Home

Details

Hits: 1741

1. O Jesus na sinayat bai hayu na marsilang
Ai uhurMu daulat age sanggah tarsilang
Dong utang hosahnami ham do manaronkonsi
Holong ma Ham o Jesus

2. Galangan tang na susi bai Naibata ibabou
Gantihni manisia na so daulat uhur
Manaron dousanami ulang magou hanami
Holong ma Ham o Jesus

3. Galangan tang na susi na jinaloni Tuhan
Sahira manisia, pasohkon partinggilan
Sai sasap dousanami Ham hapintoronnami
Holong ma Ham o Jesus

4. Galangan tang na susi sai dagingMu panganon
Bai ganup na porsaya sai darohMu inumon
Sai roh Ham marianan marhitei parpadanan
Bennami on o Jesus

Details

Hits: 1744

1. Siparmahan bolon na so ra tarpodom tatap Ham au on
Layak Mu o Tuhan do na manramotkon au sadari on
Ham ma use borngin on na manjaga liot biding ase ahu sonang

2.Ham ma manamparhon ganup hasosakan humbai anakMu
Sasap Ham ganupan dousa paruhuran sai pasonang au
Jesus na dob matei in, in do na padaoh dousangku megah ma uhurhu

3. Ampakon hasoman na hinaholongan ondos ma Bamu
MataMu manonggor seng hanami bobor parorotonMu
Ham ma tong manjaga au ase tong totap uhurhu sadokah goluhku

4. Ganup parmaraan pakon hasunsahan Ham padaoh ganup
Ham o Bapa nami Ham ma manlingodi se sonang ganup
Sipangagou olat Ham ulang dong na niharuan janah isunsahi

5. Atap roh ajalhu bois ni bohalhu bani borngin on?
Anggo in Tuhanku uhurMu do bangku alop Ham au on
Asal ma hu Surga au itogu Jesus Tuhanku sonang do uhurhu

6. Tenger ma uhurhu papitpit matangku mangajamkon Ham
Hu Bamu ma ahu badan pa tonduyhu sai jagai Ham
Ham do mangkatahon in patar anggo puho au Ham parayakonku

Details

Hits: 1745

1. Ho na loja na boratan sai pa totap uhurmin.
Bai na parngit ge na doyuk sai pitah ma uhurmin.
Ulang ganggu be uhurta bai Hata ni Naibata.
PasaudonNi bagah-bagah ni Tuhanta banta da.

2. Ase ulang be ho talu ibaen hagolapann.
Tonggor ma Jesus Tuhanmu na parngit tinaronNiin.
Ulang ganggu be uhurta bai Hata ni Naibata.
pasaudonNi bagah-bagah ni uhana banta da.

3. Halaniin padaoh holsohmu hot ma ham bai Tuhan in.
Bai na dear do itogu haganup na masa in.
Ulang ganggu be uhurta bai Hata ni Naibata.
pasaudonNi bagah-bagah ni Tuhanta banta da.

Details

Hits: 1746

1. Naibata do na margoran Bapa, Anak, Tonduy in
Si ilohkon paringoran na manirang tonduyhin
Humbai hagoluhan in na tagang I surga in
Na dob sasap do dousangku ibaen holongMu hubangku

2. Sai iankon Ham uhurhu sai papansing Ham ma au
Ase tong bujur hatangku ulang be marladung au
Haganup na dorsa pe tanggal ma humbangku le
Ham ipuji, o Tuhanku, hata ampa parlahouhu

3. Ham manolong hasomanku in ma bangsanami in
Haganupan sindohorhu ?ge na so hutanda in
Togu Ham ganupan in marhitei ambilan in
Ase dihut in maluah humbai bolis ampa dousa

4. HarajaonMu pararat bai ganup dunia on
HataMu pe marhidorat bai ganupan tanoh on
Ganup nilinggoman ni hamateian ope in
Togu Ham bai hasiangan ase dapot hasonangan