Home

Details

Hits: 1720

1. Ambit lang Ham rupeihu ale Jesus,
jaha daroh-Mu manghakui ahu
mintor huja ma ahu na mardousa, marhaporusan.

2. Ai seng be dong na songon Ham Tuhanku,
na parlunggarhon pusok ni uhurhu;
Sahalak ham do sipasonang ahu, hagoluhanku.

3. Halani ai hupuji Ham, o Jesus,
ai dihut au itogu Ham, Tuhanku,
bai partumpuan ni ganup tinobus, ibaen daroh-Mu.

Details

Hits: 1720

1. Sanggah na marparau, ganup susian in.
Roh logou na mamurpur, ampa gilumbang in.
Tuhanta ipuhoi, manorgang logou in, sinok ma laut in

2. Gilumbang ni dunia on, sai tong manosak roh
Ise ma dong humbanta, naboi mambahen soh?
Pitah Jesus Tuhanta, parkuasa na gogoh, hujin ma hita roh

3. Ham Jesus sipargogoh, sai roh ma Ham tongon
Bai rundut paruhuran, na idunia on
Ham hansa parsuhuta, lao patorsahon on, ondos Bamu au on

Details

Hits: 1720

1. Andohar apuy-Mu ma gara, parholong atei na sintong
Podas homa ibotoh halak , Ham Jesus, Raja na sintong
Domma tongon mamungkah siang, ikehen i huluan in;
Bahat tumang do tong na hurang ai sol lihar do ganup in.

2. Pamalas janah sai pagoluh, palihar liot tanoh on.
Patidak diri mu, Pargouh, Pardamei, hu dunia on.
Ganupan ma halak mamuji bai parholong ni atei-Mu.
Janah rogop ma haganupan manombah Ham bai hotak-Mu,

3. Puhoi , baen pansing , pasada ganupan Kristen hu Bamu;
Sai ulang dong be age sada na so mananda holong-Mu.
Padomu Ham ma tong hanami marhitei-hitei Tonduy-Mu.
Sondangi Ham hasoman nami na so mananda goran-Mu.

Details

Hits: 1720

1. Haleluya! Sai puji Naibatanta na sangap in,
sitompa dunia on ampakon pangisini.
Haleluya! Marsombah hu lobei-Ni do ganup in,
anjaha maningon do tunduk bani kuasa-Ni.

2. Haleluya! Dodingkon ma Goran-Ni Tuhanta in,
marhitei gonrang ampakon ogung na marolol.
Haleluya! Olobkon ma tongtong pambahennan-Ni in,
na patorsahon ibanta ganup pargoluhon.

3. Haleluya! Bamu do hatunggungon tongtong Tuhan,
halani jengesni in ganupan tinompa-Mu.
Haleluya! Jimot janah torsa iramotkon Ham,
baen goluh nami ase totap marmalas uhur.