1. Tonggor ma jenges ni in, ganup na sauhur in
Parpambaenan na bujur ge hatani pe botul

2. Misbou do uapni in, songon bunga-bunga in
Ganup na tinompa in, pajagarhon tanoh in

3. Ai usih bai namur do, magarbahi hajojor
Jenges ni parsaoran niin, ganup na sauhur in

4. Iparbagah Naibata, bani na sa uhur da
Pasu-pasu na bahat, uhur na sonang totap

5. Ai ijah ma jumpa be, haholongan in tene?
Seng na jumpah in ijon, pitah bani Jesus do

6. Pitah bai dirina bei, do mansari jolma in
Kawan seng itatap be, ulang ma sonai ale

7. Ale Jesus Anak ni Naibata Jahowa in
Tatap Ham ma jolma on, bani sab dunia on

8. Sai pasorap Ham hujin, holongMu na pansing in
Ajar Ham ma jolma in, marsihaholongan in

9. Sai padomu Ham use, na sora saor ope
Ge pe uhur nami on, sai pasada Ham tongtong

10. O Tuhan, sai togu ma, hanai on bai Naibata
Na marholong atei in, sadokah-dokahni in


1. Tuhan Jesus siparmahan ganup biri-biri do
Jesus gok Bamu uhurhu, sai irikkononku Ham.
Sai irikkononku Ham. Sai irikkononku Ham.
Jesus gok Bamu uhurhu, sai irikkononku Ham.

2. Bai musim ni sipangagou, Ham panjaga na gogoh.
Anggo bokasMu hutonggor, sai irikkononku Ham,
Sai irikkononku Ham. Sai irikkononku Ham.
Anggo bokasMu hutonggor, sai irikkononku Ham,

3. Baen suruhanMu ma ahu, ai seng soya HataMu.
Janah Ham homa manogu, ganup jolma roh Bamu,
Ganup jolma roh Bamu, ganup jolma roh Bamu.
Holong ateiMu sai togu, ganup jolma roh Bamu



1. Jahowa sihol pujionku, ai Ham do Naibata sitompa au.
Sai suruh TonduyMu hubangku, mangajar au mamuji GoranMu.
Marhitei -hitei Jesus AnakMu, ase dear dodingku hu Bamu.

2. Bai anakMu bobahon ahu, ase Bamu iboban au homa.
Sorapkon TonduyMu hubangku, manogu au bai dalan na torsa.
Ase tongtong gok damei uhurhin, janah mesek mamuji GoranMu.

3. Sai holong ateiMu , Jahowa! Papandei au mamuji GoranMu.
Sai ulang asal puas hata, ningon botul mamuji hu Bamu.
Ham Bapa, Anak pakon TonduyMu, doskon na jongjong au i lobeiMu.

4. Tonggokku na lang tarpajojor, Tonduy Napansing patalarhon in.
Au gabe anakMu goranon, Tonduy homa do mangkatahon in.
Ase ibagas Kristus AnakMu boi au mardilo Bapa hu Bamu.

5. Ai TonduyMu do mangajarhon martonggo au domu bai rosuhMu.
Sir-sir do tong Ham manangihon tonggokku marhiteihon AnakMu.
Ibagas Jesus jaloonku do, mardapot ? dapot pasu ? pasuMu.

6. Sonin ma au marolob ? olob , marhamegahon malas uhurhin.
Ai ra do Ham mapparuhurhon, na husuhutkon hu Bamu ijin.
Pasu ? pasuMu sai sirnip do in, lobih humbani panagamankin.

7. Ibagas Kristus au manean, ai pitah Ia hasiholankin.
Marhitei Jesus saud ma Amen, na hupindohon rapkonTonduy in.
Hupuji Ham ronsi sadokahniin, ai Ham tumang do hamegahonkin.



1. Marhitei diatei tupa roh do au Tuhan
Mamboban buah ni horja na binereMu
Jesus. Jesus jalo Ham ma au
Bai hurangni panurdukhu, anju Ham ma au

2. ?Ge buei na dob hujalo pasu-pasuMu
Tapi hurang do hubahen, malas uhurMu
Jesus. Jesus jalo Ham ma au
Bai hurangni panurdukhu, anju Ham ma au

3. Anggo sai hupardimatei ganup layakMu
Patut hurang namin ope, na huboban on
Jesus. Jesus jalo Ham ma au
Bai hurangni panurdukhu, anju Ham ma au