Home

Details

Hits: 1554

1. Hanima na porsayain, sai alo alo Jesus in,
Pahinsah uhur nima.
Dohor ma ari pesta ni ganupan Kuria Ni in
Bai ari partubuh Ni.
In pe laho ma hanima baen adatni manjalohon,
Namarayak hajolmaon.

2. Marmegah-megah uhur ma , sagala na bujur homa,
Lao mangirikkon Jesus.
In pe rombang patidak ma,megahmu bani Naibata,
Pasaud ma harosuhNi.
Puji, puji Jesus Kristus na manobus tonduynima,
Humbai hamagouannima.

3. Lungkari uhurnima bei, ingati dousanima bei,
Porluhon uhurnima.
Tarima Sipagoluh in, ai turun do hun surga in,
Manggalar utangnima.
Tanda hata hagoluhan na binoan ni Tuhanta,
Pasaloseihon dousanta.

4. Ai anggo lang iboban ho,dousamu bani Jesus roh,
Seng saud be ho maluah.
Tongtong ma sogop ringis ni Jahowa, Naibatanta in,
Hu bam na pag manahan.
Patut, ganup dousa pakon hinasambor ni uhurmu,
Pasasapkon bai Tuhanmu.

5. Jahowa, holong ateiMu, kawahkon ma kuriaMu,
Sai togu uhurnami.
Bai Jesus Kristus, Anak in, na roh hu manisia in,
Mambahen tuahnami.
Lanjar, bujur baen hanami mandalani bai na sonang,
Das bani nagori atas.

Details

Hits: 1554

1. Marujung ma nuan saminggu parlayakMu na dong sonin
Songon binereMu hubangku pasuMu in bai uhurhin
Sonin ma ge hulobei on, sai Ham manongos in tongtong

2. Hupuji Ham o Naibatangku tarima kasih ma Bamu
Ibaen pambereMu ganupan hubangku ai hubotoh do
Megah do Ham bai dodingkin marhitei-hitei Jesus in

3. Tongon sai dong pe na hutaron ilopas Ham saminggu on
Itumpak Ham do au manaron ase bai hadearon on
Ihorhon na hutaron in sai GoranMu pujionkin

4. Nuan adong pangindoanku na porlu sibereonMu
Sai ulang dingat Ham dousangku, holong ma Ham manguras au
Marhitei-hitei daroh in na dob manggalar utangkin

5. Seng mubah hataMu hubangku totap do bagah-bagahMu
Ai pagoluhonMu pardousa anggo marhoru uhurniin
Janah iboan dousa in bai Jesus Sipaluah in

6. In ma ginolom ni uhurhu bani haporsayaonkin
Ase malas nuan uhurhu lao paujungkon minggu in
Ai domma sonang uhurhin ibaen pangarapanni in

7. Lambin martambah ma umurhu lambin madohor ma homa
Arini lao tadingkononku dunia on marayak Ham
Tagam hinan baen tonduyhin, marayak hasonangan in

8. Anggo dob puho ahu sogod bai ari Minggu na roh in
Megah uhurhu laho bongkot hubagas parmingguan in
Ai jaloonku ma ijin Ambilan na mapansing in

9. Dob-dob hinan ma lah hupuji na sihol bereonkonMu
Hubotoh do pangkaholongi ni Ham age hupudi on
Hu Surga au itogu Ham, sonin ipingkir Ham hinan

Details

Hits: 1554

1. Piga bintang na i langit, domma i bilangi ho,
Piga hombun na mardalan, ongga do i hira ho
Naibatanta do mamilang ganup bintang na mar-
linang ulang magou age sada, ai ganup do in harga

2. Piga porkis na manggoluh na iatas tanoh on?
Piga ihan namanggoluh bai ganup dunia on?
Naibatanta manandasi haganupan bilanganni,
Naibata do na manompa ronsi porkis hape da

3. Piga anak pakon boru na i atas tanoh on,
Na hotop marguro-guro i alaman in tongtong?
Megah uhur ni Bapanta bani haganup sidea
Sai holong tumang ateiNi na mangidah hita da

Details

Hits: 1554

1. Jesusku na manobus ahu sai sol haholonganku Ham
Hu dolog Golgata ham laho, i ojur holong ateiMu
Hu puji idop uhurMu tarlobih holong ateiMu

2. Sai tong manosal do uhurhu, mangidah marsikMu ijin
Mardingat haganup dousangku, ai in do tinaronMu in
Hupuji idop uhurMU tarlobih holong ateiMu

3. Gati huparnalang, o Tuhan, Ham na pagoluh tonduyhon
Mabiar au lao manaksihon Ham na mangkopkop au tongon
Hupuji idop uhurMu tarlobih holong ateiMu

4. Uhirhon Ham ma bai uhurhu, tinoronMu mangkopkop au
Hujin sai togu Ham uhurhu, sai tong guru Bamu ma au
Hupuji idop uhurMu tarlobih holong ateiMu