Home

Details

Hits: 1807

1. Hanami na satangga on, i lobeiMu, o Jesuskin,
Ham ihutkonon nami
Ham ma opungni hanai on, sadokah na marhosah in,
Sai pasu Ham ma hanami
Ham ma Raja, ihutonkon pangguruan, sisungkunon
Tong bai HataMu o Tuhan

2. Sai pasu-pasu hanai bei, Ham pasirsirhon bohal pe
Padaoh Ham hasombuhon
Horasi Ham angkula in, sai tuk na baen Ham gogohni
Sai tahan bani horja
Tolong, tolong, ase tong martenger uhurlah hanami,
Ham ma Tuhan mangidopi

3. Rajai Ham hanai tongtong, pasorap Ham bai uhurhon
Gok damei uhurnami
Marhitei-hitei tonduyMu, iankon uhurnai ganup
Patoguh Ham hanami
Daoh ma, daoh ma, partinggilan, hun bennami haganupan,
Damei ma jolomannami

Details

Hits: 1813

1. Napansing napansing do Ham Naibata nami
Si gomgom haganup tanoh on napansing do Ham

2. napansing napansing do Ham Naibata nami
Ai domma roh hanami Bamu jalo Ham ganup

3. napansing napansing do ham naibata nami
Sai sasap dousa nami ganup se talup Bamu

4. napansing napansing do Ham Naibata nami
Sondangkon Ham bannai bohiMu idop uhurMu

5. napansingnapansing do Ham Naibata nami
Dompakkon Ham homa bohiMu sorap dameiMu

Details

Hits: 1814

1. Na martungkot omas au bai dalanku na madaoh
Na hun surga in do roh, surga in ituju do
In ma haporsayaonku napatotap pardalanku
Na patoguh langkahkin rosi das hu surga in

2. Turun do hun surga in, sinuruh ni Tuhankin
Mangiankon uhurhon, mangajari au tongtong
In ma holong ni uhur-Ni, ibaen dear ni layak-Ni
Iberehon in hape, ulang magou au use

3. Marsinalsal do tongtong, hot ibagas uhurhon
Sada bintang na torang, na mambahen au sonang
Pangarapan ni uhurhu, roh humbani Naibatangku
Paliharhon dalankin, hu nagori atas in

Details

Hits: 1819

1. Tonah ni Tuhanta Jesus, hubanta haganup Kuria-Niin.
Hita do suratni Kristus, marsaksi, mangidangi
Hita do suratni Kristus, marsaksi, mangidangi

2. Tonah ni Tuhanta Jesus, hubanta haganup KuriaNiin.
Hita do suluh na gara, panondang bai na golap.
Hita do suluh na gara, panondang bai na golap.

3. Tonah ni Tuhanta Jesus, hubanta haganup KuriaNiin.
Ase hita songon garam, marsaor pakon hasoman.
Ase hita songon garam, marsaor pakon hasoman.

4. Tonah ni Tuhanta Jesus, hubanta haganup KuriaNiin.
Ase marsihaholongan, sirsir marsiurupan.
Ase marsihaholongan, sirsir marsiurupan.

5. Tonah ni Tuhanta Jesus, hubanta haganup KuriaNiin.
Sihol ma songon bah tubuh, palamlam paruhuran.
Sihol ma songon bah tubuh, palamlam paruhuran.

6. Tonah ni Tuhanta Jesus, hubanta haganup KuriaNiin.
Ase parmahan na bujur, parholong bai hulanan.
Ase parmahan na bujur, parholong bai hulanan.