1. Jahowa Naibatanta do, tarbaen batar-batarta
Munsuhta ningon talu do, ibaen parlingodanta
Ai anggo munsuh in, sibolis gorannin,
bajan do akalnin parseda jolma in, seng dong na pag mangkubu.

2. Gogohta seng tarbahen in jadi pangajamanta;
Pinilihni Jahowa in hansa pamonang hita .
Ai ise gorannin na jamin monang in
Tuhanta Jesus in, sigomgom ganup in,
na so bulih lang monang.

3. Gok pe habiar tanoh on, laho mandorab hita .
Ulang mabiar hita on, ai ningon monang hita.
Age manggila pe, sibolis banta bei,
seng habiaran be; Ai ?ge sa hata pe,
kuh do manaluhonsi .

4. Ai Hata ni Jahowa in na dong tarkahuasi;
Tuhanta do sijaga in, ambah ni jabolon-Ni.
Hosahta, arta pe , na dong in banta pe,
iayob munsuh in, uhumi ma hujin,
Tuhanta hasomanta!


1. Sol modom ma ganupan, na loja na ngayotan, i dunia on.
Ham da ale tonduy hu pasangap ma Tuhanmu na manarihon ham tongtong

2. Ale mata ni ari huja do ho sonari iayak borngin ho
Golap pe haganupan ididah mata nuan, bai Naibatanta lihar do

3. Age pe golap ari dong ope sada nari napasiangkon au
In ma Jesus Tuhanku marian bai uhurhu lang be tadingkonon Ni au

4. Ai salpu ma na siang lihar do ganup bintang I awang-awang in
Usih sonin ma ahu I lambung ni Tuhanku dob hutadingkon tanoh on

5. Lau modom au sonari hiouhu hugantihi huingat ma ijin
Lau salpu do goluhku hiuohu jaloonku pinasirsirni Jesus in

6. Ham ma paherbang tangan Ham Jesus hamegahku ondingi hanai on
Roh setan lau mamorang malekatMu manorgang seng bulih dohoranni au

1. Sai puji ma goran ni Tuhanta,
Na sai sirsir marmudu goluhta
Sai horas ma hita ibagas tahun on.
Dear marjabat tangan ma hita,
Selamat Tahun Baru ma banta.
Sai horas ma hita ibagas tahun on.

2. Sabou ma ganup na lobih hurang,
marhitei uhur marsidungdungan.
Sai horas ma hita ibagas tahun on.
Ai do tandani na saodoran,
na mangirikhon Jesus parmonang.
Sai horas ma hita ibagas tahun on.

3. Jumpahan tuah ganjang ni umur,
janah tongtong marmalas ni uhur.
Sai horas ma luta ibagas tahun on.
Bai na margantih soluk pe tahun,
Tuhanta do tongtong marmuduhon.
Sai horas ma hita ibagas tahun on.

4. Age boi das goluhta sonari,
sedo halani gogoh sandiri.
Sai horas ma hita ibagas tahun on.
Tuhanta ma tongtong sai na puji,
ai Ia do na mangkasomani.
Sai horas ma hita ibagas tahun on.


1. Borit do tongon, poupou ni goluh on,
Ngayotan marhoih, halani dousa in,
Sai tong do rongom, parlajouan na roh,
seng mangadi in, sipangapasi in
Haporsayaonku, sai totap do toguh,
loja pe au, bai ganup goluhkon.
Bamu do Tuhan, marsuhutan au roh,
holong-Mu Tuhan, songon bah tubuh do.

2. Goran-Mu Tuhan, sai hudilo ijin,
Ham ma rupeihin, au ginomgoman-Mu.
Ondingi Tuhan, au humbai munsuhkin,
?se sonang ijin, bani linggoman-Mu.
Haporsayaonku, sai totap do toguh,
loja pe au, bai ganup goluhkon.
Bamu do Tuhan, marsuhutan au roh,
holong-Mu Tuhan, songon bah tubuh do.

3. Suankon Tuhan, holong-Mu bangku on,
damei -Mu Tuhan, in ma tong rupeihin.
Sinondang-Mu in, siang baen uhurhin,
ulang magou au, baenon ni dousangkin.
Haporsayaonku, sai totap do toguh,
loja pe au, bai ganup goluhkon.
Bamu do Tuhan, marsubutan au roh,
holong-Mu Tuhan, songon bah tubuh do.