Home

Details

Hits: 1586

1. Hupuji holong ni ateiMu, o Tuhan Jesus Rajangkin.
Bamu huondoskon tonduyhu, ai do na pinindoMu in.
Huhalupahahon ma diringku mamingkir holong ni ateiMu.

2. Sai ipindahi Ham do ahu, Ham pe huhasiholi do.
Itogu uhurMu uhurhu halani ai hubere do;
Ipilih Ham hinan tonduyhu , ai pe hupilih Ham Tuhanku.

3. Huahap maningon mar-Tuhan, ningon manggoluh au Bamu;
Seng jumpah au be hagoluhan , anggo seng pinasirsirMu;
Sai Ham na baen parsarananku, sai gok bamu mando langkahku

4. Bamu sadokah ni dokahni, au on o Jesus Tuhankin;
Ham ma lah haganup ompungni, gogohku pakon artangkin;
Ai iberehon Ham darohMu, manggalar utang ni dousangku.

5. Ai domma au iparjabolon, sibolis pakon dousangkin,
Diatei ma Ham roh o Tuhan, manaron uhum bangku in;
Itaron Ham do hamateian, mambahen bangku hagoluhan.

6. O Jesus, GoranMu uhirhon, bagas, torang bai uhurhon;
Ase tarsurat ilobeihu holongni ateiMu tongtong;
Hatangku ampa parlahouhu, ningon ipuji do GoranMu.

Details

Hits: 1586

Laho luar masuk pe, Jesus Ham hasoman name.
Pasu ?pasu hanai bei pakon pargoluhan name.
Togu Ham hanai o Tuhan, das hubani hasonangan.

Details

Hits: 1586

1. Jerusalem! Ham huta na ginjang. Sai sol bamu au on.!
Malungun au, janah siholan au. Siholan marayak Ham
Daoh humbani tanoh ?ge laut hombun in.
Hu babou ni ganupan, mardalan uhurhin

2. O ari in, na lihar in botul, antigan tingkimin?
Ase ijin marolob-olob au, dob ondos tonduyhin
Bai tangan ni Tuhanku simada in hinan
Ondos tuah hubangku i surge na sonang

3. Lang be dokah na lao ma tonduyhin, marayak surge in
Tading ganup na dong i tanoh on, torang ma langkahkin
Ai suruh-suruhanNi isuruh Jesus in.
Iabing bai tanganNi au rinobusNi in

4. Jerusalem, masihol au bamu, sai ungkab labahmu
Dokah tumang siholhu hubamu, sanggah bai goluhkon
Na gok bai hamarsikon janah doyuk homa
Sanggah nape hujalo rupeihu na tongtong

5. Ai ise do ganup na das hujai marhasangapon
In ma tongon na monang in hinan, na roh hun tanoh in
Sai sonang do sidea na marsotali in
Humbai na daoh huidah na lao jaloonkin

6. Kristen buei sonai ?ge nabi pe, ampa apostel in
Ijia do sai iporsani bei hayu parsilang in
Nuan marhaluahon marhasangapon rup
Ai bani haliharon huidah haganup

7. Dob ai use, dob ondos au hujin, masuk hu surga in
Nabatangkin rap pakon Jesuskin, huidah ma ijin
Ijai pe timbul tuah, malas ma uhurhin
Mandoding : Haleluya! Bai na mapansing in

8. Eta ganup! Ai rap mandoding do ganup i surga in
Sarunei pe ampakon gonrang in, marhata do ijin
Ai Naibata ipuji ?ge Tuhan Jesus in
Ampa Tonduy Napansing mambaen sangapNi in

9. Ham ma tongon ituju uhurhon, Ham huta na gijang
Sobalan au nuan I tanoh on, sai hupaarsinta Ham
Ganup tadingkononku na laho magou in
Ase parayakonhu hutangku, surge in

Details

Hits: 1586

1. Jesus, Raja ni Kuria, na pansing janah porsaya.
Pasu-pasu Ham au on.
Sai papuho Ham uhurhu, mangirikkon Ham Rajangku,
Pargogohi Ham au tong, pargogohi Ham au tong.

2. Tonduy Na Pansing ma here,
roh bai uhur ni kuria bai ganup dunia on.
Ase tong sada uhurni, gembit merap pe halakni.
Pasangapkon Ham tongtong, pasangapkon Ham tongtong.

3. Pangku-Mu paluah Ham ma humbai begu-begu setan,
pakon uhur daging in
Ham tumang ma, ale Tuhan malas uhur ni humpulan.
Na manjujung Goran in, na manjujung Goran in

4 . Ganup na i paruj ian na manaron parsahita n,
sai kawahkon Ham ganup.
Sai patoguh Ham uhurni mangundukkon tinaronni.
Ase sai marbuah in, ase sai marbuah in.

5. Sai pauli Ham Kuria,
?se harosuh-Mu isura haganup pagori-Mu;
Halak na toruh maruhur na magigi bai na sambor.
Sibalosi hata-Mu sibalosi hata-Mu

6. Ai harga lumang hanami na tinobus-Mu ganupan,
ingal Ham hanami on.
Togu Ham hanai , 0 Tuhan humbai lombang hasunsah an.
Hu nagori atas in, hu nagori alas in.