Home

Details

Hits: 1604

1. Sihol do uhur hu, patimbulhon Ham Jahowa,
napagoluhkon au pardousa.
Sanggah na hudilo, GoranMu lao mangurupi,
sirsir do Ham roh mambalosi.
Itogu Ham do, au humbai lombang bagas,
in ma ianan hagolapan.
Sai boban Ham ma au hu nagoriatas,
ase tontong marhasonangan.

2. Ganupan munsuhku, seng ilopas Ham marmengah,
Manangkut au baen jabolonni.
Ipatudu Ham do, au bai dalan na gok tuah,
Tontong do Ham mangkasomani.
Itogu Ham do, au humbai lombang bagas,
in ma ianan hagolapan.
Sai boban Ham ma au hu nagoriatas,
ase tontong marhasonangan.

3. Ham do patorsahan, pardalanan ni goluhku,
Ase ulang ahu tarbador.
Ham do parlingodan, dolok batu baen gantarhu,
Ase boi au marmalas uhur.
Itogu Ham do, au humbai lombang bagas,
in ma ianan hagolapan.
Sai boban Ham ma au hu nagoriatas,
ase tontong marhasonangan.

Details

Hits: 1608

1. Aha ma do dodingkononku ase puji-
On ku Ham.
Ale Tuhan Naibatangku Ham ma mangurupi au.
Seng na tarpajojor ahu holong-Mu tong-tong hubangku.
Halani niin hu uji do Ham maribu hali lo

2. Sai puhoi Ham uhurhu, mandodingkon gogohMu
Ampa idop ni uhurMu, ronsi halayakonMu
Ai sonai do isaksihon tonduy pakon angkulangku
Halaniin hupuji do Ham marribu hali ho

3. Ai bue tumang dousangku ipingkiri uhurhin
Tapi longlang do uhurhu manimbangi holongMu
Pasaloseihon dousangku, ale Tuhan Naibatangku
Halaniin hupuji do Ham marribu hali lo

4. Haholongan, halayakon, Hata hagolohan in
Ampa ganup hadoyukon sai ipakei Ham do in
Mangarahkon au na magou, masuk bai HarajaonMu
Halaniin hupuji do Ham marribu hali lo

5. Sai patoguh Ham uhurhu pasangapkon GoranMu
Ampa haporsayaonku, lambin tambah ma Bamu
Sai pamasuk Ham, o Tuhan tonduyhin bai hagoluhan
Mandodingkon Ham ijin sadokah-sadokahni in

Details

Hits: 1621

1. Na martuah nini Jesus, na sombuh tonduyni in;
Ai langkahni do na torus hu nagori atas in.
Sai na sonang uhurni na manggolom Hata in.

2. Na marhoru pe tarbahen gabe sonang uhurnin;
Ai horuni in mabahen roh na mangapohi in.
Sai na sonang uhurni ganup na iapoh in.

3. Na martuah hataonkon na lamlam maruhur in;
Ai sidea do manean ganup na i tanoh in.
Sai na sonang uhur ni na mangampog ringis in.

4. Barang ise na horahan bani hapintoron in,
na martuah do sidea, ai tongon do jumpah in.
Sai na sonang uhur ni na marhapintoron in.

5. Ise na marholong atei, nin Tuhan Jesus in.
Na sonin do na marrupei balos ni holongni in.
Sai na sonang uhur ni na maridop uhur in.

6. Halak paruhur na pitah, na so saor bai dousa in.
In do tarbaen mangidah Bapa na Mapansing in.
Sai na sonang uhur ni, sisimbili dousa in.

7. Halak na manuan damei, in ihira Naibata.
Gabe anak do sidea sada pakon Naibata.
Sai na sonang uhur ni, na mambahen damei in.

8. Pakon halak na binuru iben hapintoron in.
Sipujion, ai marguru bai doyukni upahniin.
I nagori atas in mulgap ma tuahni in.

Details

Hits: 1647

1. Pesta bolon marpariama, ganup hasoman parjuma in
In ma da na ringgas marhorja manuan omei i juma in
Sai marmegah mangolopkon, Goran-Ni Tuhanta in
Parsimada bai hagoluhan, idop ni uhur tumang do in

2. Pesta bolon marpariama, na mangirikhon Tuhanta in
In mada na ringgas marhorja, mangambilankon hata-Ni in
Sai marmegah mangolobkon, Goran-Ni Tuhanta in
Parsimada bai haluahon idop ni uhur tumang do in.

3. Pesta bolon marpariaman, ganup na bujur maruhur in
In ma da na ringgas marhorja, manuan holong bai jolma in
Sai marmegah mangolopkon, Goran-Ni Tuhanta in
Parsimada bai haluahon, idop ni uhur tumang do in.