Print
Hits: 537


1. Marhitei olob-olob do naik Tuhan in
Ganupan do marolob-olob malekatni in
Ringgas ma hita pe na puji ma Tuhanta
Mogah ma pandodingta marolob-olob bei

2. Na mulak bai hotakNi hape Tuhanta in
Hu lambungni BapaNi i siamunNi in
Ganup par surga in manombah na dob monang
Tuhanta in na sonang na roh hun tanoh in

3. Ihutkon ma bokasni dalanni Tuhan in
Ai hita pe homani sol lao hu surga in
Tangkas ma ingat hita ai anggo Jesus Tuhan
Sai tong do ipadalan nidokni Naibata

4. Itaron hamateian mangkopkop hita on
Paturei pardalanan na roh hun tanoh on
Manogu hita rap hu lambungni BapaNi
Ijin ma ilobeiNi sol ondos haganup

5. Ai pe ringgas ma hita manlawan dousa in
Manrotap uhur daging ge hajahaton in
Na hasiholi bei Tuhanta na i surga
Ai Ia do na pantas, in ma usihi bei

6. O Jesus Tuhan nami holong ma ateiMu
Sai sasap dousa nami paluah hanai on
Pamasuk hanai rup bai goluh simagira
Se boi hanami dihut mamuji ham tongtong