1.Pusok uhurmin, dilo Tuhanmin, na bujur gogoh mangurupi

2. Marhoru pe ham, na i tanoh on, sai dilo Tuhanmu pangapoh

3. Borat pe ganup, hampung do use, bahenon ni Jesus parlayak

4. Ai tuk gogoh-Nin, mangurupi ham, sitarononmin ipamalum

5. Manaron pe ham, sai tahan ma ham, na sonang ma ham ibaen Jesus

6. Basar Tuhanmin, lamlam hata-Nin, mambere hu bam hasonangan

7. Parrupei do ham, bai ujungni in, hu hasonangan na i srg


1. Haleluya! Na puji ma salakSi hansa Naibata sitompa haganupan
Ai holongni ateiNi in, gogohni pe jombut do in sai ningon dodingkonon

2. Haleluya! Na puji ma na susur humbani Naibata, in do hansa AnakNi
Na matei ibaen dousa in, paturei hagoluhan in, ningon dodingkononta

3. Haleluya! Na puji ma panondang humbai Naibata, sinuruh bai uhurta
Pangapoh na taranjuk in, ihutan pangajari in, ningon dodingkononta

4. Haleluya! Bai Bapa in, bai Anak ampa Tonduy in, puji-pujiannami
Bamu ma hamogahan in, ampa hamuliaon in, ibere uhurnami


1. Jesus roh hanami on mangirikkon parentahMu
Roh na etek-etek on HataMu sol dalanonkon
Ningon hu Bamu bobanon lao manjalo parpadanan

2. Maraloling hata on tong ibagas uhurhon
Barang ise na ijon ningon tubuh dua hali
Tubuh ampakon hum babou ase ulang dong be magou

3. Halani in tarudu do parroh nami on o Tuhan
Ase ondos ma Bamu poso-poso on ganupan
Hagoluhan ma rupeini janah gok Bamu dirini

4. Burih Ham tonduyni in bani darohMu o Jesus
Baen pansing uhurni in sura-suraMu ma saud
HapintoronMu ma bani anakMu ia homani

5. Parmahani on tong-tong Ham parmahani kuria
Jalo Ham goriMu on baen susi pintori ia
Damei bere bai uhurni ronsi haporsayaonni

6. Ondos ma hu lobeiMu Jesus pangindoannami
Togu ma das huBamu haganup niombah nami
Ampa goranni in o Tuhan hubai buku hagoluhan


1. Sai hinsah, sai gogoh, sai hinsah mardalan ho.
Zion hunagori atas, tongkin pe ulang ho soh.
Suluhmin baen marsinalsal! Bai na lihar in mardalan ho
Sai na hinsah sai gogoh

2. Taron ma, ho sion, taron namasahit in;
Hata-hata parlajouan, ulang habiari in.
Tatap rudang hagoluhan! Bai paroh ni hasunsahan in
Taron ma, taron ma

3. Tundal ma, tundal ma, tundal ma dunia on;
Hasangapon i parbagah, ulang tatap tanoh on
Ulang sombah begu-begu! Halilian na binahenni in
Tundal in, tundal in

4. Uji ma, uji ma. Sion uji tonduy in,
na tongtong mangojur ho mambaen dousa in.
Sai suhutkon bai Tuhanmu! na pintor atap geduk pe in.
Uji ma, uji ma.

5. Torus baen, torus baen. Sion torus uhurmu
Mamingkiri hasonangan binahenni Naibata
Sai simbili hamagouan, Sion sai timbangi dalanmin
Torus baen, uhurmin

6. Pakei ma, pakei ma, pakei gogohmin ganup,
Patidakkon na marholong uhurmin bai Jesus in,
Na marsinta ho, o sion mangarikkon ganup hata in
Pakei ma gogohmin.

7. Golom ma, golom ma, Sion, golom bujurmin.
Sai tongtong ma ho margogoh lao mangimbangi munsuhmin.
Seng daoh be ho hu surga asal monang bai ujungni in
Bujurmin, golom in!