1.Na roh hun datas do au on, ambilan na madear do.
Anjaha na jenges tumang hu boban bani nasiam.

2. Domma tubuh saborngin on, anak ni anak boru on.
Anak na majenges tumang, baen hamegahon nasiam.

3. In ma Tuhanmu, Kristus in, manlangkon hadorsaon in.
Sibere tuah hubamu, pakon sisasap dousamu.

4. Iboban hagoluhan in , siluah ni BapaNi in.
Ai sol bai HarajaonNiin, paulakonNi jolma in.

5. On ma tanda ni torih ham; bai harang in ma dapot ham,
Tibal bai panggagatan do, janah na binalutan do.

6. Sonin ma da ambilan in, tinongos bai parmahan in;
Bai haganupan jolma pe, itongos Naibata ope.

7. On pe uhurhu, tanda ma, ganupan in patangkas ma;
Ai ise na dob tubuh in? In ma Jesus, huanta in.

8. Diatei ma Ham roh Tuhan, sombuhku iayaki Ham,
Maharga bai uhurMu in, au jolma na tarbuang in.

9. Longang tumang do uhurhin, mangidah paridopMu in;
Ai gok Bamu pe tanoh on, dihut do Ham bai sombuhkon.

10. O Jesus, haholongankin, masuki pakon uhurhin;
Pamisir Ham hunjin payo, na ra mangagou au alo.

11. Haleluya, Haleluya! Domma roh banta Naibata.
Martuah hita baenon Niin, sadokah ni dokahni in.



1. Borngin na Mapansing in tuah do binoban Min.
Ai itongos Naibatanta do AnakNi jadi jolma
Halanin na puji ma na roh humbai Naibata.

2. Haganup pardousa pe seng tarbuang be hape;
Ipaluah Jesus hita humbai haganup dousanta.
?Ge na golap in hape, ipalihar Jesus le.

3. Sangap ma bai Tuhan in, na mamboan damei in.
Na mambahen manisia roh ni Naibata.
Borngin na mapansing in, in do na binobanMin.


1. Napansing napansing Tuhan parkuasa,
Arion hanami mamuji naibata.
Napansing napansing janah marjumbalang
Sitolu sada na sangap tumang.

2. Na pansing, na pansing hotakMu i surga,
Halak na mapansing manrogop hu Bamu.
Haganup malekat sai mamuji Tuhan,
Raja na sangap sadokah ni in.

3. Na pansing, na pansing na seng boi tandaon
ni ganup pardousa na butak na golap.
Gok hapansingonMu, Ham do parkuasa,
gok haholongon, Ham o Naibata.

4. Na pansing, na pansing Tuhan parkuasa,
Ningon do pujion ni na tinompaMu.
Na pansing, na pansing janah marjumbalang,
Sitolu sada na sangap tumang.


1.Puho ma parbegu-begu,ase lihar nasiam
Ai na poltak i baboumu,do panondang nasiam
HAgolapan nima in, isondangi Jesus in

2.Na ponop na sain dokahni uhur ni Tuhanta in
Seng ibotoh tinompaNi dalan hagoluhan in
Ai na kahou do jojor bani dalan na seor
3.Salpu do nuan bornginni, binsar do panondang in
Domma roh haliharonNi bani ganup jolma in
Sai maluah nasiam humbai golap nasiam

4.Jesus,sondang ni Tonduyhu,na palihar haganup
Sai paubah Ham uhurhu humbai dousa haganup
Tarik ampa uhurhon bai na lihar in tongtong

5.Bai parrohMu in,Tuhanku,ningon manondangi au
Ase tong sonang uhurhu `ge pe laho matei au
Barang aha pe na roh,sonang au Bamu ondos

6.Togu Ham ua,o Tuhanku das bai iananMu in
`Se magira idahonku Ham i hasonangan in
Pujionku Ham ijin sadokah-dokahni in