1. Mase ham sai tong holsohan, janah sai mabiar ham?
Hasabarhon sitaronon, na dop sogop in hubam

2. Sai pindahi ma artamu, na so bolas buruk be
Sai tundali na masambor, ase sonang ham use

3. Sai porluhon manrotapkon, hauhuron tanoh on
Surga in sai tong uhurhon, sanggah ham i tanoh on

4. Sai nunuti paulakkon, uhurmin bai Naibata
Sai gomosi ma manjolom, Jesus Kristus Naibata

5. Guru bani Naibatanta, bahen ham panlangkahmin
Amen, amen, sai sangap Goran ni Tuhanta in


1.Sai roh ma bai harang i Betlehem on,
Ganup na porsaya podas ma hujon.
Manonggor hamegah ni uhurta in,
Tinongos Bapa na i surge in.

2. Sai tonggor hanima ma bai harang on,
Ai tubuh Dakdanak, ijon borngin on.
Jenges do rupaNi , mataNi torang,
Sai torih ma Ia, ho jadi siang.

3. Megah si Maria ?pa si Josep in,
Mangidah Dakdanak, na dob tubuh in.
Manombah hu bani do parmahan in,
I babou mandoding do parsurga in.

4. Manrogop hanima ganupan ale,
Maniru parmahan manombah use;
Mandoding hanima megahkon ijin,
Usihi malekat na hun babou in.

5. Hatahon; Ham Anak ni Naibata in,
Roh Ham roh hun datas ibaen idopNin.
Bannami ganupan na mardousa on,
Mambaen haluahon bannami tongtong.

6. Tor aha ma nani na baen molosMu,
Bereonkonnami hamegahonMu?
Ai omas ?ge pirak seng sihol Bamu,
Ai uhur na pansing do harosuhMu.

7. Antong uhurnami bereanMu in,
O Jesus Tuhanku sai jalo Ham in.
Pansing janah sonang baen Ham uhurhin,
Tongtong ma mardomu bai uhurMu in.


1. Martuah do hasoman na sajabu, marhasomankon Tuhan Jesus in
Na mangirikkon Jesus sai maradu, na so marholang na martonggo in
Ai sai tong do holong ateiNi Bani, manungkun rosuhni uhurNi in
Janah tontong manungkun bai HataNi, ibaen ganupan parlahouni in

2. Martuah ma daboru ge dalahi, sisad uhur bani Jesus in
Na rap marholong atei bai Tuhanni, namarujahon hatuahon in
Niondoskonni holongni ateiNi hubani halak na porsaya in
In do hatengeronkonni uhurni, barang sonaha pangandungan niin

3. Martuah na satangga, pangajari bai dakdanakni, ase tong bujur
Na so marparontian, lao manonggohon haganup bujur
Hubani Jesus, ase tong Tuhanni, mamasu-masu haganupan in
Janah ibere holongni ateiNi, mambobahonsi hu lambungNi in

4. Martuah do ganupan na sajabu, na malas uhur tong ibagas Ham
O Jesus, na rosuh mamasu-masu parholong atei in ibagas Ham
Martuah ma tongon ganup sidea, age mardondon hasunsahan pe
Ai sai iapoh Ham tongtong sidea, ronsi itoguh Ham bai rumahMu

1. Puji ma Naibatanta bai ianan Na PansingNi in, Bai paratas hamuliaonNi in
Haleluya, Haleluya Puji ma Naibata.
Pasangap ma goranNi halani pambahenanNi in, Ampakon hagogohonNi in
Haleluya, Haleluya pasangap Naibata
Pahata ma tarompit ge arbab pe, irandu pakon gondrang husapi pe
Irik homa sarunei ge sordam pe, sonai ampakon ogung marolol bei
Puji ma rumbuk ma baen parhata ni parugas in
Sombah ma marhiteihonni doding na lurlur ijin

2. Puji ma Naibatanta Sipargogoh na tarsulur in, Parsimada harajaon in
Haleluya, Haleluya Puji ma Naibata
Pasangap ma goranNi, ale ganup na marhosah in, Ningon rup ma mamuji ijin
Haleluya, Haleluya Pasangap Naibata
Pahata ma tarompit ge arbab pe, irandu pakon gondrang husapi pe
Irik homa sarunei ge sordam pe, sonai ampakon ogung marolol bei
Puji ma rumbuk ma baen parhata ni parugas in
Sombah ma marhiteihonni doding na lurlur ijin