1. Sai buei ope na kahou, na i hagolapan in
Sai podas Ham roh o Jesus, lao magojur ganup in
Roh hu harajaonMu, ase sonang baenonMu
Togu Ham ganupan jolma, bai na sonang na i surge

2. Ham pabuei partonahan, suruhanMu na bujur
Na mamboan haluahon, humbai dousa in botul
Sai pasorap tonduyMu, bai ganup jabolonMu
Sai marrohan ma na kahou, bai na lihar in itogu
3. Hanai on pinarmahanMU, Ham, o Jesus tatap ma
Sai paringgas Ham manogu, jolma in bai Naibata
Uhur, holong, tambah ma, ibannami on homa
Mangarahkon ganup jolma, ase roh ganup hu surga


1. Jahowa pangajamankin, pangapoh bai uhurhu
Napatorangkon langkahkin sonang ibaen langkahku
Sonang tongtong bai uhurhon ibahen Naibatangku
titah-Ni harosuhku

2. Ai hatundalan na botul do ham, o Naibatangku
Ai ham do na tongtong bujur mambaen hagoluhanku
Ham na gogoh, sai saud do, sininta-Mu o Tuhan
Torsa do haganupan

3. Seng ongga marnalupa Ham bai parholong ni uhur
Bamu, ai sai daporsi ma, na boi mangapoh uhur
Sonang tumang, ibahen Ham, na sai totap porsaya,
maluah humbai dousa.

4. Usihanmin sai tatap ma, binaen ni Tuhan Jesus
Sanggah i dolog golgata, daroh-Ni in madurus
Totap ijin uhur-Ni in, ijolom tong Bapa-Ni
sai Ia ma usihi

5. Sai ondos ma Bamu tongtong, au on, o Naibatangku
Uhurhu tarik Ham gomos, Bamu o Naibatangku
Sai togu Ham hu surga au, bai rotap ni hosahku
Ai Ham do ayakanku.


1. Tong do pangajaman Tuhan Jesus in
Ai domma iporsan ganup dousa in
Hata ?ge damei-Ni hagoluhan ni ganup
Na porsaya bai Hata-Ni in
Hata ?ge damei-Ni hagoluhan ni ganup
Na porsaya bai Hata-Ni in

2. Sai ihasomani na porsaya in
Janah ari-ari roh layak-Ni in
Bai na so ra sangsi bai gogoh-Ni in
Nini do: Tuhanku na jenges botul
Bai na so ra sangsi bai gogoh-Ni in
Nini do: Tuhanku na jenges botul

3. Guru bani tangan-Ni sab dunia on
Ai sintong Hata-Ni na hubanta on
Idop ni uhur-Ni na tarsulur in
In do ipatudu bai rosuh-Ni in
Idop ni uhur-Ni na tarsulur in
In do ipatudu bai rosuh-Ni in

4. Ham, o Tuhannami sai sondangi Ham
Ganup huannami i Sumatra
Nai hasoman Kristen Indonesia
Ase gabe saksi na bujur, bonar
Nai hasoman Kristen Indonesia
Ase gabe saksi na bujur, bonar

5. Nai ganupan jolma na i Asia
Ronsi na i dipar pakon Afrika
Jesuskin, Panondang sai sondangi Ham
Ase roh marsombah hu Bamu, Tuhan
Jesuskin, Panondang sai sondangi Ham
Ase roh marsombah hu Bamu, Tuhan

1. Sai martuah do marnunut, halak na porsaya in.
In ma halak na dob surut, humbai padousaon in.
Na sora be mangirikkon tahini parjahatin
Na sora be hasundulan, ampa pangapasi in

2. Sai marosuh uhurni, bani pangajaran in.
Na binere ni Tuhanni, gabe sibalosan-niin
Songon hayu na madear, na I lambung bah hape
Sai tambun ma ramos do ia, na so bulih, melus be.

3. Talu do bai paruhuman, halak si pargeduk in
Jongjong do bai hasangapon, na pintor maruhur in,
Si pargeduk seng na bulih, roh hu hagoluhan in;
Hamagouan do rupeini, sonang do papintor in.