Home

Details

Hits: 1564

1. Sanggah loja au bani horja, sai marhoih janah tariluh.
Pitah sada do huparsinta, o Tuhan pargogohi Ham au.

2. Age loja pe au marhorja, tong do ahu marpangarapan.
Ai sirsir do Ham mardimata, mahiteihon TonduyMu Tuhan.
Ai sirsir do Ham mardimata, mahiteihon TonduyMu Tuhan.

3. Sanggah bai na ngayotan ahu, roh do Ham mansahap-sahapi.
tanganMu manompuk gurungku, mambaen malas uhurhu ijin.
tanganMu manompuk gurungku, mambaen malas uhurhu ijin.

4. Pori jumpah pe halojaon, seng pala au sai songgotan.
Ai tongtong do Ham ilambungku, na dob ondos au on hu Bamu.
Ai tongtong do Ham ilambungku, na dob ondos au on hu Bamu.

Details

Hits: 1564

1. Sai dingat Jesus Tuhanmin na roh hubanta jolma
Na manadingkon surga in na pala gabe jolma
Sai ulang lupa ham ijin, ai do hagoluhanmin
sai puji ma lah Ia

2.Sai dingat Jesus Tuhanmin, sitaron na madorsa
Bai hayu na marsilang in, mangkopkop ham pardousa
Ai ham talup manaron in, na mangonai bai Jesus in

3. Sai dingat Jesus Tuhanmin, ai puho do hapeni
Bai ari patoluhon in, lumei do tanoman-Ni
Halani ai tarbahen ma, manggoluh na porsaya in
Sadokah ni dokahni

4. Sai dingat Jesus Tuhanmin, sangap do paratas-Ni
Ai naik use hu surga in, hu lambung ni Bapa-Ni
Ianan hasonangan in, sirsir bamu ibaen ijin
tangihon ma Hata-Ni

5. Sai dingat Jesus Tuhanmin, na roh do use Ia
Lao manguhumi jolma in, songon hinatahon-Ni
Patorsa uhurmin tongtong, sadokah ho itanoh on
pasangap ma lah Ia

6. O Jesus tatap Ham au on, sondangi Ham uhurhu
Sai togu Ham ma au tongtong, marayak Ham Tuhanku
Uhirhon ham bai uhurhin, Goran-Mu na mapansing in
?se masuk au hu surga

Details

Hits: 1565

1. O Jesus Tuhankin, Ham Siparmonang in Raja tongtong
Ai seng margogoh au anggo lang rapkon Ham
Sai hasomani au i tanoh on

2. Ai roh sibolis in manarik uhurhin, daoh hun Bamu
Iankon Ham ma au ase sai sonang au
mintor maporus ma sibolis in

3. Anggo bujur au on, manjolom Ham tongtong bai goluhkon
Talu ma munsuhkin, seng be margogoh in
sai monang au tongtong tinobus-Mu

4. Ai seng margogoh be dousa bai tonduyhin, maluah au
Ham ihutkononkin, surga tujuankin
Ham ma tong rupeihin, sai sonang au

Details

Hits: 1565

1. Sai papakis Ham tonduyhu, sai tadingkon ma horumu
Roh ma ho bai haliharon, ase jumpah hasonangan
Ai sonari ho tarontang marpanganon na mapansing
Na manggomgom haganupan sol hu bam do marianan

2. Porlu pardomuonkonmu na pagoluh ho, tonduyhu
Uhurmin sai ihartuki marhiteihon HataNi
Ungkap labahni uhurmu, ase masuk ma Rajamu
Nim: Iankon Ham uhurhu, ulang be tadingkon ahu

3. Sai masihol do uhurhu hubai layakMu na susi
Sai na tangis do uhurhu, MannaMu huhasiholi
Na horahan do tonduyhu hubai darohMu, o Jesus
Na pinindoni uhurhu saor bai Naibata i atas

4. Malas janah hitir-hitir uhurhon, anggo hupingkir
Rusia ni sipanganon na ibagas parpadanan
Ai na dong tardadap uhur, panagang ni na tarsulur
Tonduy Napansing do hansa pabotohkon in hubanta

5. Jesus Ham haholonganku, iparayak Ham do ahu
Manadingkon hasangapon, roh marayak hajolmaon
DagingMu ibere Ham do baen goluh ni tonduyhin do
DarohMu do na maharga, pasalosei ganup dousa

6. Jesus, Ham hagoluhanku, ulang lang adong untungku
Laho mangan parpadanan, ulang au das haliouan
Ulang lang da, arusanku sonin banggal parholongMu
Bani ganup KuriaMu na tinobus ni darohMu