1.Marmalas ni uhur hita,haganupan Kristen in
Sai napuji ma Tuhanta, na manasap dousa in
Iarahkon Jesus in,hita hu Kuria in
Ai ijalo Naibatanta, songon anak pakon hita

2.Tuhan Jesus do Rajanta na manggomgom haganup
Pinarorot ni Tuhanta na marhosah haganup
Anggo lai HataNi in, seng tarbaen lang saud in
Sai na saud do HataNi bai ganup manisiaNi

3.Nasiam,alo pardousa,anggo sihol do sonang
Sai tangihon ganup hata ni Tuhanta in torang
Sai paubah uhurmu,jalo Jesus in bamu
Ase saud ma tonduyta,ipaluah humbai dousa

4.Domma roh na mangapohi halak parsinumbah in
Ondos uan na jengesni bai na mangakuhon in
Tuhan Jesus Raja in,na dob roh hun surga in
Sai Tuhanta ma napuji, na irikkon ma HataNi


1. Domma talu hamateian ibaen Tuhan Jesus in
Ai manggoluh use Tuhan songon hinatahon Niin
Haleluya, haleluya doma puho Jesus in
Haleluya, haleluya doma puho Jesus in

2. Roh manorih hu tanoman parinangon in hujin
Seng ijin be Jesus Tuhan, domma puho in hunjin
Haleluya, haleluya doma puho Jesus in
Haleluya, haleluya doma puho Jesus in

3. Sai marmegah-megah hita ibaen puho Jesus in
Ai maluah ganup hita humbai hamagouan in
Haleluya, haleluya doma puho Jesus in
Haleluya, haleluya doma puho Jesus in

4. Sai napuji ma Tuhanta na marholong atei in
Napasangap malah Ia namaridop uhur in
Haleluya, haleluya doma puho Jesus in
Haleluya, haleluya doma puho Jesus in


1. Ingaton ma sadarion parnaikni Tuhanta
Hubai hotakNi natongtong na so tarbaen maseda
Nasombahma Tuhanta in,
namulak bai BapaNi in pujimalah Ia

2. Ai doma mungkap dalan in bai halak na porsaya
Lao mamasuki surga in lopas ma nadorsa
Napatut magonai in bai ganup sipardousa in
Napuji ma Tuhanta

3. Marmegah-megah ho botul bai Jesus in, Tuhanta
Paubah uhurmin bujur, ihutkon ma lah Ia
Irikkon ma hataNi in, usihi pambahenan Ni in
Sadokah ho manggoluh

4. Na roh do use Tuhan in bai ari paruhuman
Idabuh ma parjahat in bai apuy na so miloh
Tapi halak parpintor in, ganup haholonganNi in
Husurga bahenonNi

5. O Jesus Tuhan nami on, holong ma Ham bennami!
Kawahkon Ham hanami on bai paruntotlonnami
Patoguh Ham hanami on, tumpaki Ham monang ijon
Torus ronsi magira


1. Haleluya! Na puji ma salakSi hansa Naibata sitompa haganupan
Ai holongni ateiNi in, gogohni pe jombut do in sai ningon dodingkonon

2. Haleluya! Na puji ma na susur humbani Naibata, in do hansa AnakNi
Na matei ibaen dousa in, paturei hagoluhan in, ningon dodingkononta

3. Haleluya! Na puji ma panondang humbai Naibata, sinuruh bai uhurta
Pangapoh na taranjuk in, ihutan pangajari in, ningon dodingkononta

4. Haleluya! Bai Bapa in, bai Anak ampa Tonduy in, puji-pujiannami
Bamu ma hamogahan in, ampa hamuliaon in, ibere uhurnami