Home

1. Naha ma panjalongku, Bamu o Tuhankin?
Naha ma panjumpahkonku, Bamu o Rajangkin?
Sondangi Ham uhurhu, na golap na bodoh.
Ai sihol bahenonku do hamegahon Mu.

2. Ganupan par-SionMu do mangolobkon Ham.
Sonin homa uhurhu lao mangayaki Ham.
Na megah do uhurhu mamuji GoranMu.
Bujur sura-surangku pasaudkon rosuhMu.

3.Ai seng be dong na hurang pinasirisirMu on.
Mambaen hubangku suang damei ni uhurhon.
Marhoru pe uhurhu binaen ni dousangkin.
Roh do Ham Sipagoluh pamalum uhurhin.

4.Ai marhalani aha ?se porlu uhurMu.
Roh bani manisia, anggo lang holongMu?
Ham parholong ni uhur bai na tarsosak in.
Ase ulang tarambur ganup na magou in.

5.Ai na tarsangkut ahu, Ham mananggali au;
Bai na tartutup au, Ham paluahkon au.
Ham do na pasangapkon na madorun hinan.
Ham do na pabayakkon na masombuh hinan.

6.Ganup na pusok uhur halani dousa in,
Tangihon hata mungmung na roh hun surga in;
Ai roh ma Sipagoluh isuruh Bapa in,
Pasonang uhurnima mamboan damei in.

7.Seng be habiaranmu, pangagou in ganup
Ai domma roh Rajamu, manlawan in ganup
Maporus do ganupan, ibaen Rajanta in,
Rendep ma haganupan, ilobe-lobeiNiin.

8. Tuhanta roh magira, bai paruhuman in.
Ijin ningon maila, na teos uhur in.
Na marholongni atei, malas ma uhurNiin.
Ijin hataonkonni : ?Napuji na roh in?.