Home

Details

Hits: 1748

1.Ham o Naibatangku na manompa au ,ai na loja dagingkon i baen goluhkon sai bulinsah au seng adong i tanoh on haporusanku. Pitah ham do haposanku togu ham au na loja on
2.Ham o Tuhan Jesus , na manobus au ,ai na pusok uhurhon i baen dousangkon sai holsohan au. Seng adong i tanoh on, haporusan ku. Pitah ham do haposankin,togu au na marhoru on
3.Ham tonduy na pansing, sai ajari au,sai pagolpa ham au on bani goluh on ulang magou au seng adong itanoh on haporusanku pitah ham do haposankin ,masuk ma ham bai uhurhon.pitah ham do haposankin , masuk ma ham bai uhurhon

Details

Hits: 1755

1.O Raja na sumurung, o Jesus Tuhankin
Na so ongga marujung, harajaonMu in
Sangap janah mardohar,baen Ham Goran-Mu in
Ambilan na madear,sai rarat baen Ham in

2.Paruhur na hun purba,na roh manombah Ham
Luahni pe iboba,lao pasangapkon Ham
Ai bintangMu ididah na marsinalsal
Paboa domma tubuh Ham Ham Sipaluah in

3.Ham na marhasangapon hinan,o Tuhankin
Ai bani habayakon,seng porlu Bamu in
Seng roh Ham mamorluhon arta ni tanoh on
Na sahit do itaron Ham i dunia on

Details

Hits: 1756

1.I Golgota, tajadi do nahinan ,Jesus na sintong,
na lang ongga mardousa tongon , i parsilangkon.

2.Tuhan ta in , seng ongga mangengkar in,
i baen holong Niin , ase ganup na hinopkopNiin ,juppahan damei

3.ParsilangNiin jonong manaksihon in, na parngit ijin ,
na tinaron ni Jesus ijin, ronsi na matei.

4.SilangNi in gantarta do hape in ,pargogoh do in,
bai ganup na porsaya hujin , dapotan ulih.

Details

Hits: 1759

1. Ari na madear tumang lao marayakkon Tuhan in
Hubaritahon Ham Tuhan bujur au mandalankon in
Tuahkin ari in sanggah isasap dousangkin
Ai ipatalar dalankin, janah iungkap uhurhin
Tuahkin ari in sanggah isasap dousangkin

2. Sai huondoskon ma nuan ?ge diringkon Bamu Tuhan
PandiloMu hubangku on, sai hubalosi do tongtong
Tuahkin ari in sanggah isasap dousangkin
Ai ipatalar dalankin, janah iungkap uhurhin
Tuahkin ari in sanggah isasap dousangkin

3. Sai sonang do pangahapkon, anggo hujolom Hata-Niin.
Sai na totap do uhurhin, ai huhaposi Tuhankin.
Tuahkin ari in sanggah isasap dousangkin.
Ai ipatalar dalankin janah iuangkap uhurhin.
Tuahkin ari in sanggah isasap dousangkin.

4. Ibogei na i surga in, do haganupan padankin.
Seng anjai engkar au hunjin, sadokah-dokahni in.
Tuahkin ari in sanggah isasap dousangkin.
Ai ipatalar dalankin janah iuangkap uhurhin.
Tuahkin ari in sanggah isasap dousangkin.