1. Rapkon Tuhan Jesus in pungkah lahoanmu.
Ningon bani Tuhanin tong pangguruanmu.
Jesus baen hasomanmin, puho ampa modom,
Dogei ma bokasNi in, Tuhanmin panalom.

2. Ganup sogod ningun do Jesus diloonmu,
Ase itumpaki ho bai silahoanmu;
Ai arian borngin pe, sai hasomananNi,
Dousamin ganupan pe, sai taluonkonNi.

3. Anggo rapkon Jesus in, seng dong hamagouan;
Pandei pe sibolis in, Jesus sigogohan;
Asal ipanalom ho Jesus in, Tuhanmu,
Ningon sai maporus do na hinoruhonmu.

4. Huondoskon ma tongon haganup langkahku,
Bai Tuhanku, na tongtong ibagas uhurhu.
Atap aha pe hubaen, Ham huunsagahkon.
Saud ma bahen Ham Tuhan haganupan, Amen!


1. Ho tinobus ni TuhanMu,ai dohor Naibatamin
Sai pasada pingkiranmu, ase sabou uhurmin
Sai patorus ma langkahmu bai Tuhanmu uhurmin

2. Sai pahusor bai uhurmu, pangkopkop ni jesus in
Pitah halani dousamu do tarsilang Tuhanmin
Se maluah, se martuah, hita na mardousa in

3. Tarkawahkon ho Tuhanmu sanggah na tarsilang in?
Lang taruhir bai uhurmu, borit ni tinaronNiin?
Sai gogohi mambalosi holong ni uhurNi in

4. Sihol ma huruhononmu haganupan dousamin
Ase hagoluhononmu tinaron ni Tuhanmin
sai porluhon mansopotkon haganupan dousamin

5. Ingatonku tinaronMu, hutadingkon dousamin
Ase hagoluhononmu tinaron ni Tuhanmin
Sai porluhon mansopotkon haganupan dousamin

6. Na so bulih nunutonku mangkorjahon dousa in
Na so bulih horuanku Ham, o Jesus Tuhankin
Sai rosuh ma Ham, Tuhanku dompak au hinopkopMu

7. Ge borat pe siporsanon, tong do au i lambungMu
Halamlamon, hapormanon, isuankon silangMu
Ham Rajangku, o Tuhanku das bani na matei au

8. Pangkopkopon ni Tuhanku, in do sijolomankin
Pitah in pasaud langkahku, marayakkon surga in
Lao mardomu, lao manggoluh ampa Jesus Tuhankin


1. O Jesus na marsangap in, Ham Raja kuriaMu,
Parmahan na madear.
Tongtong itatap Ham do in, ganup pinaluahMu,
Ganup ni rajaanMu
Tatap Ham ma na martumpu I rumahMu on ganupan
I lobeiMu on o Tuhan

2. Martuah do kuriaMu, ai na holong do uhurMu,
mambaen hagoluhanni;
sai dong do pambobai in na mangajari ganup in,
patorsa parlahouni
Ulang hurang bai KuriaMu na susi panditani
na sai tong bujur uhur in

3. Sai tatap Ham ganupan on, I lobeiMu do jongjong on, manjalo jabatanni.
Na manampeihon tangan in, parhiteianMu mando in, mambaen hatuahonni
Suruh, sorap TonduyMu napasing in
Lao pagogohon ase marhapanditaon


1. Rap pakon ahu bod ma ari in,
golap pe ari, rap hita Tuhan.
Lang dong na legan mangurupi au,
pitah Tuhanku hasomanku tong.

2. Surut pe umur, ajal pe dohor,
mantin pe goluh, salpu di ganup.
Seng dong na tahan, lang dong na toguh,
Ham na totap rap pakon au tongtong.

3. Ham pangajaman, bani goluhkon,
bai parlajouan, Ham hujolom tong.
Seng jumpah ahu, songon Ham Tuhan,
arian borngin rap au pakon Ham.

4. Seng au mabiar, ai dohor Bamu,
parngit pe goluh, lang borat be in.
?Ge hamateian, lang marsorod be,
Tuhanku na dob puho rapkon au.

5. Baen Han silangMu, tong i lobeihin,
ase mardalan, au bai na lihar.
SondangMu in padaoh na golap in,
Tuhan sai hot ma ham rap pakon au.