1. Mantin ni in do hape padanni Tuhan Jesus,
pamalas uhur tene, bai ganup na tinobus.
Dear tumang padanNin, na gabe si joloman,
patonguh uhur do in, bai na marpangarapan.
Sai hagolihkon ma in baen rudang hajenges on,
ase sonang ham ijin gok Tonduy hasintongan.
HinalayakNi do in pasirsir haluahon,
janah damei uhurmin jumpahan hagoluhan.

2. Sai jalo ham Tuhan in, na gabe Siparmahan,
baen hatengeran do in ronsi na ondos padan.
Seng habiaran be in pori aha na masa,
ai seng ijin ujungniin goluh ni na porsaya.
Sai hagoluhkon ma in baen rudang hajengeson,
ase sonang ham ijin gok Tonduy hasintongan.
hinalayakNi do in pasirsir haluahon,
janah damei uhurmin jumpahan hagoluhan.


1. Sihol do uhur hu, patimbulhon Ham Jahowa,
napagoluhkon au pardousa.
Sanggah na hudilo, GoranMu lao mangurupi,
sirsir do Ham roh mambalosi.
Itogu Ham do, au humbai lombang bagas,
in ma ianan hagolapan.
Sai boban Ham ma au hu nagoriatas,
ase tontong marhasonangan.

2. Ganupan munsuhku, seng ilopas Ham marmengah,
Manangkut au baen jabolonni.
Ipatudu Ham do, au bai dalan na gok tuah,
Tontong do Ham mangkasomani.
Itogu Ham do, au humbai lombang bagas,
in ma ianan hagolapan.
Sai boban Ham ma au hu nagoriatas,
ase tontong marhasonangan.

3. Ham do patorsahan, pardalanan ni goluhku,
Ase ulang ahu tarbador.
Ham do parlingodan, dolok batu baen gantarhu,
Ase boi au marmalas uhur.
Itogu Ham do, au humbai lombang bagas,
in ma ianan hagolapan.
Sai boban Ham ma au hu nagoriatas,
ase tontong marhasonangan.


1. Hujon ma ho, ale tonduyhu, na horahan loheian tong
Manjalo layakni TuhanMu, pinasirsirNi in tongtong
Ibere Jesus do dagingNi marhitei-hitei ruti on
Ibere do pakon darohNi marhitei-hitei anggur on

2. Age tongtong pe ari-ari darohNi mangurasi au
Anjaha seng marnamangadi, manogu hu lambungNi au
Sihol au mangan parpadanan ni Jesus Kristus, Tuhankin
Na padameihon partinggilan, na pasonangkon uhurhin

3. Sai holong ateiMu, o Tuhan, tumpaki au sadari on
Ai HataMu do hudalankon mangankon parpadanan on
In pe patorang Ham uhurhu mardingat dear layakMu
In ma tinaronMu dousangku ibaen holong ni ateiMu

4. Patoguh Ham pangarapanku, na dob salosei dousangkin
Marsijoloman ?ge uhurhu bai darohMu na durus in
Sai roh ma Ham, ale Tuhanku, marhitei parpadanan on
Baen rumahMu totap uhurhu, Ham ma ompung ni au tongtong


1. Jesus Kristus in do Raja ipabangkit Naibatanta
Manggomgomi hajojor, mangomgomi hajojor
Janah ganup hajolmaon ningon Bani do marTuhan
Iakuhon in botul, iakuhon in botul

2. Haganupan malekatNi manlioti paratasNi
Pasangapkon Raja in, pasangapkon Raja in
Na humbabou markuasa harajaon i tanohta
Mangirikhon titahNi in, mangirikhon titahNi in

3. Naibatanta sahalakSi Jesus hansa usihanNi
Anak pakon Bapa in, Anak pakon Bapa in
Seng be morot paratasNi seng marsibar be goluhni
Tong do gomgomanNi in, tong do gomgomanNi in

4. Jesus do na pasirsirhon ?se maluah hajolmaon
Halani darohNi in, halani darohNi in
Domma ondos hagoluhan sai tongtong do hatuahon
Bai diriNi Jesus in, bai diriNi Jesus in

5. Haganupan na mardosa na boratan ge na loja
Marhalahon sahit in, marhalahon sahit in
Sai ondoskon uhur nima pakon hinolsohkon nima
Bai Tuhanta Jesus in, bai Tuhanta Jesus in

6. Nasiam ganup na pansing pakon haganup parpintor
Na dob gabei monang in, na dob gabei monang in
Neta ma marsorap-sorap ase rap marolob-olob
Puji ma Tuhanta in, puji ma Tuhanta in

7. Dihut au sihol marsombah sol marolob bai Tuhanta
Lao mamuji Jesus in, lao mamuji Jesus in
Jesus Kristus in do Raja ningon tunduk ganup hita
Mangirikhon Raja in, mangirikhon Raja in