Home

Details

Hits: 1131

1.Ulu na sab daroh ibaen ugahMu in
Humbani janggar-janggar duri parsilang in
O ulu hatunggungon hinan sihilapMu
Itaron Ham madorun; manombah au Bamu


2. Ham parsinaslas bohi, tarsulur sangapMu
Ai mase ma marposi sab tijur huyumMu?
Ai aha ma halani ?se gombur mataMu?
Na miloh sinalsalni, dob rotap hosahMu

3. Au on talup, o Tuhan manaron sisonin
Dousangku do iporsan Ham natarsilang in
Sai tonggor Ham, O Tuhan, au na ilobeiMu
Anjaha patuduhkon hubangku layakMu

4. Ai Ham do Siparmahan, au pinarmahanMu
Sai Ham do harorohan, goluhku hum Bamu
Sai Ham ma rohoponku mardingat darohMu
Sai Ham jolomanku mardingat ugahMu

5. Malas tumang uhurhu janah sonang tumang
Mardingat pangkopkopMu hubangku na hinan
Lang be huhabiari sonari dousangkin
?ge matei au sonari martuah au ijin

6. Tarimakasih ningku Bamu, ale Tuhan
parmateiMu,tuhanku, mambaen au on sonang
ai darohMu madurus, halani dousangkin
sai jalo au, o Jesus, bani parmateihin

7. sanggah tadingkononku na idunia on
Ijin ale Tuhanku, dapotkon Ham au on!
Bai na gobir uhurhu manrotap hosahkin
Sai jalo Ham tonduyhu bani parmateihin

8. sai Ham parlingodanku, pangapoh uhurhin
Bai rotap ni hosahku, bani parmateihin
Ijin ma dingatonku ganup tinaronMu
Na timbul do tuahku ibaen parmateiMu

Details

Hits: 1131

1. O Jesusku bai ugahMu do roh manombah uhurhon
sai tarpuji sai tarpuji napamalum tonduyhon

2. Bani naheiMu o Jesusku solsolanku dousangkin
Tangisanku tinaronMu ibaen hajahatonkin

3. Bai tanganMu ma tonduyhu sanggah bai parmateihin
Bai lambungMu, o Tuhanku, alop tinobusMu in

Details

Hits: 1131

1. Laho do biri-biri in mamorsan ganup dousa
Ni haganupan jolma in ase maluah hita
Iporsan naboritan in Ibere do diriNi in
hutangan ni pamunuh Itaron do nasahot in
Das bai narotap hosahNi in Nini: ?sai porsanonKu?

2. Ai anggo biri-biri i, in ma huan-huanku
Napaluahkon tonduyhin, isuruh Naibatangku
Ai nini dompak AnakNiin:?parayak ma dousa in
Na dob pinapaanku, banggal tumang do ringiskin
Tapi tarbaen mahombun in pangkorhon ni darohMu?

3. Na ra do au alo Bapa, humbai gokni uhurhu
Padas rosuhMu, ?ge huja, ai gok Bamu tumang do,?
O holong ni ateiMu in! Tor ahama usihan niin,
Na songon Ham margogoh?ibere Naibata hape
AnakNi lao manaron in, taronon ni namagou

4. Sadokah namanggoluh au, sai Jesus ingatonku;
Ganup nabangku binaenMu, hataMu pasaudonku
Ham sol haholonganku do, jaha ihuthononku do
Bai dalan hagoluhan, ningon mBamu namando au,
Manggoluh barang matei ahu, sai Ham do jolomanku

5. O Tuhan, hinajengesMu, na lao ondoskononku
Jesus, sai jalo Ham au on, pasiat Ham pamujingkon
Baen sangapni goranMu. Hu surga in paondos au
Marhitei-hitei darohMu, intan ni sihilapku

Details

Hits: 1131

1. Ham do Jesus parlinggoman, pasangapkon tonduyhin.
Rusiani sipanganon ruti pakon anggur in.
In do gabe parhiteian daging ampakon darohMu.
In ma tonah ni Tuhanku lao mardingat GoranMu.

2. Ham do Jesus ihutkonon bani hasirsironMu.
?Ge buei pe parlajouan sanggah Ham i tanoh on.
Paruntolan dageionMu ronsi das bani silangMu.
?Ge dob das bai parunjungan seng ra lupa au Bamu.