1. Haganupan jolma matei ningon matei daging in
Na manggoluh ningon matei, se madear use in
Badan on do gabe bangkei ai maningon gabe danei
Se magira bangkit in bai hasangapon ni in

2. Ai pe lang be tahanonku uhur ni Naibatangkin
Huberehon pe hosahku lang be pusok uhurhin
Ai bai ugah ni Jesus dapot au hagoluhanku
Ibaen parmatei Ni in do tarapoh uhurhin

3. Jesus Kristus domma matei halaniin manggoluh au
Tuah pe marbagei-bagei, ai pe misir ma lah au
Manadingkon pardagangan mangayaki hasonangan
Mandapoti Jesuskin ai siholan au hujin

4. Sonang ma tongon uhurhu anggo jongjong au ijin
Ampa ganup hasomanku na marhasangapon in
Serapim pe mamberehkon sangap pakon hatunggungon
Idodingkon ma ijin Sangap ma bai bai Tuhan in

5. Dihut do ijin homani na porsaya haganup
Ompung pakon nabi-nabi ge Apostel haganup
Ai marribu do tahunni lao marayak hasonangan
Ganup na mapansing in pasangapkon Tuhan in

6. O Jerusalem na jenges lihar ni sinalsalmin
Sonang au anjaha mesek manangihon dodingmin
Hamegahon do na poltak hatuahon do na mulgap
On ma ari in tene na so ra maronti be

7. Ai idahon ni matangku hasangapon in ganup
Hapintoran do hiohu na pabangkit au talup
Na marrudang hamonangan jongjong au bai hasonangan
Mandompakkon Naibata sai tongtong Haleluya