marmegah pe rup Mamuji GoranNiin
Mandoding rumbuk Marmegah pe rup Mamuji GoranNiin

2. Suankon ma da bai uhurta rup hasadaonta in
Sauyun homa manlangkah riap ibagas Tuhan in
Sauyun homa manlangkah riap ibagas Tuhan in

3. Sauhur ganup na porsaya in ibagas Tuhan in
Lurlur do ijin pandodingni in mamuji GoranNiin
Lurlur do ijin pandodingni in mamuji GoranNiin

4. Totap ma Tuhan baen Ham hanai on sada ampakon Ham
Sai Ham ma tongtong Parmahan tongon manjaga hanai on
Sai Ham ma tongtong Parmahan tongon manjaga hanai on