Home

Details

Hits: 1769

1. Goluh naipardalanan buei do sura-sura nuan on
Ase ulang hiranan bai Jesus ma suhutkon
Ase hita ganupan !
Bai Jesus ma suhutkon

2. Buei sirpang ni dalan
Mangondun ase kahou hita on
Ulang sompat manlembang
Tuhanta na ihutkon
Ase hita ganupan!
Tuhanta ma ihutkon

3. Bai dalan na malandit
Ulang sompat targompang ham dalus
Dear ma na papoltik
Manjolom Tuhan Jesus
Ase hita ganupan!
Sai jolom Tuhan Jesus

4. Adong do banta hondor
Tonah ni Tuhan Jesus na jonam
Ase ulang tarbador
In ma na baen onjolan
Ase hita ganupan!
In ma na baen onjolan

5. Bai ganup situjuon
Jaga hita ase ulang jiris
Hotma haporsayaon
Irikhon Tuhan Jesus
Ase hita ganupan!
Irikhon Tuhan Jesus

Details

Hits: 1770

1. Ganup ari do in, ronsi tahun hu tahun,
Sihol do hudodingkon Goran mu.
Ham Tuhan Naibata, sai hupuji do Ham,
halani haganup layak-Mu.
Ham arta naharga, poltik hujolom in,
humbani nahinan Ham do tong Naibatangkin.
Bonani na dear, ronsi sadokah nin.
Panondang na lihar, bai ganup nagolap in.

2. Hatamu do Tuhan, hupindahi nuan,
bahen suluh bai pardalankin.
Pitah Ham dansa in, na mambotoh ijin,
Aha na huporluhon Tuhan.
Ham arta naharga, poltik hujolom in,
humbani nahinan Ham do tong Naibatangkin.
Bonani na dear, ronsi sadokah nin.
Panondang na lihar, bai ganup nagolap in.

Details

Hits: 1772

1. Ambit iuhir bai uhurhu bohimu laho matei Ham
ambit hudingat O Tuhanku panghopkopMu bangku naman
Ai Ham do paluahkon ahu Dousangku do pinorsanMu
Ham manambari naboritku Martuah au halani in

2. Sai jalo Ham ma au, Tuhanku, baen upahni tinaronMu
sihol ingatonni uhurhu ganup na binahenMu
Manghopkop au pardousa banggal, ibaen holong ni ateiMu
Halani in tarbaen au sonang lao marayakhon hutaMu

3. Tarimakasihma uhurhu Bamu, o Jesus Tuhankin
Sai tong do Ham haholonganku mardingat hinalayakMu
Sai jolom Ham tongtong tanganku, manogu au hu lambungMu
Ijalo Ham do tong tonggongku tenger uhurhu halani in

Details

Hits: 1782

1. Songon ursa na binuru sai horahan bai bah in
Sai sonai do au maningon so darngos bai Tuhankin
Sai horahan tonduyhin Bamu ale Tuhankin
Ai antigan idahonku boniMu ale Tuhanku

2. Iluh-iluh ni matangku, sai hupangan do tongtong;
Ai sai tong nini munsuhku; Ai ija Nabatamu?
Sai marhoru uhurhin ai hudingat parrohkin
Ronsi lurlur ni dodingku lao hu rumah ni Tuhanku

3. Undukmin, ale tonduyhu mase pala rusak ho?
Hatengeran Naibatamu, ai paluahonNi do.
Ho na marhoru nuan, malas uhurmin ibaen
Ase tong pasangaponmu Goran ni partuahonmu.

4. Sai manrogop do uhurhu sanggah bai na tangis au
Jordan do hubuanganku ampa Hermon in, na daoh
Songon bah sampuran in mompas bai tondalanniin
Sai sonai do mangkamompas parlajouan in hubangku

5. Iparbagah Naibatangku idop ni uhurNi in
Jadi malas ma u inhurhu anggo sai hudingat in
Borngin, ?ge arian in hudodingkon do ijin
Dear layak ni jahowa mangurupi KuriaNi

6. Ham, alo Batar-Batarhu, seng ingatonMu be au?
Ai sai tambah do horungku, iapasi munsuh au;
Ai holi-holingku pe, sai maropuk do hape
Ai sao tong nini munsuhku : Ai ija ma Naibatamu?

7. Undukmin ale tonduyhu, masi ma sai rusak ho?
Hatengeron ma Tuhanmu seng itandingkonNi ho
Pujionku do tongtong Naibata bai goluhkon
lHatuahon ni bohingku, sai tongtong do haposanku