1. Tuhan Jesus Kristus, parmahan na hun surga.
Simada harajaon i surga pakon dunia
Simada harajaon i surga pakon dunia

2. Holong ni Jesus Kristus, usih songon bah tubuh
Lamlam torsuk inumon, bai uhur na horahan
Lamlam torsuk inuinon, bai uhur na horahan

3. Sinalsal ni Tuhanta, rigapan na maharga
Sanggah bai pardalanan, das hubani tujuan
Sanggah bai pardalanan, das hubani tujuan

4. Marhiteihon holongNi, ugahta itambari.
Marhiteihon darohNi, utangta igalari
Marhiteihon darohNi, utangta igalari


1. Domma loja dagingkon sihol pitpit matangkon
O Bapa panonggorMu na manjaga modom au

2. Sasap Ham ma haganup na hubaen na so talup
Haganupan simbeihin ipajorei Jesus kin

3. Haganup hasomankin ondos ma hutanganMu
Isi ni dunia on jaga Ham saborngin on

4. Halak na masombuh in ampa na boritan in
Haganup na horu pe, Ham mangapoh in, ale


1. Ai domma gorsing omei i juma, barah ma pariama
I dilo Tuhan Jesus do hita, ase dihut marhorja.
Riap ma hita sauhur mangidangi, bai horja ni Tuhanta.
Sir sir do Tuhanta Jesus mambohali, irikhon malah Ia

2. Humpulan naporsaya do juma, hulanan ni Tuhanta.
In ma na sihol arahkonta, sada bai pangarapan.
Riap ma hita sauhur mangidangi, bai horja ni Tuhanta.
Sirsir do Tuhanta Jesus mambohali, irikhon malah Ia.

3. Kuria na tong mahasadaon, harosuh ni Tuhanta
Namangahapkon sada tujuan, sonai ge sura-sura
Riap ma hita sauhur mangidangi, bai horja ni Tuhanta.
Sirsir do Tuhanta Jesus mambohali, irikhon malah Ia.

4. Halani in pahoskos pamonting, gombas marbois gogoh.
Ulang adong be omei na tading, humpul ma baen hu hobon.
Riap ma hita sauhur mangidangi, bai horja ni Tuhanta.
Sirsir do Tuhanta Jesus mambohali, irikhon malah Ia.


1. Roh do hanai manrogop Tuhan mansopotkon dousa nami
Holong ma Ham bennami Tuhan sasap Ham ma in sonari
Ulang hanai boratan Tuhan uhur pe urah mandolei

2. Ham hansa pangurupi Tuhan age aha pe namasa
Na gabe panungkunan Tuhan Pasaudkon ganup horja
Ase ulang tartolsu Tuhan bai horja na lang marguna

3. Patoguh uhur nami Tuhan ase hot haporsayaon
Ulang lopas hanami Tuhan simbeei bai sirpang ni dalan
Ase ulang tarlambat Tuhan das hanami bai tujuan.