Home

Details

Hits: 1608

1. I Betlehem do tubuh Anak na banta in.
In do halak na bujur, ho todoh Rajangkin.
In do, in do hu todoh Rajangkin.

2. Gok bai holong ateiNi namando uhurhon,
Hubere ma hu Bani ganup na bangku on.
Nai ma, nai ma ganup na bangku on.

3. Sihol haholonganku tongtong Ham, Tuhankin.
Age pusok uhurhu, sai ganda holongkin.
Nai ma, nai ma, sai ganda holongkin.

4. Botul ondoskononku Bamu ma uhurhon.
Sai holong ma ateiMu, urupi au tongtong!
Nai ma , nai ma sai urupi au tongtong.

5. Usih songon dagingku Ham, Naibata hinan;
Bamu au sol mardomu, Ham artangkin nuan .
Nai do, nai do, Ham artangkin nuan.

6. Sai ulang sirang hita, poltik panrahutniin,
Bai holong ni ateita o Jesus, Tuhankin.
Tong ma, tong ma, Bamu ma uhurhon.

Details

Hits: 1608

1. Jesus Naibata, sai bobahon Ham
Hu Bamu ganup hanami, na tinobusMu ganupan
Jolom Ham tongtong tangan nami on

2. Ia masa na sahit ope
Ham patoguh uhur nami, ulang bungbang be hanami
Pangandungan do dalan roh Bamu

3. Roh pe naborit pakon nasahit
Bai hasoman ge bai hanami, Ham patenger uhurnami
Bai ujungni in Ham patoguh in

4. Pambaennami bei bahen Ham turei
Ia roh pe hasunsahan Ham ma, Jesus, palamlamkon
Sonang use in tonduynami in

Details

Hits: 1608

1. Gopas parugas nima ganupan balani,
Tuhan Jesus Kristus hu parmunsuhan in.
Ai seng tarbaen lang monang manlawan malah ho;
Ai munsuhni Tuhanta maningon talu do

2. Tangihon pandiloNi hu parmunsuhan in;
Irikkon ma HataNi mangimbang dousa in.
Tuhanmu hasomanmu manahan munsuh in.
Tongtong sai hatengerhon Tuhanta Jesus in.

3. Seng dong tarpangajamkon pargogoh diri da.
Ai seng dong in margagan anggo bai Naibata.
Ai sihol bereonNi do bam sinajataNiin;
Ai seng tarbaen lang talu munsuhmu baenonNiin

4. Taronkon rahanan da, iparsahitan in.
Podas do in marpunsa ibaen Tuhanta in.
Ibere do gogohmu hubam manaron in.
Ibaen ma ho gamotNi bai harajaonNiin

Details

Hits: 1608

1. O Jesus na Pagoluh au, Anak ni Naibata.
Holong atei-Mu togu au, ondos bai Naibata.

2. Tongon sonang do uhurhin mardingat layak-Mu;
Ai Ham do hagoluhankin bani parmatei-Mu.

3. Anggo domma manosal au halani dousakin,
iipuk daroh-Mu do au anggo hudingat in.

4. Ibuat Ham do horungkin papuho uhurhon,
na sonang au halani in, bai hasombuhonkon.

5. Hutanom mando uhurhin hubagas uhur-Mu,
sonang ma au halani in, au pinagoluh-Mu.

6. Huhatengerhon hata-Mu, ai na sintong do in;
Hudingat bagah-bagah-Mu na so ubahon in.

7. O Jesus, Ham do huankin, sai gok bamu ma au;
Ai Ham do hagoluhankin age lao matei au.

8. Ihasiholi uhurhin au sol ianan-Mu;
Ai pe urasi tonduyhin, papansing Ham ma au.