Home

Details

Hits: 1618

1. Hatahononta diatei tupa ma, ai Negaranta tanoh na lambut
Laut bolag dologni pe ratah, talun jenges ampar do haganup,
In haganupan pasu-pasu-Ni, simada kuasa Tuhan Naibata,
In haganupan pasu-pasu-Ni , simada kuasa Tuhan Naibata.

2. Sanggah poltak mataniari in, martitialas bai sogodni in,
Morum mangerbang bunga-bunga in, irandu doding ni bossala in
In haganupan pasu-pasu-Ni, simada kuasa Tuhan Naibata,
In haganupan pasu-pasu-Ni , simada kuasa Tuhan Naibata.

3. Tanoh na gombur musim pe dear, torsa ganupan mambahen jagar
Jenges idahon damei do ijin, in ma tanohta hatubuhan in
In haganupan pasu-pasu-Ni, simada kuasa Tuhan Naibata,
In haganupan pasu-pasu-Ni , simada kuasa Tuhan Naibata.

Details

Hits: 1618

1. Sada ma ganup na tardilo rup
Manjalo Tuhan in
Mandoding rumbuk Marmegah pe rup Mamuji GoranNiin
Mandoding rumbuk Marmegah pe rup Mamuji GoranNiin

2. Suankon ma da bai uhurta rup hasadaonta in
Sauyun homa manlangkah riap ibagas Tuhan in
Sauyun homa manlangkah riap ibagas Tuhan in

3. Sauhur ganup na porsaya in ibagas Tuhan in
Lurlur do ijin pandodingni in mamuji GoranNiin
Lurlur do ijin pandodingni in mamuji GoranNiin

4. Totap ma Tuhan baen Ham hanai on sada ampakon Ham
Sai Ham ma tongtong Parmahan tongon manjaga hanai on
Sai Ham ma tongtong Parmahan tongon manjaga hanai on

Details

Hits: 1618

Idopni Uhur-Ni Tuhanta Jesus Kristus.
Pakon holong ni atei ni Naibata Bapa
Ampa parsaoran ni Tonduy Napansing ma
Mangkasomani hita ganupan.
Amen!

Details

Hits: 1619

1. Sai itongos Naibatamu ganup na marguna in
Ge borat sitarononmu hot ma ham bai Jesus in

2. Na holsohan mangagakkon na tarpdom Jesus in
Sai inunut morong-orong dob ni sai maila in

3. Sai tongtong maruhur Bapa Tuhan Naibatanta in
Iahapkon do ganupan pusok ni uhurmu in

4. Sai porsaya na madear itumpakkon Naibata
Mintor gangang sitaronon sal unduk uhurmu da

5. Ia songon na lao bungbang, sai pasabr uhurmin
Ai ganup do isarihon Tuhan Naibatanta in

6. Hagogohan ni Tuhanta seng marpabalogan in
Seng jut uhur ni Tuhanta barang sungkod uhurNiin

7. Bai na jumpah adanganni, roh pangurupNi in
Ai sompong do harorohNi pamelahaon holsohmin

8. Sai martuah do ganupan na lamlam maruhur in
Asal ma bujur uhurta sai urah baenonNi in

9. GoranMu ma haposanku Jesus ra do au unduk
Sai pasaud Ham o Jesus barang aha rosuhMu