1. Martuah do namarhaposan, bai Naibata Bapanta in
Ai in do nadapot pangapohon, bai ganup sitaronon in
Seng borsik be onjolan in, na mangkaposi Tuhan in

2. Ai anggo sai holsohan hita ai aha ma guna ni in?
Anggo borat tongtong uhurta mardingat sitaronon in
Tor in ma mangkurangi in? Sai tambah do pangkorhonniin

3. Halani ai, pasoh ma lobei janah palamlam uhurmin
Manonggor atap ra ham holi mangunduk bai Naibatamin
Ai Ia do mamilih ham, ibotoh do naporlu bam

4. Ibotoh Jesus adangan ni, mambaen hamegahonta in
Asal ganup hita haposan, ulang marladung be ijin
Itongos do na jenges in, na so agak ni uhur in

5. Ulang uhurmu mangagakkon, ham itadingkon Naibata
Janah na so marsitaronon in do iabing Naibata
Barang sintong pikiranmin, ujungni patandahon in

6. Urah do anggo bai Tuhanta, marguru bai rosuhNi in
Na bayak boi pasombuhonNi, janah byak na sombuh in
Longang magira uhurmin, mangidah pambaenanNi in

7. In pe haporsayai ma Tuhan, bujur horjahon rupeimin
Sai Ia ma tongtong irikkon, ajamkon panumpakNi in
Na mangajamkon Tuhan in, seng anjai boi tartadin in

1. Sai puji ma Tuhan tongon, na marmuduhon goluhta on.
Dodingkon ma goran-Ni tongtong na manobus hita pardousa on.
Amen, haleluya, sai puji Tuhan Naibatanta na sangap in.

2. Seng dong songon-Si i tanoh on, na mangurupi hita tongtong
Ihopkop do ganup hita on, seng adong na tading humbanta on
Amen, haleluya, sai puji Tuhan Naibatanta na sangap in.

3. Halani ai sai jalo ma in, panghopkop ni Tuhan Jesus in
Ulang parsoya-soya be in, haluahon nabinoban-Ni in
Amen, haleluya, sai puji Tuhan Naibatanta na sangap in.

1. Pardalanan ni goluhta,
gatinan marhamaholan.
Halanin sai roh ma hita,
patugahkon bani Tuhan.
Sadar bei ma hita on,
ingat ma Jesus Tuhanta.
Sai sora-Ni ma tangihon,
ase sonang ham mardalan.

2. Hata-Nin ma baen tungkotmu,
bani dalan na malandit.
Sinalsal ni baen suluhmu,
pasiangkon na malotir.
Sadar bei ma hita on,
ingat ma Jesus Tuhanta.
Sai sora-Ni ma tangihon,
ase sonang ham mardalan.

3. Sanjongkal pe lang mapintor,
santopak pe tang matorang.
Ningon Jesus panungkunan,
ase boi das bai tujuan.
Sadar bei ma hita on,
ingat ma Jesus Tuhanta.
Sai sora-Ni ma tangihon,
ase sonang ham mardalan.

4. Nasiholan bani damei,
Tuhan Jesus ma pindahi.
Ase goluh ganup ari.
Tuhan ma mangkasomani.
Sadar bei ma hita on,
ingat ma Jesus Tuhanta.
Sai sora-Ni ma tangihon,
ase sonang ham mardalan.


1. Bossala sai mandoding megah tumang
Na lao salpu ma borngin gantih siang
Tuhan Raja panggomgom tanoh on
Hu Bani mamarondos hita on

2. domma lihar panorang borngin pe lao
Kuasani hagolapan domma tinop
Kristus do haliharon puho ma
Ai domma italuhon na golap

3. ai ipapuho hita na modom in
Dai holong ni Tuhanta sai jalo in
Ai Ia do panondang na lihar
Oloskon ma mardalan sai hinsah.