1. Sai togu Ham huhasonangan,
Au on o Jesus Tuhankin
Humbai ganup horja larangan,
Sai sirang Ham au on hunjin
Ija ma jumpah hagoluhan,
Na so ibere Ham o Tuhan
Marhitei-hitei darohMu?
Sai tong paunduk Ham uhurhu,
Ulang be dong sura-surangku
Na so talup bai uhurMu

2. Ham o Rajangku ulang lopas lao
Ganggang hum Bamu au on
Patoguh Ham janah pahoras
Bai parhuanonMu au on
Ija ma jumpah hatuahon i darat ni na pinindahan
Ni holongMu hubangku?
Hubotoh halani HataMu, sai hot igolom in uhurhu
Sai hasonangankin do Hamilton

3. Sai sol bujur paruhuronku
Sadokah na manggoluh au
Ai Ham tumang huholonganku,
Bamu marhatundalan au
Sai tong ma jaga Ham uhurhu,
Pikiran ampa parlahouhu
Tongon anakMu do au
Pamasuk Ham au on o Tuhan
Hubai iananMu na sonang
Sai songon Ham i surga au

4. Ai domma pag au on manaron,
Ganupan na maborit in
Na ra ma au arian borngin,
Lao mangirikkon Jesuskin
Ringis ni jolma pe hutaron,
Ge iapasi pe hutaron
Sai huusihi Jesuskin
Ai bani ujungni langkahku,
Iijai ma hamalaskononku
Ganup na dong bai Tuhankin