Home

Details

Hits: 1614

1. Hupaima do Tuhanku, sai masihol uhurhin,
bai parroh ni Tuhan Jesus, songon binagahkon Niin.
Marhasoman olob-olob, hanai on managam Ham.
Maranata roh ma Tuhan, amen sai podas Ham roh.

2. Malas uhur na tarlobih do manggoki uhurhon.
Dob hubogei in soraNi, bai parroh ni Tuhan in.
Marhasoman olob-olob, hanai on managam Ham.
Maranata roh ma Tuhan, amen sai podas Ham roh.

3. Sai sirsir ma ho tonduyhu, paimahon parroh Niin.
Sai itogu-togu Jesus do ham das hu surga in.
Marhasoman olob-olob, hanai on managam Ham.
Maranata roh ma Tuhan, amen sai podas Ham roh.

4. Ai tumaram domma baingkat, Ham Tuhan hun surga in?
Ulang lalab au tarpodom, bani pardousaonkin.
Marhasoman olob-olob, hanai on managam Ham.
Maranata roh ma Tuhan, amen sai podas Ham roh.

Details

Hits: 1614

1. Sai puji ma goran ni Tuhanta,
Na sai sirsir marmudu goluhta
Sai horas ma hita ibagas tahun on.
Dear marjabat tangan ma hita,
Selamat Tahun Baru ma banta.
Sai horas ma hita ibagas tahun on.

2. Sabou ma ganup na lobih hurang,
marhitei uhur marsidungdungan.
Sai horas ma hita ibagas tahun on.
Ai do tandani na saodoran,
na mangirikhon Jesus parmonang.
Sai horas ma hita ibagas tahun on.

3. Jumpahan tuah ganjang ni umur,
janah tongtong marmalas ni uhur.
Sai horas ma luta ibagas tahun on.
Bai na margantih soluk pe tahun,
Tuhanta do tongtong marmuduhon.
Sai horas ma hita ibagas tahun on.

4. Age boi das goluhta sonari,
sedo halani gogoh sandiri.
Sai horas ma hita ibagas tahun on.
Tuhanta ma tongtong sai na puji,
ai Ia do na mangkasomani.
Sai horas ma hita ibagas tahun on.

Details

Hits: 1615

Idopni Uhur-Ni Tuhanta Jesus Kristus.
Pakon holong ni atei ni Naibata Bapa
Ampa parsaoran ni Tonduy Napansing ma
Mangkasomani hita ganupan.
Amen!

Details

Hits: 1616

1. Sai bujur ma ho mangimbang, hajahatonmin ganup
Taram sogop uhur holongni Tuhantain bamu

2. Imbang, ai haru do dalan, na sompit bahalni in
Tading do ai bai hamagouan, na so lao hu surga in

3. Imbang, ase tong do maringgas pabulatkon uhurmin
Bai Tuhanta Jesus Kristus, sai tundalhon dousa in

4. Sai gomosi partonggoan bai Tuhanta Jesus in
Ulang ho marparsaranan borngin ge arian in

5. Ia monag ho sahali mantaluhon dousa in
Ulang ho marnamangadi, jaga hasomanni in

6. Ai sadokah marianan i dunia on ope
Na so holang do jagaon dousa, uhur, daging pe