1. Naibatangku hasomanku, bai arian borngin pe
Ipatorsa do langkahku, ase tahan au hape
Sai tenger do uhurhin, Naibata hasomankin
Sadokah-dokahni in

2. Naibatangku hasomanku, ge mersitaronon au
Ia do tongtong Bapangku hinaholonganNi au
Sai tenger do uhurhin, Naibata hasomankin
Sadokah-dokahni in

3. Naibatangku hasomanku seng na mumbang au ijin
Sai tongtong hagoluhanku idop ni uhurNi in
Sai tenger do uhurhin, Naibata hasomankin
Sadokah-dokahni in

4. Naibatangku hasomanku na manogu au tongtong
Jolomonni do tanganku sanggah rotap hosahkon
Sai tenger do uhurhin, naibata hasomankin
Sadokah-dokahni in


1. Rap pakon ahu bod ma ari in,
golap pe ari, rap hita Tuhan.
Lang dong na legan mangurupi au,
pitah Tuhanku hasomanku tong.

2. Surut pe umur, ajal pe dohor,
mantin pe goluh, salpu di ganup.
Seng dong na tahan, lang dong na toguh,
Ham na totap rap pakon au tongtong.

3. Ham pangajaman, bani goluhkon,
bai parlajouan, Ham hujolom tong.
Seng jumpah ahu, songon Ham Tuhan,
arian borngin rap au pakon Ham.

4. Seng au mabiar, ai dohor Bamu,
parngit pe goluh, lang borat be in.
?Ge hamateian, lang marsorod be,
Tuhanku na dob puho rapkon au.

5. Baen Han silangMu, tong i lobeihin,
ase mardalan, au bai na lihar.
SondangMu in padaoh na golap in,
Tuhan sai hot ma ham rap pakon au.

1. Sorani Jesusbangku on: ?Sai roh na loja in,
Huporsan ganup dousamin, ?ge sitarononmin?
Na roh do au na loja in, na pusok uhur in,
ai jumpah au bai Jesus in, inanan na sonang

2. Sora ni Jesus bangku on: ?Sai roh ma inum ma,
sirsir bah hagoluhan in, sai jalo inum ma?
Roh do au na horahan in, huinum ma bah in,
Uhurhu pakon tonduyhun jorgit malum do in

3. Sorani Jesus bangku on: ?Au do panondang in,
kawahkon lao do hombun in, ibahen sondang-Kin?
Domma huidah o Tuhan, sondang-Mu na lihar,
langkahku pe totap torang, das bai ujungni in.

1. Iatas ni Onjolan na gogoh na totap,
Na jongjong do Kuria i atas tanoh on
Tuhanta Jesus Kristus, na pajonamkon in
Marhitei pandidion, ampa Hata-Ni in.

2. Ai domma susur Jesus manopot hita on,
tunangan na pinilih na idunia on .
In ma ganup kuria na dab tinobus-Ni n,
marhitei kuasa-Ni, daroh na pansing in.

3. Ipilih humbai bangsa bai sab dunia on,
Kuria gabe sada ibagas Tuhan in.
Sada haporsayaon, sada panginuman,
aima anggur na pansing, ampakon ruti in.

4. Bai ganup parlajouan ?ge sitaronon in,
tongtong ma mangarapkon damei ni Tuhan in.
Se boi ma ham mangidah torang janah sonang,
na monang do kuria bai haganupan in.

5. Kuria sipartonggo na i dunia on,
sada ampakon Tuhan Sitolu sada in.
Ampa halak na pansing janah na monang in,
papuho Ham hanami bai haliharon in.