Home

Details

Hits: 1724

1. Pohu ho o tonduyhin, puho lao martonggo
Ase ulang munsuhmin, roh na so binotoh.
Akal ni setan in do manipu jolma, paruhur na bonar

2. Puho ho na modom in, na ibagas dousa;
Ase ulang halaniin ho marutang hosah;
Air sompong, tor julong, roh ma parlajouan bai na so marjaga

3. Puho, ai na so tarbaen tonduy ni Jahowa
Manorangi ho, mambaen sirang humbani dousa?
Ningon do puho ho, ase bereonNi dear ni layakNi

4. Puho, jaga uhurmin, ulang ikahouhon
Hisap ni uhurmu in, janah italuhon;
Gijang ni uhur ni gatian marhala pangalopan salah

5. Sai martonggo ho gogoh, ase sau maluah.
Humbai dousa haganup, ase ho martuah;
Jesus do na gogoh, na boi manaluhon haganup pangagou

6. Halaniin sai dilo ma Goran ni Tuhanta
Na binaen ni Naibata parsigantunganta
Teleng do dompak ho pinggol ni Jesusmu saud na pinindomu

7. Halaniin, totap ma da sai martonggo hita
Bai Bapanta Naibata I nagori atas
Lambin do sai dohor parroh ni Tuhanta manguhumi jolma

Details

Hits: 1724

1. Usih bai gilumbang in sanggah haba-haba
Roh ni parlajouan in lao mandorap hita
Haporusan sada do, hatundalan sada do
Kristus Tuhan napaluahko au

2. Anggo lang taridah be bintang pakon bulan
Pangahap ta golap pe, ise haporusan?
Seng dong tinandaan be sobalikkon Jesus in
Kristus Tuhan na paluahkon au

3. Bai na laho matei au, sai holong ateiMu
Ulang sompat harom au hu nagori toruh
Sai surdukkon tanganMu dompak au tinobusMu
Kristus Tuhan na paluahkon au

4. Salpu hamateiankin, roh ma hagoluhan
Pujionku ma ijin layakMu o Tuhan
Sadokah-dokahni in, Ham ma sai pujionkin
Kristus Tuhan Ham sipaluah au

Details

Hits: 1724

1. O Hasoman na tarhurung, bani pardousaon in.
Hagoluhan na sumurung, siambilankonkin.
Ipatidak Naibatanta, holongNi ateiNi in.
Ai isuruh do AnakNi baen hagoluhanta in.

2. Hatundalan do AnakNi, na roh hu dunia on,
Paluahkon humbai dousa hita na madursat on.
Jesus Kristus in do goran ni hatundalanta in;
Ai Tuhanta do manaron utang ni pardousa in.

3. Jesus Kristus do manogu au hu hasonangan in;
Iarahkon do tonduyhu bai hasangaponNi in,
Ase ulang be madorun au na pusok uhur on,
Janah lang dong be mandorun na pajutkon uhurhon.

4. Ia roh pe hamateian, Jesus do mangapoh au.
Roh pe ari paruhuman, Jesus mangkahui au;
Aha be habiaranku? Jesus hatundalankin;
Ai ma ase pujionku holong ni ateiNi in.

Details

Hits: 1724

1. Mase ham sai tong holsohan, janah sai mabiar ham?
Hasabarhon sitaronon, na dop sogop in hubam

2. Sai pindahi ma artamu, na so bolas buruk be
Sai tundali na masambor, ase sonang ham use

3. Sai porluhon manrotapkon, hauhuron tanoh on
Surga in sai tong uhurhon, sanggah ham i tanoh on

4. Sai nunuti paulakkon, uhurmin bai Naibata
Sai gomosi ma manjolom, Jesus Kristus Naibata

5. Guru bani Naibatanta, bahen ham panlangkahmin
Amen, amen, sai sangap Goran ni Tuhanta in