1. Na botoh dohor ni ajalhu? Aringku lao bodari roh.
Ai ambit roh sompongtingkingku parpudian na botoh do?
Jesus, Jesus ibaen darohMu in pasonang Ham parmateihin

2. Gati legan bai bod ni ari marimbang bai sogod ni in
Ai sanggah au ijon mansari sai tong jagaon ajalhin;
Jesus, Jesus, ibaen darohMu in, pasonang Ham parmateihin

3. Ajari Ham au, o Tuhanku lao mamingkiri ajalhin;
Singatkon Ham bai uhurhu parmateiMu o Jesuskin;
Jesus, Jesus ibaen darohMu in pasonang Ham parmateihin

4. Urupi Ham au pasirsirkon langkahku na i tanoh on
Paingat Ham au mamberehon Bamu, Tuhanku, uhurhon
Jesus, Jesus, ibaen darohMu in, pasonang Ham parmateihin

5. Lambin masihol au hu surge tundalhononku tanoh on
Sai huparayak dompak surge sadokah au i tanoh on
Jesus, Jesus, ibaen darohMu in, pasonang Ham parmateihin

6. Sai sasap Ham ganup dousangku mahitei-hitei darohMu
In ma hubaen gabe hiouhu marayak hasonagan in
Jesus, Jesus, ibaen darohMu in, pasonang Ham parmateihin

7. Padihut au Bamu, o Jesus, uhurhu tong bai uhurhu
Huja pe Ham sai tong au dihut ijon age i surgaMu
Jesus, Jesus, ibaen darohMu in, pasonang Ham parmateihin

8. Age sompong roh hamateian sadarion ?ge patar pe
Seng habiaran be tanoman dob Jesus rupeihin hape
Jesus, Jesus, ibaen darohMu in, pasonang Ham parmateihin

9. On pe sonang ma au manggoluh, matei pe au sonang do in
Hubotoh ipagoluh Jesus au humbai hamateiankin
Jesus, Jesus, ibaen darohMu in, pasonang Ham parmateihin

1. Roh Panambaari na gogoh, in ma Tuhanta Jesus.
Bai Tuhan in ma hita roh, sai malum ibaen Jesus.
Dear ni in barita in, malas ni uhur banggal in.
Sai ipuji uhurhin Jesus, Jesus, Jesus.

2. Ai domma sasap dousa in ibaen na matei Jesus.
Ai seng be jujuronni in, ibaen holong ni Jesus
Dear ni in barita in, malas ni uhur banggal in.
Sai ipuji uhurhin Jesus, Jesus, Jesus.

3. Na parngit bani goluhkon, ibuat Tuhan Jesus
Antong ganup hasomankin, podas ma roh bai Jesus
Dear ni in barita in, malas ni uhur banggal in.
Sai ipuji uhurhin Jesus, Jesus, Jesus.

4. Bani parroh ni Tuhan in, boi idahonku Jesus
Malas tumang ma uhurhin, dob domu au bai Jesus
Dear ni in barita in, malas ni uhur banggal in.
Sai ipuji uhurhin Jesus, Jesus, Jesus.


1. Sai papakis Ham tonduyhu, sai tadingkon ma horumu
Roh ma ho bai haliharon, ase jumpah hasonangan
Ai sonari ho tarontang marpanganon na mapansing
Na manggomgom haganupan sol hu bam do marianan

2. Porlu pardomuonkonmu na pagoluh ho, tonduyhu
Uhurmin sai ihartuki marhiteihon HataNi
Ungkap labahni uhurmu, ase masuk ma Rajamu
Nim: Iankon Ham uhurhu, ulang be tadingkon ahu

3. Sai masihol do uhurhu hubai layakMu na susi
Sai na tangis do uhurhu, MannaMu huhasiholi
Na horahan do tonduyhu hubai darohMu, o Jesus
Na pinindoni uhurhu saor bai Naibata i atas

4. Malas janah hitir-hitir uhurhon, anggo hupingkir
Rusia ni sipanganon na ibagas parpadanan
Ai na dong tardadap uhur, panagang ni na tarsulur
Tonduy Napansing do hansa pabotohkon in hubanta

5. Jesus Ham haholonganku, iparayak Ham do ahu
Manadingkon hasangapon, roh marayak hajolmaon
DagingMu ibere Ham do baen goluh ni tonduyhin do
DarohMu do na maharga, pasalosei ganup dousa

6. Jesus, Ham hagoluhanku, ulang lang adong untungku
Laho mangan parpadanan, ulang au das haliouan
Ulang lang da, arusanku sonin banggal parholongMu
Bani ganup KuriaMu na tinobus ni darohMu


1. Jahowa Naibatanta do, tarbaen batar-batarta
Munsuhta ningon talu do, ibaen parlingodanta
Ai anggo munsuh in, sibolis gorannin,
bajan do akalnin parseda jolma in, seng dong na pag mangkubu.

2. Gogohta seng tarbahen in jadi pangajamanta;
Pinilihni Jahowa in hansa pamonang hita .
Ai ise gorannin na jamin monang in
Tuhanta Jesus in, sigomgom ganup in,
na so bulih lang monang.

3. Gok pe habiar tanoh on, laho mandorab hita .
Ulang mabiar hita on, ai ningon monang hita.
Age manggila pe, sibolis banta bei,
seng habiaran be; Ai ?ge sa hata pe,
kuh do manaluhonsi .

4. Ai Hata ni Jahowa in na dong tarkahuasi;
Tuhanta do sijaga in, ambah ni jabolon-Ni.
Hosahta, arta pe , na dong in banta pe,
iayob munsuh in, uhumi ma hujin,
Tuhanta hasomanta!