Home

Details

Hits: 1575

1.Satahun use ma surutni, surut homa ma umur hin.
Naha do au na sain dokahni, margagan do parlahouhin?
Ganda do haporsayaonku, `ge holong ni ateihu pe,
Bai Jesus pakon Naibatangku, `pa bai hasomankin ale?

2.Ambit jabapon Naibatangku, tarbador do au ra ijin,
Mardingat lanjur ni uhurhu pakon ganupan gabeihin.
Ai dousa do ijamah tangan, gok dousa `pa uhurhu pe.
Naheihu, mata `pa pamangan, ganup marpipot do hape.

3.Porini matei au sonari, huja ma nani tonduyhin?
Bai hasonangan holi nani rap pakon na mapansing in?
Mamuji Naibata do ahu, ibaen holong ni ateiNi in.
Atap na hona uhum ahu bai apuy na son miloh in?

4.Dousangku seng tarbilangi, hubaen sain dokahni in.
Na dong tarhira be layak ni Tuhanta Jesus na dob in.
Seng ibalaskon Ham, Tuhanku, hu bangku songon dousangkin.
Lumbang do uhurMu hubangku paidah-idah gabeihin.

5.Halani ai ma`se hupuji layakMu in sadari on.
Ai na patibal rujiruji, sai na tarlobih do in tong.
O Jesus, na marholong atei! Ningon hupuji GoranMu.
Ai Ham do hapeni na pandei mambere bangku layakMu.

6.Holong ma ateiMu hubangku, mangkasomani au ijon.
Paondos Ham hu surga ahu bai parrotap ni hosahkon.
Na ra do ahu mangihutkon HataMu, `sai manggoluh au.
Malas uhurhu pararathon baritaMu ronsi daoh.

Details

Hits: 1575

1. Laho do biri-biri in mamorsan ganup dousa
Ni haganupan jolma in ase maluah hita
Iporsan naboritan in Ibere do diriNi in
hutangan ni pamunuh Itaron do nasahot in
Das bai narotap hosahNi in Nini: ?sai porsanonKu?

2. Ai anggo biri-biri i, in ma huan-huanku
Napaluahkon tonduyhin, isuruh Naibatangku
Ai nini dompak AnakNiin:?parayak ma dousa in
Na dob pinapaanku, banggal tumang do ringiskin
Tapi tarbaen mahombun in pangkorhon ni darohMu?

3. Na ra do au alo Bapa, humbai gokni uhurhu
Padas rosuhMu, ?ge huja, ai gok Bamu tumang do,?
O holong ni ateiMu in! Tor ahama usihan niin,
Na songon Ham margogoh?ibere Naibata hape
AnakNi lao manaron in, taronon ni namagou

4. Sadokah namanggoluh au, sai Jesus ingatonku;
Ganup nabangku binaenMu, hataMu pasaudonku
Ham sol haholonganku do, jaha ihuthononku do
Bai dalan hagoluhan, ningon mBamu namando au,
Manggoluh barang matei ahu, sai Ham do jolomanku

5. O Tuhan, hinajengesMu, na lao ondoskononku
Jesus, sai jalo Ham au on, pasiat Ham pamujingkon
Baen sangapni goranMu. Hu surga in paondos au
Marhitei-hitei darohMu, intan ni sihilapku

Details

Hits: 1575

1. Ai domma jumpah au ondolan ni tonduyhin na magou on
Daroh ni Jesus do manahan sadokah ni dokah ni in.
Maseda pe dunia on, tongtong togap ondolan on.

2. Ai ipaherbang do tangan-Ni lao mangalehon jolma on.
Halani holongni atei-Ni bai hita sindudia on
Na roh ampakon na so roh, ganup sol toguon-Ni do.

3. Ulang maseda hajolmaon, ninuhur ni Jahowa in;
Isuruh do bai hajolamon, Anakni Sipagoluh in.
Sai ihartuki Hata-Niin do labah ni uhurta in.

4. Domma mogap ganup dousanta bai darohni Tuhanta in.
Ai anggo porsaya do hita seng bulih hona uhum in.
Ibaen hata ni daroh in na mangkahui jolma in.

5. Halani ai unobkonon ma dousangku bai paridian in.
Hupasasapkon ma dousangku bai Jesus Sipagoluh in.
Anggo manolsol diri au bai Jesuskin tongtong au lao.

6. Ondolan on ma iananku, sadokah au itanoh on.
Sai in ma hagoluhkononku paima rotap hosahkon.
Tongtong do sipujionkin Tuhanku, Sipagoluh in.

Details

Hits: 1575

1. Barah ma jumpah, parrohni Jesus hu banta on.
Mamboban upah, bai na porsaya i tanoh on
Manggoki padan ijin
Usih do songon panangko borngin parroh-Ni in.
Seng marpanrattam, seng dong na botoh andigan in
Tagam ma parroh-Niin!

2. Totap ma hita, sirsir paimahon parroh-Ni in
Janah puho ma, ungkab uhurta manjalo In
Gok minak baen suluhmin
Ase dear ma, marjaga-jaga hita ijin
Ulang tartunduh, sinok tarpodom bai tingki in
Tagam ma parroh-Ni in!

3. Humbai sonari, porluhon hita ma Hata on
Ai do tandani, na dob sirsir hita na ijon
Paimahon parroh-Ni in
Marpingkir bei ma! Ulang tarlalap i tanoh on
Marhobas bei ma! Ai ningon saud do Hata on
Tagam ma parroh-Ni in!