1. Barah ma jumpah padan in, in ma parrohni Tuhan
Hubani manisia in mandabuh paruhuman
Bai ganup na manggoluh in age bai na dob matei in
sonai do ihatahon

2. Na bogei ma gomos ijin tarompit ni malekat
ganupan puho ma ijin na matei pinaingkat
Sagala na manggoluh in mamintor mubah ma ijin
Ibaen Tuhanta Jesus

3. Basaon ma podas ijin pustaha partingkian
Ni ganup na dob ongga in binaenni hajolmaon
Ijin torang ibogei bei ganup hinorjahonni bei
Sadokah bai goluh ni

4. Mangarou ma ganup ijin na mangengkar Tuhanta
Na longkot tong uhurni in bai arta na lao seda
Ihutkononni ma ijin sibolis sipangagou in
Lao hu nagori toruh

5. Urupi Ham ma au ijin Ham parholongni atei
Ase tarsurat gorankin tanda ni dousa sahei
Tenger ma uhurhin ijin ai domma talu munsuhkin
Margalar ma utangku

6. Halani ai jagai Ham au das bani paruhuman
sai Ham ma paluahkon au ampakon ni hasoman
ham ma pujion nami bei dob das hujin hanami bei
I surga hasonangan

7. O Jesus dokahniin hape ariMu paimaon
Mabiar hanai on ope ibahen sitaronon
sai roh ma Ham sai roh tongon, paluah hanami on
Humbai ganup pangagou


1. Na hun surga in, suruh TonduyMu
Ale Jesus Tuhan nami, ai sol ondoskonon nami
Hu Bamu ijon diri name on

2. Sadokahni on na matoras do
Na mangkahui hanami, dob tardidi bei hanami
Bai KuriaMu pinapansingMu

3. Na maluah ma hanai on rombang
Humbai namatoras name, gabe ondos ma bannami
Langkahnami on hulobeian on

4. Na maposo rap hanai on gonap
Sai urupi Ham hanami Jesus Kristus, Tuhannami
Ase sai tongtong habujuron on

5. Holong ateiMu, suan HataMu
Masuk bani uhurnami, in ma pangguruannami
Sai hombar hujin gabeinami in

6. Togu hanai on, bai na ngalut on
Ham ma irikkononnami ronsi das bai ajalnami
?Se masuk hujin bai na sonang in


1. Ondoskon haganupan, haruni uhurmin.
Bai Naibata Johowa. Sidear gabei in.
Ai guru bai Tuhanta do tanoh ampa laut.
Buei sintani jolma, uhurni do na saud.

2. Ningon tenger uhurmu mardingat Tuhan in,
Ijin ma jaloonmu, na pinarsintamin.
Ai lang adong gunani, age marhoru ho;
Tonggomu do dalanni ase jumpahan ho.

3. Ibotoh Naibatanta na porlu banta bei,
Na dear roh hubanta mambahen sirsir bei
Na dear ipaatudu tongtong hubanta on,
Na dorsa ipadaoh manjaga hita on.

4. Sai tong tenger uhurmu mardingat Tuhan in;
Lupahon ma uhurmu bai pandoleian in;
Ai anggo itahankon horu ni uhurmin.
Tarolos do Tuhanta mambuat horumin.

5. Paturut Naibatanta patorsa langkahmin;
Na pandei do Tuhanta, ganup pasirsir in.
?Tor sungkod pingkiranNi lao paluahkon ho?
GogohNi ituduhkon, ase ididah ho.

6. Ai pe, o Tuhannami, taluhon hajojor
Pusok ni uhurnami sagala na sambor.
Hu surga in sai bolas ma tonduynami rup
Hu tanganMu ma ondos hanami on ganup.









1. Ondoskon haganupan, haruni uhurmin
Bai Naibata Jahowa, sidear gabei in.
Ai guru bai Tuhanta, do tanoh ampa laut;
Buei sinta ni jolma uhurni do na saud.

2. Ningon tenger uhurmu mardingat Tuhan in,
Ijin ma jaloonmu, napinarsintamin.
Ai lang adong gunani, age marhoru ho;
Tonggomu do dalanni ase jumpahan ho.

3. Ibotoh Naibatanta na porlu banta bei,
Nadear roh hubanta mambahen sirsir bei
Na dear ipatudu tongtong hubanta on.
Na dorsa ipadaoh manjaga hita on

4. Sai tong tenger uhurmu mardingat Tuhan in;
Lupahon ma uhurmu bai pandolean in;
Ai anggo itahankon horu ni uhurmin.
Tarolos do Tuhanta mambuat horumin.

5. Paturut Naibatanta patorsa langkahmin;
Napandei do Tuhanta, ganup pasirsir in.
?Tor sungkod pingkiranNi lao paluahkon ho?
GogohNi ituduhon, ase ididah ho.

6. Ai pe, o Tuhannami, taluhon hajojor
Pusok ni uhurnami sagala na sambor.
Hu surga in sai bolas ma tonduy nami rup
Hu tanganMu ma ondos hanami on ganup.