Home

Details

Hits: 1563

1. Dong do openi parsaranan, uhur hujolom hata in
Ai ma se ho tongtong holsohan binaen ni hajolmaon min?
Sai tonggor ma hatuahonmu, ai Jesus do hagoluhanmu
Doras marlintun ho hujin
Podas maronti parlawanan, podas do dapot hamonangan
Sai ayak ma hu surga in

2. Ai iparsirsir Naibatanta, ianan sadokahni in
Seng dong openi jolma sada sirsir ma dong ianan niin
Ai matei bani parsilang do Jesus, ase hita sonang
Lao masuk bani ianan in
Ganupan hita on na loja sai roh ma lah nini Tuhanta
Parayak ma hu surga in

3. Hanima na pusokan uhur manaron halojaon in
pahinsah bei ma ganup uhur sai ulang be marhoru in
Itaron ho marhasunsahan, sai roh ma ho bai hasonangan
Idilo Tuhan Jesus in
Hanima bangsa ni Jahowa, sibolis in do hona hata
Ai domma talu munsuh in

4. Marsaran mando hape hita ilambungni Tuhan in
Mardamei janah sonang hita tongtong bai iananNi in
Padoras hita langkahta, mangayak rumahni Tuhanta
Lang bulih lolei hita on
Sai eta hita ?le hasoman marlintun hu bai hamonangan
Dohor do hasonangan in

Details

Hits: 1563

1. Marhitei lima ruti, dua dengke, i tamu Jesus do ganupan na roh in.
Dob itonggohon ipartopik use, lanjar ibagihon bai sidea in.
Bosur mangan lima ribu halak , anjaha dong ope sulei ni.
Dob ipatumpu ganup teba-teba, dong ope sapuluh dua bantei in.

2. Usih sonindo hita tinobusNi, na dob porsaya bani Tuhan Jesus in.
Jumpahan goluh na marlobih-lobih, asal ma tongtong hita bujur ijin.
Roh ma hita! Irikkon Tuhanta, Ia ma tong sibalosanta.
Seng ipaturut hita on gayuran, tong do iparorot ase sai sonang.

Details

Hits: 1563

1. On panorang hasonangan anggo Ham Jesuskin
Na pahusor bai pingkiran idop ni uhurMu in
Anggo Jesus pinindahan, pitah Jesus na surahon
Ari na jenges ma in na pasonang uhurhin

2. Sai ibere Ham hubangku Jesus, hinalayakMu
Sai ringgas do ham manohu na sihol bai hataMu
Gok bah tubuh hagoluhan dapot do Bamu, o Tuhan
Sai dapotan do bujur haganup na roh Bamu

3. Halaniin, o Tuhannami, tohu Ham Kuria on
Pasu-pasu Ham hamani se bosur hanami on
Si maria usihanku, na horahan bai podahMu
Sai sonai hanami bei, ase sai marulih bei

Details

Hits: 1563

1. Jesusku na manobus ahu sai sol haholonganku Ham
Hu dolog Golgata ham laho, i ojur holong ateiMu
Hu puji idop uhurMu tarlobih holong ateiMu

2. Sai tong manosal do uhurhu, mangidah marsikMu ijin
Mardingat haganup dousangku, ai in do tinaronMu in
Hupuji idop uhurMU tarlobih holong ateiMu

3. Gati huparnalang, o Tuhan, Ham na pagoluh tonduyhon
Mabiar au lao manaksihon Ham na mangkopkop au tongon
Hupuji idop uhurMu tarlobih holong ateiMu

4. Uhirhon Ham ma bai uhurhu, tinoronMu mangkopkop au
Hujin sai togu Ham uhurhu, sai tong guru Bamu ma au
Hupuji idop uhurMu tarlobih holong ateiMu