Home

Details

Hits: 2389

1. Dob roh Jesus in talar ma use kuasaNi in
Ge holong ni pe
Ai Ia haposan haporusan in tor matei pe au
Sonang uhurhin

2. Dob roh Jesus in martuah ganup
Na porsaya in sonang do ganup
Na so ra be magou au mangarap in
Ganupan manggoluh na mangarap in

3. Naborit pe roh sai manosak au
Iluhku pe roh marhoru do au
Dob Jesus ibangku seng bungbang be au
Ai Ia gogohku maluah ma au

4. Talar horungkin i lobeiMu in
Hupindo Bamu gogohMu ijin
Seng tolap be jolma haporusankin
Horungku sai tambah bahenon ni in

5. Bamu o Tuhan manombah au on
Bamu ganupan na dong bangku on
Seng bulih be sirang na rapat Bamu
Martuah sai sonang na roh hu Bamu

Details

Hits: 2406

1. Jesus Kristus in do Raja ipabangkit Naibatanta
Manggomgomi hajojor, mangomgomi hajojor
Janah ganup hajolmaon ningon Bani do marTuhan
Iakuhon in botul, iakuhon in botul

2. Haganupan malekatNi manlioti paratasNi
Pasangapkon Raja in, pasangapkon Raja in
Na humbabou markuasa harajaon i tanohta
Mangirikhon titahNi in, mangirikhon titahNi in

3. Naibatanta sahalakSi Jesus hansa usihanNi
Anak pakon Bapa in, Anak pakon Bapa in
Seng be morot paratasNi seng marsibar be goluhni
Tong do gomgomanNi in, tong do gomgomanNi in

4. Jesus do na pasirsirhon ?se maluah hajolmaon
Halani darohNi in, halani darohNi in
Domma ondos hagoluhan sai tongtong do hatuahon
Bai diriNi Jesus in, bai diriNi Jesus in

5. Haganupan na mardosa na boratan ge na loja
Marhalahon sahit in, marhalahon sahit in
Sai ondoskon uhur nima pakon hinolsohkon nima
Bai Tuhanta Jesus in, bai Tuhanta Jesus in

6. Nasiam ganup na pansing pakon haganup parpintor
Na dob gabei monang in, na dob gabei monang in
Neta ma marsorap-sorap ase rap marolob-olob
Puji ma Tuhanta in, puji ma Tuhanta in

7. Dihut au sihol marsombah sol marolob bai Tuhanta
Lao mamuji Jesus in, lao mamuji Jesus in
Jesus Kristus in do Raja ningon tunduk ganup hita
Mangirikhon Raja in, mangirikhon Raja in

Details

Hits: 2418

1. Mantin ni in do hape padanni Tuhan Jesus,
pamalas uhur tene, bai ganup na tinobus.
Dear tumang padanNin, na gabe si joloman,
patonguh uhur do in, bai na marpangarapan.
Sai hagolihkon ma in baen rudang hajenges on,
ase sonang ham ijin gok Tonduy hasintongan.
HinalayakNi do in pasirsir haluahon,
janah damei uhurmin jumpahan hagoluhan.

2. Sai jalo ham Tuhan in, na gabe Siparmahan,
baen hatengeran do in ronsi na ondos padan.
Seng habiaran be in pori aha na masa,
ai seng ijin ujungniin goluh ni na porsaya.
Sai hagoluhkon ma in baen rudang hajengeson,
ase sonang ham ijin gok Tonduy hasintongan.
hinalayakNi do in pasirsir haluahon,
janah damei uhurmin jumpahan hagoluhan.

Details

Hits: 2469

1. Hubogei Tuhankin, na roh mandilo au
?Marhiteihonni daroh Kin, goluhmu boi sonang?.
Sai manrogop au roh manombah Ham.
Sai papansing Ham ma au, marhitei darohMu.

2. Roh do Bamu Tuhan, au na loja tumang.
Marhitei-hitei holongMu, patoguh uhurhon.
Sai manrogop au, roh manombah Ham.
Sai papansing Ham ma au, marhitei darohMu.

3. Bamu parmonang in, roh au o Tuhankin.
Ganupan sitarononkin, huboan do hujin.
Sai manrogop au, roh manombah Ham.
Sai papansing Ham ma au, marhitei darohMu.

4. Ibere Ham Tuhan, haporsayaonkin.
Sai tambah ma holongMu in, pamalas uhurhin.
Sai manrogop au, roh manombah Ham.
Sai papansing Ham ma au, marhitei darohMu.

5. HorjaMu in Tuhan, dear pardalanniin.
Totap ganup padanMu in, sadokah-dokahniin.
Sai manrogop au, roh manombah Ham.
Sai papansing Ham ma au, marhitei darohMu.