Home

Details

Hits: 1852

1. Jesus Kristus in do Raja ipabangkit Naibatanta
Manggomgomi hajojor, mangomgomi hajojor
Janah ganup hajolmaon ningon Bani do marTuhan
Iakuhon in botul, iakuhon in botul

2. Haganupan malekatNi manlioti paratasNi
Pasangapkon Raja in, pasangapkon Raja in
Na humbabou markuasa harajaon i tanohta
Mangirikhon titahNi in, mangirikhon titahNi in

3. Naibatanta sahalakSi Jesus hansa usihanNi
Anak pakon Bapa in, Anak pakon Bapa in
Seng be morot paratasNi seng marsibar be goluhni
Tong do gomgomanNi in, tong do gomgomanNi in

4. Jesus do na pasirsirhon ?se maluah hajolmaon
Halani darohNi in, halani darohNi in
Domma ondos hagoluhan sai tongtong do hatuahon
Bai diriNi Jesus in, bai diriNi Jesus in

5. Haganupan na mardosa na boratan ge na loja
Marhalahon sahit in, marhalahon sahit in
Sai ondoskon uhur nima pakon hinolsohkon nima
Bai Tuhanta Jesus in, bai Tuhanta Jesus in

6. Nasiam ganup na pansing pakon haganup parpintor
Na dob gabei monang in, na dob gabei monang in
Neta ma marsorap-sorap ase rap marolob-olob
Puji ma Tuhanta in, puji ma Tuhanta in

7. Dihut au sihol marsombah sol marolob bai Tuhanta
Lao mamuji Jesus in, lao mamuji Jesus in
Jesus Kristus in do Raja ningon tunduk ganup hita
Mangirikhon Raja in, mangirikhon Raja in

Details

Hits: 1852

1. O Jesus, sol tardidi na etek-etek on
Sai roh Ham manorihsi roh Ham manjalo on

2. Iboan natorasni sidea on hujon
Ai sol ondoskononni Bamu dakdanak on

3. Ai na ibagas dousa ganupan tubuh on
Abakan na madorsa do nalobeini on

4. Sonai pe alo Jesus sibere tuah in
Ai darohMu madurus manasap dousa in

5. Ai ma ase iboban dakdanak on hujon
Mangindo haluahon bai pandidion on

6. Holong ma Ham o Tuhan mangidah on ganup
Bai buku hagoluhan tingkihon haganup

Details

Hits: 1878

1. Jesus hasomani, hanami haganup;
Pasada uhurnami ase torang ganup
2. Seng boi dalanonnami sanlangkah na torsa;
Dob Ham hasomannami torang age huja.

3. Sai Ham hasomannami ase ganup jorei,
Ganupan munsuhnami mangunduk talu bei.

4. Songon hasomannami, urupi hanai on;
Bai hasosakannami, na i dunia on.

5. Parorot Ham hanami, na dob jabolonMu.
Ampa hasomannami, sai ondos ma Bamu.

6. Dob bois bohalnami, holong ma ateiMu.
Pamasuk tonduynami bai hasonanganMu.

7. Sai tenger do uhurhu mardingat HataMu;
Ham do hatundalanku, bai paruhumanMu.

Details

Hits: 1881

1. Ham tongtong ihutkononku Jesus Sipagoluh au
Seng anjai tadingkononku Ham na paluahkon au
Humbai haganup dousangku pakon humbai uhurm in
Na tongtong habiaranku ibaen pardousaonkin

2. Ai ija ma jumpah ahu sada Tuhan songon Ham
Na manogu-nogu ahu bai na sonang songon Ham
Na manaron hamateian, lao mangkopkop tonduyhin
Ase masuk au manean, ugas sisurungan in

3. Atap aha pen a masa, malas uhur, pusok pe
Jolomanku na mangharga na marholong atei pe
Ai sadokah au manggoluh, ?ge dob bois bohalhon
Ningon Ham, o Sipagoluh, pujionku sai tongtong

4. Sai iankon Ham uhurhu, Jesus, bani TonduyMu
ROnsi ujungni langkahku, Ham, o Tuhan togu au
Ia rotap pe hosahku, gombur pakon matangkin
Jolom Ham tongtong tanganku, ronsi das hu surga in