Home
- Details
- Hits: 578
1. Lauja do ho, na loja in, binaen ni dousa min?
Seng jumapah ho nasonang in, iparlajangan min,
Halani in sai mulak ho!
2. Ompaskon pusok uhurmin bai Tuhan Jesus in.
Sai boban ganup dousamin bai sipagoluh in.
Nai ma tongon, sai roh ma ho!
3. Ai Jesus do padamei ho na loja in tongtong;
Ai anggo lang hujin ho roh, manaron ma ho tong.
Halani ai sai roh ma ho!
- Details
- Hits: 578
1. Sai sol pujionku do Ham sogot on.
Jesus Naibatangku dob puho au on.
Sanggah sinok ahu iramotkon Ham,
Ampa hasomanku i pasonang Ham.
2. Gogoh ni dagingku ipasuang Ham.
Bai na lao marhorja au sadari on.
Rap ampa uhurhu iparorot Ham;
Lihar panonggorhu lao mangidah Ham.
3. O Jesus, pagogoh au sadari on.
Dousa pe padaoh humbai uhurhon.
Ase huihutkon HataMu tongtong,
Janah hupasangap Ham i tanoh on.
- Details
- Hits: 578
1. Siparmahan bolon na so ra tarpodom tatap Ham au on
Layak Mu o Tuhan do na manramotkon au sadari on
Ham ma use borngin on na manjaga liot biding ase ahu sonang
2.Ham ma manamparhon ganup hasosakan humbai anakMu
Sasap Ham ganupan dousa paruhuran sai pasonang au
Jesus na dob matei in, in do na padaoh dousangku megah ma uhurhu
3. Ampakon hasoman na hinaholongan ondos ma Bamu
MataMu manonggor seng hanami bobor parorotonMu
Ham ma tong manjaga au ase tong totap uhurhu sadokah goluhku
4. Ganup parmaraan pakon hasunsahan Ham padaoh ganup
Ham o Bapa nami Ham ma manlingodi se sonang ganup
Sipangagou olat Ham ulang dong na niharuan janah isunsahi
5. Atap roh ajalhu bois ni bohalhu bani borngin on?
Anggo in Tuhanku uhurMu do bangku alop Ham au on
Asal ma hu Surga au itogu Jesus Tuhanku sonang do uhurhu
6. Tenger ma uhurhu papitpit matangku mangajamkon Ham
Hu Bamu ma ahu badan pa tonduyhu sai jagai Ham
Ham do mangkatahon in patar anggo puho au Ham parayakonku
- Details
- Hits: 578
1. Silang na mapansing in Ham tongtong baen gantarhin
Lao manlawan dousa in pakon pandoleian in
Bani sitaronon in Ham tongtong baen gantarhin
2. Haganupan horjangkin, seng boi sonang au ijin
Ge porlu pe uhurhin, pala roh do iluhkin
Pitah holongMu tumang pangurupi, Ham Tuhan
3. Roh do au nuan Bamu, sai lumbang ma uhurMu
Domma pala matei Ham ibaen holongMu tumang
Jalo Ham na sombuh on, parhioui tonduyhon
4. Dousa patundukkon au, Ham ma paluahkon au
Na butak tumang do au, darohMu manguras au
Na sombuh, doyuk au on, Ham ma artangkin tongtong
5. Silang na mapansing in, Ham tongtong baen gantarhin
Anggo roh hadogaskin sanggah rotap hosahkin
Bani sitaronon in, Ham tongtong baen gantarhin
