Home

Details

Hits: 1581

1. Na salpu do arian in hupuji Ham o Tuhankin.
Ai das hubai bodarion, layakMu in bannamion.

2. O Tuhan, holong ateiMu tambahi Ham ma layakMu;
Sai sasap Ham ma dousangkin o Jesus, bai darohMu in.

3. Ramoti Ham au borngin on, pasonang Ham ma uhurhon;
Sai suruh Ham suruhanMu na sai tongtong manjaga au

4. Dobkonsi puho au use paingat Ham uhurhu pe.
Mamuji-muji GoranMu, ?ge pararatkon sangapMu.

Details

Hits: 1581

1. Ingaton ma sadarion parnaikni Tuhanta
Hubai hotakNi natongtong na so tarbaen maseda
Nasombahma Tuhanta in,
namulak bai BapaNi in pujimalah Ia

2. Ai doma mungkap dalan in bai halak na porsaya
Lao mamasuki surga in lopas ma nadorsa
Napatut magonai in bai ganup sipardousa in
Napuji ma Tuhanta

3. Marmegah-megah ho botul bai Jesus in, Tuhanta
Paubah uhurmin bujur, ihutkon ma lah Ia
Irikkon ma hataNi in, usihi pambahenan Ni in
Sadokah ho manggoluh

4. Na roh do use Tuhan in bai ari paruhuman
Idabuh ma parjahat in bai apuy na so miloh
Tapi halak parpintor in, ganup haholonganNi in
Husurga bahenonNi

5. O Jesus Tuhan nami on, holong ma Ham bennami!
Kawahkon Ham hanami on bai paruntotlonnami
Patoguh Ham hanami on, tumpaki Ham monang ijon
Torus ronsi magira

Details

Hits: 1581

1. Humbai hurungan ni dousakin,
roh au Bamu, roh au Bamu.
Hu haluahon bai daroh-Mu
Jesus, au roh Bamu
Ganup uhurhu malum hape,
gabe bayak ?ge masombuh pe.
Humbai dousangku, roh au Bamu,
Jesus au roh Bamu.

2. Maila au butak uhurhin
roh au Bamu, roh au Bamu.
Gabe borsih ma ?ge uhurhin,
Jesus, au roh Bamu.
Humbai holsohku bai sonang-Mu,
humbai doyukku bai damei-Mu
Humbai horungku bai holong-Mu,
Jesus, au roh Bamu .

3. Ganggu ni uhur tading ma in,
Jesus , au roh, roh hu Bamu,
Sai haposanku ma hata-Mu,
Jesus , au roh Bamu.
?Ge pandoleian ni uhurhin ,
sai huayubkon bai holong-Mu .
Gabe martuah megah ma au,
Jesus, au roh Bamu

Details

Hits: 1581

1. Rapkon Tuhan Jesus in pungkah lahoanmu.
Ningon bani Tuhanin tong pangguruanmu.
Jesus baen hasomanmin, puho ampa modom,
Dogei ma bokasNi in, Tuhanmin panalom.

2. Ganup sogod ningun do Jesus diloonmu,
Ase itumpaki ho bai silahoanmu;
Ai arian borngin pe, sai hasomananNi,
Dousamin ganupan pe, sai taluonkonNi.

3. Anggo rapkon Jesus in, seng dong hamagouan;
Pandei pe sibolis in, Jesus sigogohan;
Asal ipanalom ho Jesus in, Tuhanmu,
Ningon sai maporus do na hinoruhonmu.

4. Huondoskon ma tongon haganup langkahku,
Bai Tuhanku, na tongtong ibagas uhurhu.
Atap aha pe hubaen, Ham huunsagahkon.
Saud ma bahen Ham Tuhan haganupan, Amen!