1. Tuhan Jesus Kristus, parmahan na hun surga.
Simada harajaon i surga pakon dunia
Simada harajaon i surga pakon dunia

2. Holong ni Jesus Kristus, usih songon bah tubuh
Lamlam torsuk inumon, bai uhur na horahan
Lamlam torsuk inuinon, bai uhur na horahan

3. Sinalsal ni Tuhanta, rigapan na maharga
Sanggah bai pardalanan, das hubani tujuan
Sanggah bai pardalanan, das hubani tujuan

4. Marhiteihon holongNi, ugahta itambari.
Marhiteihon darohNi, utangta igalari
Marhiteihon darohNi, utangta igalari

1. Hupuji hupasangap Ham, Bapa pardear layak.
Ganupan ijadihon Ham, sonai age na masa.
Itompa Ham ganup hape, dagingku pakon tonduy pe.
Napuji ma Goran-Mu.

2. Ganupan tinompa-Mu in, sol sonang bahenon-Mu.
Arian pakon borngin in, sai Ham do na marmudu.
?Ge uhum bai gomgoman-Mu, pintor janah sintong ganup.
Na puji ma Goran-Mu.

3. Seng ongga tading bangsa-Mu, ganup na pinilih-Mu.
Ganup mangihut hu Bamu, pasaudkon rosuh-Mu.
Itogu Ham do haganup, ase hu hagoluhkon rup.
Na puji ma Goran-Mu.

4. Tongtong pasangaponku Ham, sadokah au manggoluh.
Paratah-ratahonku ma, barita ni Goran-Mu.
Angkula tonduy pe homa, ningon mamuji sangap-Mu.
Na puji ma Goran-Mu.

5. Antong roh bei ma hita le, ganupan na porsaya.
Marolob-olob hita bei, mamuji Naibatanta.
Dear tumang ganup hape, na binahen ni Naibata.
Na puji ma Goran-Ni.


1. Na sonang au, dob marTuhan au bai Tuhan Jesus in.
Ai lang be dong dob jabolonNi au sihoruonkonkin.
Ai Ia mando huirikon, dunia on ma hutundalhon.
Sonang ma au! Sonang ma au!

2. Sonang ma au,ai mambur do hape pusokni uhurhin.
Megah ma au ronsi antigan pe iapoh Jesuskin.
Seng huhoruhon be goluhku,ganup do guru bai Bapangku.
Sonang ma au! Sonang ma au!

3. Sonang ma au! Bujur do Bapangkin na mansarihon au.
Janah layak; ganup na porlu in ibere do tong au.
Parbegu do na mangkolsohkon goluhni pakon sipanganon.
Au sonang do! Au sonang do!

4. Na sonang au! HarajaonNi in ampa ruhutNi in.
Ai ma tene na hudarami in, dapot ganup ijin.
Sai on gelah sura-surangku; Pasaudkon uhur ni Bapangku.
Sonang ma au! Sonang ma au!

5. Sonang ma au, anggo marsaran au,bai abinganNi in.
Naparngit in ?tor itadingkon au, dob ondos au hujin.
Nuan na porlu bai uhurhu; Sai surga in ma bongkotanku.
Martuah au! Martuah au!


1. Haholongi parmahan namadear maruhur in, Tuhan
Jesus do mamorsan, haganupan dousa min

2. Anggo kahou biri biri, ni pinarmahanNi in
Ra matektek iluhNi laho mangindahi in

3. Tor lamlam do pangabingNi bai naganup nakahou in,
Paulakaon hu harangan ni humbani halimisan in

4.Sai jojor do isarihon ganup na pinahan Ni in,
Ai darohNi in iduruskon manggalari utang niin

5. Tuhan Jesus do hasoman ganup dakdanak in,
Na tongtong marhulanhulan pasangapkon GoranNiin